Nyöŋ 18:5 - JAM DE NHIALIC 2011

⁵ Bɛ̈nydït acï dhiën de Lebai lɔc në dhiëënkun yiic kedhie, ke ke bï Yen aa luööi, ke ke ye bäny de kake Nhialic aɣet athɛɛr.

Nyöŋ 18:5 Iomraidhean Croise

Bɛ̈n 29:9

Ku dut keyiic në lupɔɔ ke duöt ë yic. Ku yiëkë kenïïm atɛ̈ɛ̈ny. Yen luɔi bïï yïn keek tɔ ye bäny ke kake Nhialic ka. Ku luɔi de kake Nhialic abï jɔ aa këden ë caaŋden.

Kuɛ̈n 16:5

Ku lëk Kɔra kekë kɔc cath në yen an, “Miäk aduduur, Bɛ̈nydït abï wo nyuöth raan ee raande, ku raan ɣeric, ku abï tɔ ɣëët në yelɔ̈ɔ̈m.

Kuɛ̈n 25:13

Yen kekë mïthke kedhie abïk aa bäny ke kake Nhialic ananden. Në biäk cï yen kɔc ke Yithriɛl teem gup në jai cï yen jai nɔn lɛm ë kɔc yanh däŋ pei të cïn Ɛn.

Kuɛ̈n 3:10

Ku tɔ Aron kekë wɛ̈ɛ̈tke ee bäny ke kake Nhialic. Ku raan däŋ pei lɔ luɔiden looi abï thou.

Nyöŋ 10:8

Ku në kuur nɔm Bɛ̈nydït acï röör ke Lebai bɛ̈n lɔc bïk athänduŋ de män ë Bɛ̈nydït aa muk, ku bïk lui ke ke ye bäny ke kakë Nhialic, ku bïk athiɛɛi aa lueel në rinke. Ku kakë aŋootkï ke ke ye luɔiden.

Nyöŋ 17:12

Raan lɔ löŋ de bɛ̈ny ee käŋ guiir kekë bɛ̈ny de kake Nhialic nu ë luɔi yic rɛɛc gam abïï nɔ̈k, në ee kueerë wek bï kërɛɛcë jɔ nyaai në Yithriɛl.