Nyöŋ 2:8 - JAM DE NHIALIC 2011

⁸ “Ku ëtɛ̈ɛ̈n wok cï lɔ tueŋ, ku tëku tëmec në Mïthëkɔckuɔ, wɛ̈ɛ̈t ke Ethau rɛ̈ɛ̈r ë Edom, ku jɔku röt lɔ yal në kueer de Araba, kueer ee bɛ̈n në Elath kekë Edhiongeber, ku jɔku cath në kueer ë jɔ̈ɔ̈r ë Mowapic.

Nyöŋ 2:8 Iomraidhean Croise

Cäk 25:23

Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

1 Mel 9:26

Go Tholomon abëël wïïr dït piäät në Edhiongeber, të thiääk ke Elath në Wɛ̈ɛ̈r Thith yɔu, piny de Edom.

2 Mel 14:22

Na wën ke Adharia ë puk Elath nɔm Juda ku yïk në thon ë wun cök.

2 Mel 16:6

Ku në ë thaarë yic, go Redhin melik de Edom wun cɔl Elath puk nɔm, ku jɔ kɔc ke Judai cuɔp wei në Elath, go kɔc ke Edom ɣap në Elath agut cï ee köölë.

Kuɛ̈n 21:4

Go kɔc ke Yithriɛl jäl në kuur ë Ɣor, tëkkï në kueer de Wɛ̈ɛ̈r Thith. Wilkï piny de Edom thok, na wën, ke kɔc ë ke bäp kueer.

Nyöŋ 1:1

Kënë ee jam lëkkë Mothe kɔc ke Yithriɛl kedhie, në jɔ̈ɔ̈r tɔ̈u në wɛ̈ɛ̈r de Jordan kɔ̈u të lɔ aköl amiäk, ku kɔc rɛ̈ɛ̈r ë jɔ̈ɔ̈ric, në Araba thiääk kekë Thup, në kaam de Paran kekë wuöt cɔl ke: Topel ku Laban ku Ɣadheroth ku Didhaɣab.

Bäny 11:18

Na wën, ke ke jɔ tëëk ë jɔ̈ɔ̈ric, ke ke wïïl kenïïm piny de Edom kekë Mowap, aɣeet kek ë baŋ de aköl amiäk të lɔ piny de Mowap, lɔŋ de kiir ë Arnon. Acïk piɔ̈ɔ̈t ëtɛ̈ɛ̈n, ku akënkï kiir ë Arnon kɔn teem në luɔi yen aken ë Mowap.