Nyöŋ 20:1 - JAM DE NHIALIC 2011

¹ Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 20:1 Iomraidhean Croise

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

2 Lëk 14:10

Go melik Atha lɔ biic bï lɔ piɔ̈t kekë yen, ku jɔ kuut kedhie kɔ̈ɔ̈c ë ɣäänken, në Wak de Dhepatha yic të thiääk kekë Mareca.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

2 Lëk 20:12

Yïn ee Nhialicda! Luöiyë keek këtuc, wok cïn nïïm riɛl në rem dïït de tɔŋ cï wook makë nɔm. Wok kuc kë buk looi, ku wok ŋäth kuɔɔny tëde yïn.”

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

Diɛt 118:6

Bɛ̈nydït atɔ̈u kekë yɛn, ka yɛn cï bï riɔ̈ɔ̈c, eeŋö duëër ë raan luöi yɛn?

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Diɛt 23:4

Na ya cak cath në wak de mɔ̈ɔ̈th dïït lɔcɔ̈t yic, yɛn cie riɔ̈ɔ̈c në kërac, në luɔi tɔ̈u ë Bɛ̈nydït ke yɛn. Thienydu ku waidu ayek ɛn tɔ mit piɔ̈u.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Diɛt 46:8

Bä tïŋ kë cï Nhialic looi. Tïŋ kagɛ̈iyë cï ke looi ë pinynɔm

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Jeremia 16:14

Aye Bɛ̈nydït lueel an, “Akööl abïkï, akööl cïï kɔc bï bɛ aa kuëëŋ në Yɛn, ke ya ye Nhialic pïïr, Raan ë bïï kɔc ke Yithriɛl bei piny de Rip.

Dhek 10:5

Kɔc ke Juda abïk aa tiam cït man ë rem de tɔŋ, ku dumkï kɔckɛn ke ater piny ë tiɔɔm de kuɛɛr yiic. Abïk rem de tɔŋ ë jöŋgöör aa tiaam, në baŋ tɔ̈u ë Bɛ̈nydït ke keek.

Kuɛ̈n 10:9

Ku të yiɛ̈n wek kɔc ke ater tɔŋ, kɔc yɔŋ week, ke we koth kɛŋ ke tɔŋ. Ku yɛn, yɛn Bɛ̈nydït Nhialicdun, wek bä kony ku luäk week në kɔc ke ater.

Kuɛ̈n 23:21

Acïn riääk cï tiëŋ baai de Jakop. Ku cïn kërɛɛc ŋïc ë Yithriɛl. Bɛ̈nydït Nhialicdɛn atɔ̈u ke keek, ku agamkï nɔn yen meliŋden.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Nyöŋ 1:29

“Aguɔ lɛ̈k week, an, ‘Duökï riɔ̈c aläl në keek.

Nyöŋ 2:7

“Ku Bɛ̈nydït Nhialicdun acï luɔi yak looi në wecin thieei yic ëbɛ̈n. Acï week tiit në cäthduön wään cath wek ë jɔ̈ɔ̈r dïïtë yic ëbɛ̈n. Në ee runkë yiic kathiërŋuan Bɛ̈nydït Nhialicdun acï week tiit, ku acïn kë cï dak tëde week.

Nyöŋ 20:2

Të ŋuɔɔt wek ke we kën tɔŋ gɔl, bɛ̈ny de kake Nhialic abï bɛ̈n tueŋ, ku yɔ̈ɔ̈k rem de tɔŋ an,

Nyöŋ 20:3

‘Piɛŋkï röör ke Yithriɛl, ëköölë we lɔ tɔŋ. Duökï riɔ̈c në kɔc ke aterdun, ku duökï röt pɛ̈l wei, ku duökï päu.

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Nyöŋ 7:18

Duökï riɔ̈c në keek, takï wenïïm në kë cïï Bɛ̈nydït Nhialicdun luöi Melik de Rip kekë kɔcke kedhie.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Jocua 11:9

Ago Jocua ke luöi kë cïï Bɛ̈nydït lɛ̈k en. Ago jöŋgöörken tɔ ye ŋöl, ku ɣɛɛk abëëlkɛn ke tɔŋ.

Bäny 6:12

Ago tunynhial ë Bɛ̈nydït bɛ̈n tëde Gidiɔn ku lɛ̈k an, “Bɛ̈nydït atɔ̈u ke yïn, yïn jön ril.”

Bäny 6:16

Ago Bɛ̈nydït bɛ̈ɛ̈r an, “Aduëërë looi në biäk bän yïn luök, ku yïn bï kɔc ke Midian nɔ̈k ëthiäu cït man ë kë näk raantök.”

1 Tham 17:32

Go Debid lɛ̈k Thaulo an, “Acïn raan duëër riɔ̈ɔ̈c në ee Pilithiinë bɛ̈ny! Yɛn bï lɔ piɔ̈t wo yen.”