Nyöŋ 2:34 - JAM DE NHIALIC 2011

³⁴ Ku në ëköölë wok cï pɛ̈ɛ̈nydïtkë bɛ̈n nööm kedhie ku riäärku keek nyïïn taitai, röör ku diäär, ku mïth thiiakäŋ. Acïn raan töŋ cuk pɔ̈l ke pïïr.

Nyöŋ 2:34 Iomraidhean Croise

Nyöŋ 3:6

Acuk keek riäär piny taitai, cït kë wään kɔnku luöi Thiɣon melik de Ɣecbon. Ku riäkku pɛ̈ɛ̈nydït ëbɛ̈n ku nɛ̈kku röör, ayï diäär, ayï mïthiiakäŋ, aa loiku cït man ë kë wään buk luöi wuöt ke Thiɣon melik de Ɣecbon.

Nyöŋ 7:2

Të le Bɛ̈nydït Nhialicdun ë kɔckë tääu në we cin ku tiamkï keek, ke abäk keek dhil nɔ̈k kedhie. Duökï määth loi në keek, ku duökï keek nyuth kokëpiɔ̈u.

Nyöŋ 7:26

Duökï yanh tök në ee yiëthkë yiic leer ë ɣöötkun yiic, na lak looi wäkya, ke aciɛɛn cït aciɛɛn tɔ̈u ë ke kɔ̈ɔ̈th abï tääu ë we kɔ̈ɔ̈th. Wek bï ee yiëthkë dhil maan ku biankï keek gup, në biäk tɔ̈u aciɛɛn ë Bɛ̈nydït ë ke gup.

Jocua 10:28

Jocua ë Makeda bɛ̈n muɔɔk piny ee köölë, ku rum ayï melikde. Ku nɛ̈k kɔc ke wut kedhie abïï ciɛ̈n raan töŋ döŋ ke pïïr. Ku lui melik de Makeda ke wään kɔn luöi melik de Jeriko.

Jocua 10:40

Jocua ë piny bɛ̈n peec ëbɛ̈n, ë meliik ke wuöt nu piny ë kuur bɛ̈n tiaam, ku tiɛɛm wuöt thöny, ku wuöt ke wɛ̈ɛ̈r yɔu, ayï wuöt nu të lɔ wöuwic. Acïn raan cïk bɛ̈n puɔ̈l, acïk raan bɛ̈n nɔ̈k ëbɛ̈n cït man wään cïï Bɛ̈nydït Nhialic de Yithriɛl ye lɛ̈k en.

Jocua 11:14

Ku kɔc ke Yithriɛl aake cï këriëëc piɛth peec ëbɛ̈n, ayï këriëëc pïïr në ee pɛ̈ɛ̈nydïtkë yiic, ku nömkï kaken. Ku acïk kɔc bɛ̈n nɔ̈k kedhie, abïï ciɛ̈n raan töŋ dɔ̈ŋ ke pïïr.

Jocua 6:21

Agokï këriëëc jɔ nɔ̈k ëbɛ̈n wutic në abätɛ̈ɛ̈u, röör ku diäär, mïth ku kɔcdït, ɣɔ̈k ku thök, ku mul.

Jocua 7:11

Kɔc ke Yithriɛl acïk wööc! Acïk män cä mat wokë keek dhoŋ kɔ̈u, män wään cä lɛ̈k keek an dötkï. Acïk ka kɔ̈k nööm në ka wään cä kuöm riääk. Acïk keek kual, ku matkï keek në kaken.

Jocua 9:24

Gokï puk nɔm an, Aloiku aya bɛ̈ny, në luɔi cïï wok ë piŋ nɔn cïï Bɛ̈nydït Nhialicdun Mothe, awunde yɔ̈ɔ̈k ë yic nɔn bï yen en gäm piny ëbɛ̈n, ku tɔ näk kɔc tɔ̈u thïn kedhie në wenïïm tueŋ. Agoku riɔ̈ɔ̈c në wëikuɔ në biäkdun.

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”