Nyöŋ 3:1 - JAM DE NHIALIC 2011

¹ Go Mothe ŋoot ke jam an, “Na wën ke wo lɔ tueŋ të lɔ rut, wo lɔ wun cɔl Bacan. Na wën ke Og melik de Bacan, kekë remdɛn ë tɔŋ ëbɛ̈n, ke ke yïn wook tɔŋ në Ederi.

Nyöŋ 3:1 Iomraidhean Croise

1 Mel 4:19

Ku Geber wën ë Yuri: arɛ̈ɛ̈r piny de Giliyad, piny wään cieŋë Thiɣon melik de Amor ku Og melik de Bacan Ku ade bɛ̈ny mac baai ëbɛ̈n, mɛ̈t kekë kɔckë kathiëër ku rou.

Neɣe 9:22

“Acï keek tɔ tiam juöör, ku ciɛɛŋ juëc ku piiny nu në akɛɛthken nïïm, acïk piny de Ɣecbon, ɣɔn mɛcë Thiɣon bɛ̈n dɔm në riɛl, ku piny de Bacan ɣɔn nu ë Og ke ye melik thïn.

Diɛt 136:20

ku Og, meliŋ de Bacan, nhiëërdɛn agɔk atɔ̈u athɛɛr.

Nyöŋ 1:4

Kënë ee wään cïï Bɛ̈nydït Thiɣon kekë Og tiaam. Thiɣon aaye melik de kɔc ke Amor, ku aa rɛ̈ɛ̈r wun cɔl Ɣecbon, ku Og aaye melik de Bacan, ku aa rɛ̈ɛ̈r ë Acetaroth kekë Ederi.

Nyöŋ 2:32

Na wën, aa bɔ̈ Thiɣon bei kekë kɔckɛn ke tɔŋ bïk bɛ̈n thɔ̈ɔ̈r në wook ë Jaɣadh.

Nyöŋ 29:7

Ku wään aa cuk bɛ̈n ee tënë, go Thiɣon melik de Ɣecbon ku Og melik de Bacan, gokï bɛ̈n bïk bɛ̈n thɔ̈ɔ̈r në wook. Ku acuk keek bɛ̈n tiaam,

Nyöŋ 3:2

Go Bɛ̈nydït ya yɔ̈ɔ̈k, an, ‘Du riɔ̈ɔ̈c në yen, në luɔi cän ye tääu në wecin kekë remdɛn ë tɔŋ ëbɛ̈n, ayï paande. Luɔikï kë cït kë wään, bäk luöi Thiɣon melik de kɔc ke Amor, wään ceŋ Ɣecbon.’

Nyöŋ 31:4

Ku abï Bɛ̈nydït ke luöi kë cït kë wään cï luöi yï Thiɣon kekë Og. Kek Meliik ke kɔc ke Amor wään bï keek riɔ̈ɔ̈c ayï pinyden.

Nyöŋ 4:47

Acïk pinyde bɛ̈n peec ku peckï piny de Og melik de Bacan, kek meliik kaarou de kɔc ke Amor, ëtɛ̈ɛ̈n në wɛ̈ɛ̈r de Jordan nɔm lɔɔk të lɔ aköl amiäk.

Jocua 12:1

Kɔc ke Yithriɛl cï meliik kaarou tiaam, ku peckï piny tɔ̈u në Araba ëbɛ̈n ë wɛ̈ɛ̈r de Jordan kɔ̈u të lɔ aköl amiäk, gɔl në bäny de Arnon agut cï bäny de Jordan. Ku lee guöt cï kuur ë Ɣermon të lɔ rut.

Jocua 12:4

Ku tiamkï melik Og melik de Bacan, raan töŋ de kɔc ke Repaim ë cï döŋ. Ee yen ë cieŋ Acetaroth kekë Ederi.

Jocua 13:30

Ku pinyden agɔl rɔt në Maɣanayim, ku mɛt Bacan thïn ëbɛ̈n, në ɣɔn cieŋ ë melik Og ëbɛ̈n, melik de Bacan, ku pɛ̈ɛ̈nydït ke Jayir kedhie kathiërdhetem në Bacan.

Jocua 9:10

ku piŋku kë cï luöi meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku kë cï luöi Thiɣon melik de Ɣecbon, ku Og melik de Bacan kɔc rɛ̈ɛ̈r Acetaroth.