Nyöŋ 2:5 - JAM DE NHIALIC 2011

⁵ Ku duökï keek köör akɔ̈ɔ̈k në biäk cän week bï gäm pinyden, ayï ɣään duëër wek wecök tääu thïn, acïn kë bä gäm week. Yɛn cï piny de kuur Edom gäm Ethau kekë kuatde ke ye këden.

Nyöŋ 2:5 Iomraidhean Croise

Cäk 36:8

Ago Ethau lɔ piɔ̈ɔ̈t piny ë kuur ë Thiyer, në kuriic.

Cäk 36:9

Kakë ee mïth ke Ethau kuɛɛrëden ë kɔc ke Edom piny ë kuur ë Thiyer.

Jeremia 27:5

“Ee Yɛn ë cak pinynɔm në riɛldiëndït, ku cak kɔc ku läi, ku gäm raan cä tïŋ ke piɛth të de Yɛn.

Edhekiɛl 35:2

“Mɛnh ë raan, rɛɛcë piny de Edom.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Luɔi 17:26

Ku yen ee juöör tɔ dhiëth ëbɛ̈n në riɛm tök, abïk piny ɣap nɔm ëbɛ̈n, ku ye keek gäm runkɛn cï kɔn lueel ɣɔn thɛɛr, ku gëm keek akɛɛth ke pinydɛn bï kek ɣap thïn.

Luɔi 7:5

Ku acïn piny cï gäm en ee tënë, piny bï nyäŋ mïthke, acakaa biäk thiin duëërë raan lïïr nɔm acïn këdäŋ: aa jɔ lueel tei an, bï gäm en bï aa këde, ku këde mïthkɛn bï lɔ̈ɔ̈k bɛ̈n ë yecök, ku aa ŋoot ke cïn nɔm meth.

Nyöŋ 2:22

Ku Bɛ̈nydït acï kë cït ee kënë luöi kɔc ke Edom mïth ke wɛ̈ɛ̈t ke Ethau, kɔc wään rɛ̈ɛ̈r ë piny kuur de Edom. Go kɔc ke Ɣor riɔ̈ɔ̈r nyïïn ku copkï keek wei ku tɔ kɔc ke Edom nöm piny ku rɛ̈ɛ̈rkï pinyden aɣët cï ëköölë.

Nyöŋ 2:6

Abä keek dhil gäm wëu në baŋ de këcam yak cam kekë pïïu yak dek.

Nyöŋ 32:8

Bɛ̈nydït Awärjäŋ yen ee juöör gäm piny bï kek rëër thïn, ee të bïï kɔc ceŋ kedhie tek. Ku Yen ee jur ëbɛ̈n miɔɔc në wɛ̈ɛ̈t ke Nhialic.

Jocua 24:4

Ku gäm Yithaak Jakop kekë Ethau. Guɔ Ethau gäm piny ë kuur de Edom tɔ ye pinyde. Ku jäl kuɛɛrëdun Jakop le Rip kekë mïthke.