Nyöŋ 18:2 - JAM DE NHIALIC 2011

² Acïn piny bï aa këden, cït man ë dhiën kɔ̈k de nïïm piny, biäkden ee miɛtëguöp cï kek aa bäny ke kake Nhialic de Bɛ̈nydït, cït man cï Bɛ̈nydït Ye thɔn.

Nyöŋ 18:2 Iomraidhean Croise

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Diɛt 119:57

Ee Yïn akaar yïtök Bɛ̈nydït, yɛn cï gutguut lueel bä lööŋku riëëu.

Diɛt 16:5

Bɛ̈nydït, ee Yïn aye këdï Yïtök, ku yïn ee ya gäm kë kaar ëbɛ̈n, wadäŋdï anu ë Yïcin.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 61:6

Ku wek bï jɔ ŋic ke we ye bäny ke kake Bɛ̈nydït, lïïm ke Nhialicda, we bï dhuëëŋ de kajuëc ke juöör cam Ku jakkï röt leec nɔn ye kek kakun.

Dhiëëu 3:24

Bɛ̈nydït ee yen ee biäkdï, ka yɛn bï aŋäthdï tääu në yeguöp.

Edhekiɛl 44:28

“Bäny ke kake Nhialic adekï bääny de bäny de kake Nhialic ke ee biäkden, acä gäm kɔc ke Yithriɛl bï aa gam në rɛm thook kedhie, rɛm bï lɔ̈ɔ̈k bɛ̈n. Acïkï nïïm bï dɛ ka mukkï piny de Yithriɛl, ee Yɛn ë këdɛn kɔɔrkï ëbɛ̈n.

Kuɛ̈n 18:20

Ku lëk ë Bɛ̈nydït Aron an, “Acïn kë bï gäm yïn në ka bï Yithriɛl lɔ̈ɔ̈k lak, ku acïn piny bï gäm yïn. Yɛn Bɛ̈nydït, Yɛn aye këduön bäk lak.

Kuɛ̈n 18:7

Ee yïn wekë wɛ̈ɛ̈tku wapäc, wek abï luɔi de kake Nhialic aa looi në Yïk nɔm, ku luɔikï këriëëc ë gëlgëlic aläl. Yen luɔidu ka ëbɛ̈n, në biäk cän yï gäm luɔi de kake Nhialic ke ye miɔ̈c. Raan ëbɛ̈n, raan cïï rɔ̈ŋ ke luɔi, ku le bɛ̈n në ka ɣeriic lɔ̈m, abï thou.

Nyöŋ 10:9

Yeka kën ë dhiën de Lebi piny nööm cït man ë dhiën kɔ̈k, kë cïk yök ee diɛk në luöi, cïï kek aa bäny ke kakë Nhialic, cït man cïï Bɛ̈nydït Nhialicdun ye lueel.)

Jocua 13:14

Ku Mothe acïn piny cï gäm dhiën de Lebi. Cït man cï ë Bɛ̈nydït ye lɛ̈k Mothe, kë bïk nööm ke ee biäkden ee miɔ̈c näk ye nyop në yïïŋ de Bɛ̈nydït Nhialic de Yithriɛl nɔm.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.