Nyöŋ 26:2 - JAM DE NHIALIC 2011

² raan ëbɛ̈n ë we yiic, abï biäk ë tëm tueŋ në rɛɛpke yiic ëbɛ̈n aa tääu në diöny yic, ku abäk dhil jɔt në week ëtök, lɛɛrkï të töŋ de läm.

Nyöŋ 26:2 Iomraidhean Croise

2 Mel 4:42

Na ɣɔn ë kööl tök, ke raan ë bɔ̈ paan ë Baal Calica, ke yïn raan de Nhialic kuïïn cï pam ke barli ë piac luɔk kathiërrou, ke ye miɔ̈c, ku lɔ rɛɛp cï piac luɔk ë cuaalic. Go Elica lïmde yɔ̈ɔ̈k bïï ke gäm kuut de tït bïk ke cam,

2 Lëk 31:5

Na wën aa cï löŋ teem, go kɔc ke Yithriɛl miɔ̈c bɛ̈ɛ̈i, miɔ̈c piɛth de anyuɔl, ku mɔ̈u, ku miök de olip, ku miök de kiëc, ku miɔ̈c de kajuëc cï kɔn luɔk ë duum yiic, ku bïïkï töŋ de thiëër de ka cï luɔk kedhie.

2 Lëk 6:6

Ku ënɔɔnë Yɛn cï Jeruthalem lɔc ke ee të bïï ë Yɛn aa lam thïn, ku lac Debid, bïï kɔckï wat.”’

Neɣe 12:44

Ɣɔn ee thaarë kɔc aake cï gäm muŋ de luɔi de ɣööt ye käŋ tɔ̈ɔ̈u ka ye juɛ̈ɛ̈r Luaŋdït, në töŋ ë thiëër, ku rɛɛp cï kɔn luɔk ku kake ee luɔk në ruöön thok ëbɛ̈n. Kɔckë acï ke gäm riɛl bï kek käŋ aa tɔ kut në duum thiääk në wuöt, ka ye juɛ̈ɛ̈r bäny ke kake Nhialic ku kɔc ke Lebai cït kë kɔɔrë löŋ. Kɔc ke Juda kedhie aake cï piɔ̈ɔ̈th miɛt në bäny ke kake Nhialic ku kɔc ke Lebai,

Neɣe 13:31

Ku kiëët tiim juëc ye ke miɔ̈c nyop, ke ke bï aa bɛ̈ɛ̈i në thaar wën kɔɔrë ke, ku biäk de kɔc bïk miɔ̈ckɛn ë rɛɛp ë kɔn luɔk kekë mïth ke tiim cï kɔn luɔk aa bɛ̈ɛ̈i. Nhialic, tak Yïnɔm në ee kënë ëbɛ̈n, ku gämë yɛn ariöp në këde.

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bɛ̈n 22:29

“Ye miööc në rɛɛpku yiic, ayï mɔ̈u, ayï miök de olip të cï kaku luɔk. “Gämkï ya mïth kɛ̈ikun, mïthwät.

Bɛ̈n 23:16

“Yak dhuëëŋ de tëm looi, në baŋ de ka cï kɔn luɔk të cä wek tëm de ka cï luɔk gɔl ë duumkun yiic. “Yak Dhuëëŋ de Kɛ̈ɛ̈t looi, të ye käŋ määt yiic, kakuön cï luɔk ë duumiic në thök ë ruöön.

Bɛ̈n 23:19

“Yak kë tueŋ de ka cï kɔn luɔk domdun bɛ̈ɛ̈i ɣön ë Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.”

Bɛ̈n 34:26

“Yak këpiɛth tueŋ ë ka cï kɔn luɔk në duumkuniic bɛ̈ɛ̈i ɣön ë Bɛ̈nydït Nhialicdun në ruöön nyin ëbɛ̈n. “Duökï amɛthɔ̈k ee thaal në ciɛk ke man yiic.”

Jeremia 2:3

Yïn Yithriɛl yïn ee këdï Yatök, yïn ee kë cï kɔn luɔk ɣeric. Yɛn cï nuan, ku riääk tuöc kɔc ee yïn luöi kërac. Acä lueel, Yɛn Bɛ̈nydït.”

