Nyöŋ 2:4 - JAM DE NHIALIC 2011

⁴ Yɔ̈ɔ̈kë kɔc luɔi kaar wek bäk tëëk në piny de kuur ë Edom, paan de kɔc raan ë week, mïth ke wɛ̈ɛ̈t ke Ethau rɛ̈ɛ̈r ëtɛ̈ɛ̈n. Ku abïk riɔ̈ɔ̈c ë week, ka week tiɛtkï röt.

Nyöŋ 2:4 Iomraidhean Croise

Cäk 25:23

Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

Cäk 36:8

Ago Ethau lɔ piɔ̈ɔ̈t piny ë kuur ë Thiyer, në kuriic.

Bɛ̈n 15:15

Go bäny ke Edom riɔ̈ɔ̈c aläl, ku lɛthë jööt ke Mowap, ku pɛ̈l kɔc ke Kanaan röt wei.

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

Epethiei 5:15

Yen tiɛɛt wek röt, ku yak cath aŋiɛckï, cït kɔc pelnïïm, duökï ee cath ë cäth ë dhän.

Nyöŋ 2:3

Wek cï kaamdït agök tɛ̈ɛ̈k, ke we wïïl wenïïm në kuurë lɔ̈ɔ̈m ënɔɔnë jakï wenïïm wɛl rut.

Nyöŋ 23:7

“Ku duökï kɔc ke Edom biɔn gup, ayek kɔc raan ë week. Ku duökï kɔc ke Rip biɔn gup aya, wek cï kɔn rɛ̈ɛ̈r pinyden.

Pilipoi 2:15

ke we bï ciën gääk ku ciënkï gup akɔ̈ɔ̈k, mïth ke Nhialic mïth cïï duëërë gɔ̈k ë remic cil rem ee cath ëdɔkdɔk ku cïï rɔt yal ë kërac, rem aa wek tïc ë keyiic cït man ë kuɛl ë piny riaau,

Kolothai 4:5

Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.