Nyöŋ 24:1 - JAM DE NHIALIC 2011

¹ Go Mothe lueel an, “Na de raan nɔm tiiŋdɛn cï thiaak, ku jɔ bɛ lueel an cïï be kɔɔr, në biäk cï yen këdäŋ yök në yeguöp kë cïï kɔɔr. Ku jɔ awerek de päl ë tik gɔ̈ɔ̈r, ku gëm keek yen, ku jɔ cuɔp wei baaide.

Nyöŋ 24:1 Iomraidhean Croise

Bɛ̈n 21:10

Ku na cï raan tiiŋ däŋ thiaak, tiiŋ ye diäär rou, ka abï ŋoot ke ye tiiŋ tueŋë gäm këciɛm, ku lupɔɔke ku yicde cït man wään tueŋ. Ku tɔ rɛ̈ɛ̈r ke ye tiiŋde.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Malakai 2:16

Acï Bɛ̈nydït Nhialic de Yithriɛl lueel an, “Yɛn man päl ë diäär ku teer. Yɛn man raan ee rɔt gëër në awuɔɔu. Yen kë cï Bɛ̈nydït de rɛm lueel ka. Ka week tiɛtkï röt apiɛth, ku duökï diëërkun pɛ̈l wei.

Kuɛ̈n 5:12

“lɛ̈kë kɔc ke Yithriɛl an të cïï tiiŋ e raan awäc looi,

Kuɛ̈n 5:28

Ku na kën köör, ka acïn kë bï ye yök ku aduëër mïth dhiëëth.

Math 1:19

Ku Jothep monyde ee raan piɛth, go piɔ̈u ciën luɔi lueel en en ë kɔc nïïm, ku ade piɔ̈u luɔi bï en en pɔ̈l ke kuc kɔc.

Luk 16:18

Raan pɔ̈k ke tiiŋde, ku jɔ däŋ thiaak, ka yë lɔ ke tiiŋ lei, ku raan thiak tiiŋ cï pɔ̈k ke monyde, ka cï lɔ ke tiiŋ lei.

Nyöŋ 21:15

“Na de raan nɔm diäär kaarou ku keek kedhie acïk yen dhiëth mïthwät, ku wën kɛ̈i acie mɛnh ë tiiŋ nhiɛɛr.

Nyöŋ 22:13

“Na de raan nɔm tiiŋ cï thiaak, ku jɔ bɛ guiir an cïï be kɔɔr.

Nyöŋ 22:19

ku abïk moc kuum në bɔt töŋ de ateek, ku abïk wëu gäm wun duet, në biäk cïï moc ayäär bɛ̈ɛ̈i në nyan kën kɔn yök ke moc de Yithriɛl guöp. Ku tik abï ŋoot ke ye tiiŋde, ku acïï bï kɔn tɔ pɔ̈k kekë yen në akööl pïïr kek ëbɛ̈n.

Nyöŋ 22:29

monyë abï kuën de thiëëk gäm wun duet, thiërdhïc de ateek, ku nyanë abï aa tiiŋde. Në biäk cï yen tɔ tɔ̈c ke yen në riɛl. Ku acïï bï kɔn tɔ pɔ̈k kekë yen në akööl pïïr kek ëbɛ̈n.

Nyöŋ 24:2

Ku na jɔ mony däŋ tik bɛ thiaak,

Nyöŋ 24:3

ku jɔ ë monyë bɛ guiir aya nɔn cï yen en be kɔɔr, ku be awerek de päl ë tik gɔ̈ɔ̈r ayadäŋ, ku gëm keek yen, ku jɔ cuɔp wei baaide, ku nɔn cï monydɛn ye röör rouwë thou.