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 44:30

Bäny ke kake Nhialic abï keek aa gäm këpiɛth de këriëëc cï kɔn luɔk ëbɛ̈n, ku lɔ ka kɔ̈k cï gäm yɛn. Në akööl ye kɔc kuïn cï pam nyop, kɔc abïk kuïn cï pam tueŋ ë nyop gäm bɛ̈ny de kake Nhialic, ke ye miɔ̈c, ku athiɛɛidï abï lɔ̈ŋ ë ɣöötken yiic.

Edhekiɛl 48:14

Të cï gäm Bɛ̈nydït yen ee të piɛth ë piny yic ëbɛ̈n, ku acïn të thiin duëërë ɣaac ku nɔn waar ë däŋ. Kënë ee tëɣeric, ku ee këde Bɛ̈nydït

Lebai 2:12

Aduëër ë keek yiɛ̈n Bɛ̈nydït ke ye miɔ̈c ë rɛɛp cï kɔn luɔk. Ku acïï keek bï ya gam në yïk nɔm ke ye miɔ̈c tum mit ye nyop.

Lebai 2:14

Na yiɛ̈në Bɛ̈nydït miɔ̈c ë rap cï kɔn luɔk, gämë miɔ̈c ë rɛɛp cï kɔn luɔk cï geet ë mac, ku nɔn ee aɣar cï tiɔ̈p.

Romai 11:16

Ku na ɣer awany tueŋic, ka yen ɣɛɛr ë awacic ëbɛ̈n ka, tim, të ɣeerë meideyic, ka yen ɣɛɛr ë kërke yiic ka.

Romai 16:5

Ku thiëckï ɣön ë Nhialic ee lɔ̈ŋ ɣönden ayadäŋ. Thiëckï Epaineto raan nhiaar, raan cï Kërtho kɔn gam në Akaya.

Romai 8:23

Ku acie keek kapäc, ee wook aya, wok kɔc cath në Wëi, biäk cï kɔn gäm wook, wok gup, wok ee keŋ ë woyiic, wok ee muŋ bï wo muk tiit, yen aye wɛ̈ɛ̈r bï wo wɛ̈ɛ̈r gup bei.

1 Kor 15:20

Ku ënɔɔnë Kërtho acï rɔt jɔt ë kɔc cï thou yiic, ago aa kë cï kɔn luɔk ë kɔc cï niin yiic.

1 Kor 15:23

Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n.

1 Kor 16:2

Ëkööl tueŋ ee kek dhorou ëbɛ̈n, week wedhie, ë ŋɛk ë ye käŋ tɔ̈ɔ̈u abï ke kueet, acït man cï Nhialic e tɔ yök käŋ, ku miäk të cän bɛ̈n, ka cïn juɛ̈ɛ̈rëkäŋ bï nu.

Nyöŋ 16:10

ku ëtɛ̈ɛ̈n, jakï dhuëëŋ de tëm bɛ̈n looi, bä wek Bɛ̈nydït Nhialicdun riëëu, ku wek bï miɔ̈c de miɛtëpiɔ̈u bɛ̈ɛ̈i cït man de athiɛɛi cï gäm week.

Nyöŋ 18:4

Abïk miɔ̈c de rap cï kɔn luɔk, ku miök, ku mɔ̈u, ku nhïm ke thök aa nööm.

Nyöŋ 26:1

Go Mothe lueel an, “Të cä wek piny gëm ë Bɛ̈nydït Nhialicdun week jɔ nööm, ku jakï rëër ëtɛ̈ɛ̈n,

Nyöŋ 26:3

Lɔɔr tëde bɛ̈ny de kake Nhialic tɔ̈u ë luɔi yic ee köölë, ku lëkkë yen, an, ‘Acä lɛ̈k Bɛ̈nydït Nhialicdï ee köölë nɔn cän bɛ̈n piny cïï Bɛ̈nydït thön kuarkuɔ an bïï gäm wook.’

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

Jocua 18:1

Na wään, aacï akutnɔm de kɔc ke Yithriɛl piny peec ëbɛ̈n, ke ke mɛt Cilo kedhie, ku piëëtkï paany de mät ëtɛ̈ɛ̈n.

Nyuuth 14:4

Kɔckë ee kɔc kën kegup tɔ rac në diäär: ayek kɔc kën kɔn lɔ ë diäär: Kɔckë ee kɔc ë Nyɔŋamääl kuany cök, të de en të le yen thïn. Kɔckë aake wëërë bei ë kɔc yiic, bïk aa kɔc cïï piny kɔn luɔk ë ke në këde Nhialic ku në këde Nyɔŋmääl.