Nyöŋ 21:5 - JAM DE NHIALIC 2011

⁵ Ku bäny ke kake Nhialic de Lebai abïk lɔ ëtɛ̈ɛ̈n ayadäŋ, në biäk bïï kek löŋ teem, löŋ de yic tɔŋ. Acïï Bɛ̈nydït Nhialicdun keek lɔc, bïk Yen luöi ku bïk athiɛɛi aa lueel në rinke.

Nyöŋ 21:5 Iomraidhean Croise

1 Lëk 23:13

Ku wɛ̈ɛ̈t ke Amiram ee Aron ku Mothe. (Go Aron tɔ̈ɔ̈u pei bïï kaɣeriic aläl aa gäm Bɛ̈nydït, ku yen kekë wɛ̈ɛ̈tke abïk wal ŋïr aa nyop në Bɛ̈nydït nɔm aɣet athɛɛr, ku bïk aa luööi, ku yek athiɛɛi lueel ë rinke aɣet athɛɛr.

2 Lëk 19:10

Na de mïthëkɔckuön cï göny bɛ̈ɛ̈i në pɛ̈ɛ̈nydït kɔ̈k yiic, göny de yic nääk, ku lööŋ ke piööc, ku nɔn ee ye kek lööŋ ke Bɛ̈nydït, ku lööŋ ke ciɛɛŋ, ayï lööŋ kɔ̈k, abäk keek dhil jääm apiɛth, bïk löŋ ŋiëc guiir apiɛth, agokï tɔ̈u ke ke cïn gup awɛ̈ɛ̈c tëde Bɛ̈nydït, ku na cäkï lɔ looi aya, ke Bɛ̈nydït abï piɔ̈u rac ke week në kɔckun. Ku na lak luɔidun lɔ looi, we bï gup ciɛ̈n awäc.

Edhekiɛl 42:13

Go raan lɛ̈k ɛn an, “Ku ɣööt kaarou ɣeer yiic nu ë baŋ lɔ rut ku baŋ lɔ wöuwic, ee të ye bäny ke kake Nhialic miɔ̈c ɣeriic lɔ cam thïn ë Bɛ̈nydït nɔm. Ku në biäk ɣeer ë ɣööt yiic bäny ke kake Nhialic ayek miɔ̈c ɣer yiic aläl tɔ̈ɔ̈u ëtɛ̈ɛ̈n: miɔ̈c ë rap, ku miɔ̈c de kërac ku miɔ̈c de awäc de tëɣeric.

Edhekiɛl 44:24

Na de löŋ wɛ̈ɛ̈c kɔc cï tuöl, ke bäny ke kake Nhialic abïk jam teem cït man ë kë cï ë lööŋ lueel. Abïk akööl ke dhuëëŋ cï mac aa riëëu cït man de lööŋkï ku wëëtdï, ku abïk akööl ke Thabath aa muk ke ke ɣer yiic.

Lebai 9:22

Na wën ke Aron ë jɔt yecin nhial në kɔc nïïm, ku thieei keek. Ku të cï yen miɔ̈c de kërac kekë miɔ̈c ye nyop ëbɛ̈n, ku miɔ̈c de mät kɔn gam tueŋ, ke bɔ̈ piny në yïk nɔm.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Nyöŋ 10:8

Ku në kuur nɔm Bɛ̈nydït acï röör ke Lebai bɛ̈n lɔc bïk athänduŋ de män ë Bɛ̈nydït aa muk, ku bïk lui ke ke ye bäny ke kakë Nhialic, ku bïk athiɛɛi aa lueel në rinke. Ku kakë aŋootkï ke ke ye luɔiden.

Nyöŋ 18:5

Bɛ̈nydït acï dhiën de Lebai lɔc në dhiëënkun yiic kedhie, ke ke bï Yen aa luööi, ke ke ye bäny de kake Nhialic aɣet athɛɛr.

Nyöŋ 19:17

keek kaarou abïk dhil lɔ të töŋ de läm, ku jɔ löŋden lɔ guiir në bäny de kake Nhialic ku bäny ee lööŋ guiir, kɔc bï tɔ̈u ë luɔi yic.

Nyöŋ 21:4

Ku abïï röördït jɔ lɛɛr të thiääk ke nyin cie dëu, ku të kën ë piny kɔn puur, ku kënë kɔn com, ku abïk miɔɔr jɔ dhoŋ yeth ëtɛ̈ɛ̈n ë wakic.