Nyöŋ 18:6 - JAM DE NHIALIC 2011

⁶ “Ku na de raan de Lebai ceŋ wundäŋ në wuöt ke Yithriɛliic, ku ade piɔ̈u bɛ̈n të töŋ de läm cïï Bɛ̈nydït lɔc, aduëër bɛ̈n të kɔɔr en en.

Nyöŋ 18:6 Iomraidhean Croise

Diɛt 26:8

Yɛn nhiaar rëër ë Luaŋdïtic, të ye dhuëëŋdu tɔ̈u thïn.

Diɛt 27:4

Ee tök yen aa liɛm tëde Bɛ̈nydït, ee tök tei yen akaar: ee luɔi bän rëër ë Luaŋdït yic, në akööl ke pïïrdï yic ëbɛ̈n, bä kake piathde aa woi ëtɛ̈ɛ̈n, ku bä luɔi bï yen a wat aa kɔɔr.

Diɛt 84:10

Kööl töŋ cï thöl ɣöndu, aŋuän në agum ke nïn tëdäŋ pei. Apiɛth ë luɔi duëër ɛn kɔ̈ɔ̈c në ɣön ë Nhialicdï thok, në luɔi duɛ̈ɛ̈r ɛn rɛ̈ɛ̈r në ɣööt ke kɔc ee karɛc looi yiic.

Diɛt 84:5

Thieithieei në kɔc ee röt kan në riɛldu kɔc kɔɔr bïk Kuur ë Dhiɔn aa lɔ neem.

Kuɛ̈n 35:5

Ago dɛk riaaŋ thiin nu ë pɛ̈ɛ̈nydït këc biic ye thëmde aa bot kadhoŋuan 900 de mitïïr në tuŋ thook ëbɛ̈n biäk lɔ aköl amiäk, ku biäk lɔ wöuwic, ku biäk lɔ aköl athɛ̈i, ku biäk të lɔ rut.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:14

Abä keek dhil gäm të töŋ bï Bɛ̈nydït lɔc, në wun töŋ de wuöt ke dhiëënkun yiic. Yen ee të töŋë yetök, yen abä wek miɔ̈cduön ye nyop ëbɛ̈n aa gam, ku bä wek ka cä thön week kedhie aa looi.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 16:2

Lakï të töŋ de läm ku näkkï thɔ̈ɔ̈kdun ku nɔn ee weŋ ëtɛ̈ɛ̈n, ke ee këcam de Winythok bä wek Bɛ̈nydït Nhialicdun riëëu.

Nyöŋ 18:7

Ku aduëër lui ëtɛ̈ɛ̈n ke ye bɛ̈ny de kake Nhialic de Bɛ̈nydït Nhialicde, cït man ë Lebai kɔ̈k lui ë tɛ̈ɛ̈n.

1 Tim 3:1

Ee jam yic ee kënë an, të kɔɔrë raan luɔi de raan ee kɔc gäm tiit, ka ye luɔi piɛth en kɔɔr.

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.