Nyöŋ 2:25 - JAM DE NHIALIC 2011

²⁵ ë kööl manë guöp yɛn bï riɔ̈ɔ̈cdït tääu në juöör ke pinynɔm piɔ̈ɔ̈th agokï aa riɔ̈ɔ̈c në week. Abïk käŋ aa piŋ në biäkdun ago keek lath ku rem keek piɔ̈ɔ̈th në këdun.

Nyöŋ 2:25 Iomraidhean Croise

Cäk 35:5

Na wën, ajël Jakop kekë mïthke, ke Nhialic ë tɔ kɔc nu në pɛ̈ɛ̈nydït thiääk në keek dɔm ë riɔ̈ɔ̈c. Gokï ke kɛ̈n bɛ̈n kuany cök.

1 Lëk 14:17

Ago kɛk de Debid bɛ̈n thiäi ë ɣään yiic ëbɛ̈n, go Bɛ̈nydït juöör kedhie tɔ riɔ̈c ë yen.

Diɛt 105:38

Kɔc ke Rip aake riɔ̈c ë keek gokï piɔ̈ɔ̈th miɛt ë jälden.

Bɛ̈n 23:27

“Kɔc ee week kaaŋ nïïm abä keek aa riääc, ku nuɔɔn kɔc gɔ̈m në week. Ku kɔc de ater në week abä keek aa tɔ kɔt në week.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Kuɛ̈n 22:3

Ku tïŋ juëc de kɔc ke Yithriɛl, ë bɛ̈n riɔ̈ɔ̈c arëët, ku riɔ̈c kɔc ke Mowap kedhie. Acïk bɛ̈n riɔ̈ɔ̈c arëët në kɔc ke Yithriɛl.

Nyöŋ 11:25

Të bä wek lɔ thïn ëbɛ̈n në ee pinyë, Bɛ̈nydït Nhialicdun abï kɔc tɔ riɔ̈c në week, cït man cïï Yen ë thɔn, ku acïn raan bï we tɔ kääc.

Nyöŋ 28:10

Ku ëtɛ̈ɛ̈n, abïï kɔc ke piny nɔm ëbɛ̈n jɔ tïŋ nɔn cïï Bɛ̈nydït week lɔc, bäk aa kɔc ke nɔmde, ku abïk aa riɔ̈ɔ̈c në week.

Jocua 10:2

Ku kënë acï kɔc ke Jeruthalem riääc aläl, në luɔi ë ye Gibiɔn gök de pänydït cït man ë pɛ̈ɛ̈nydït de nïïm meliik, aa dït në Ai, ku kɔcke aake ye kɔc ril ke tɔŋ.

Jocua 9:24

Gokï puk nɔm an, Aloiku aya bɛ̈ny, në luɔi cïï wok ë piŋ nɔn cïï Bɛ̈nydït Nhialicdun Mothe, awunde yɔ̈ɔ̈k ë yic nɔn bï yen en gäm piny ëbɛ̈n, ku tɔ näk kɔc tɔ̈u thïn kedhie në wenïïm tueŋ. Agoku riɔ̈ɔ̈c në wëikuɔ në biäkdun.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.