Nyöŋ 26:14 - JAM DE NHIALIC 2011

¹⁴ Yɛn cïn kë cä cam në keyiic wään dhiau ɛn, ku acïn kë cä bɛ̈ɛ̈i bei ɣöndï wään raac yɛn guöp në biäk de ciɛɛŋ, ku acïn kë cä gam në keyiic ke ee miɔ̈c de thuɔɔu. Yïn cä riëëu guöp, Yïn Bɛ̈nydït, yɛn cï këriëëc ëbɛ̈n looi, kë cï lueel në biäk de töŋ thiëër ë käŋ.

Nyöŋ 26:14 Iomraidhean Croise

Diɛt 106:28

Na ɣɔn në Baal de Peyor, go kɔc ke Nhialic mɛt ë läm de Baal yic, ku camkï miɔ̈c cï gäm yiëth cï thou.

Diɛt 18:22

Lööŋke kedhie acä ke döt, acïn löŋdɛn cä dhɔ̈ŋic.

Jeremia 16:7

Acïn raan bï cam ku dëk kekë raandäŋ ke bïï muk piɔ̈u në biäk cïï raan nhiɛɛr thou. Acïn raan bï dhiënëpiɔ̈u nyuɔɔth, acakaa raan cïï wun thou ku nɔn ee man.

Edhekiɛl 24:17

Du dhiëndu tɔ piŋ. Du cath ke yï ke yï kuöm nɔm ku du cath ke cin war ë yïcök ka wën nyooth dhiëëu. Du yïnyin kum ku du cäm në këcam ye kɔc dhiau cam.”

Ɣodh 9:4

Acïkï miɔ̈c de mɔ̈u bï bɛ aa gäm Bɛ̈nydït. Ku nɔn gɛmkï miɔ̈cdɛn ye nyop ëbɛ̈n acïï Bɛ̈nydït bï bɛ aa miët piɔ̈u. Miɔ̈cdɛn yek gamë, abï ciët këcam de dhiëëu. Ku raan ëbɛ̈n raan lɔ yen cam, abï ye tɔ rac guöp. Abïk këcamden aa cam në biäk de cɔŋden yetök. Acïkï bï aa bɛ̈ɛ̈i Luaŋdït ke ye miɔ̈c.

Lebai 21:1

Na wën, ke Bɛ̈nydït ë yöök Mothe an, “Jäämë bäny ke kake Nhialic, wɛ̈ɛ̈t ke Aron, ku lɛ̈kë keek an, ‘Bɛ̈ny de kake Nhialic acïï yeguöp bï päl acuɔl në biäk de raandɛn cï thou ë kɔcken yiic.

Lebai 21:11

Acïï bï dhil lɔ të nu raan cï thou, ku acïï rɔt bï päl acuɔl, cakaa wun kekë man kek ë thou.

Lebai 7:20

Ku na lɔ raan cïï lɔgɔk në biäk de ciɛɛŋ, na le cuet ë miɔ̈c de män de Bɛ̈nydït, yen ë raanë, abï dhil tɛɛm wei në kɔckï yiic.

Malakai 2:13

Ku däŋ yak looi kï: wek ee yïïŋ ë Bɛ̈nydït mool nɔm në pïïu ke wenyïïn. Ku wek ee röt näk piny në dhiëëu ku kiɛɛu, në baŋ cïï Bɛ̈nydït miɔ̈cdun ee bɛ gam në miɛtëpiɔ̈u, ku cïnic këde thïn kekë miɔ̈cduön yak gam.

Nyöŋ 13:5

Ku näkkï raan ëbɛ̈n raan ee nyuöth waaric ayï tiët ee we yöök, an, bäk Bɛ̈nydït Raan ë kony week ë Rip rɛɛc, të wään ya wek lïïm thïn. Kɔc cït ee kakë ayek karɛc looi, ku akɔɔrkï bïk week thɛl wei në pïïric, pïïr cï Bɛ̈nydït lɛ̈k week an bä wek pïïr. Abï keek dhil nɔ̈k aguɔkï kërɛɛcë jɔ bɛ̈ɛ̈i bei ë weyiic.

Nyöŋ 15:5

Na lak lɔ riëëu, ku kuanykï lööŋke yiic apiɛth, lööŋ cä lɛ̈k week ee köölë.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 26:13

lɛ̈kkï Bɛ̈nydït an, ‘Acïn tök në ka ɣeriic, töŋ thiëër ë käŋ cï döŋ baaidï, acä keek gäm Lebai, ku kɔc lei, ku mïth abɛɛr, ku diëër abɛɛr, cït man cï Yïn a yɔ̈ɔ̈k an luɔi. Yïn kën rɛɛc thok ku yɛn kën nɔm määr në löŋ tök në lööŋ cï lueel në biäk de töŋ thiëër ë käŋ.

Nyöŋ 26:15

Ye piny woi paannhial tëduön ɣeric, ku thieei kɔckuön ke Yithriɛl, ku thieei piny cï gäm wook aya, piny ee wat ë ca ku miök ë kiëc, cït man wään cï Yïn kuëëŋ we kuarkuɔ.’