Nyöŋ 27:7 - JAM DE NHIALIC 2011

⁷ ku we bï aa näk ëtɛ̈ɛ̈n, ku camkï miɔ̈cduön de mät, ku jakï piɔ̈ɔ̈th miɛt ë Bɛ̈nydït Nhialicdun lɔ̈ɔ̈m.

Nyöŋ 27:7 Iomraidhean Croise

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Ɣabakuk 3:18

ke yɛn bï ŋoot ke ya mit piɔ̈u në biäk konyë Nhialic ɛn.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 16:14

Miɛtkï piɔ̈ɔ̈th në yen ë mïthkun, ku kɔc ee we luööi, ku Lebai, ku kɔc lei, ku mïth abɛɛr, ku diëër abɛɛr rɛ̈ɛ̈r ë wuötkuniic.

Nyöŋ 27:6

në biäk bï yïk ëbɛ̈n, yïïŋ bïï aa luöi Bɛ̈nydït Nhialicdun dhil aa looi në kur kënë guaŋ. Wek bï miɔ̈c ye nyop ëbɛ̈n gam ëtɛ̈ɛ̈n,

Nyöŋ 27:8

Ku gäärkï wël ke lööŋ ke Bɛ̈nydït ëbɛ̈n ë gɔk, gäärkï keek në kur cï rɔɔth kɔ̈ɔ̈th në kë ye käŋ rɔɔth.”

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Kolothai 1:20

ago käŋ tɔ luukë kedhie në yen, në luɛl cï en mät lueel në riɛm de timdɛn cï rïïu nɔm, nɔn ee kek ka nu ë piny nɔm, ku nɔn ee kek ka nu paannhial, ee Wënde yen aa luuk ke.