Nyöŋ 18:10 - JAM DE NHIALIC 2011

¹⁰ Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.

Nyöŋ 18:10 Iomraidhean Croise

Cäk 44:5

Ku ee yen aa yen dek thïn. Ku ee yen ade yic riɛl dïït ee bɛ̈n nhial. Wek ë gökdïït ë kërac looi arëët.’ ”

2 Mel 16:3

Ku yen aa kuany kueer ë meliik ke Yithriɛliic arëk abï wënde gam ke ye miɔ̈c nyupë yiëth, looi kërac ë Bɛ̈nydït nɔm, karɛc ɣɔn ye juöör ɣɔn cï Bɛ̈nydït ke cuɔp wei në kɔc ke Yithriɛl nïïm looi.

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 23:24

Në biäk bïï löŋ cï gɔ̈ɔ̈r në awerekic looi, awerek wään bïï Ɣilikia bɛ̈nydïït ë kake Nhialic yök në Luaŋdïtic, go Melik Jothia yiëth nyaai, ku kɔc ee cɔ̈ɔ̈r, ku kɔc ee thuëth, ku nyiɛɛi kak ye yiëth lam ëbɛ̈n ë Jeruthalem ku piny de Juda ëbɛ̈n.

1 Lëk 10:13

Thaulo acï thou në biäk cïï yen piɔ̈u adöt tëde Bɛ̈nydït. Akën lööŋ ke Bɛ̈nydït riëëu, aaye kɔɔr bïï käŋ ŋic në luɔi yen jam ke tït ke yiëth,

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Bɛ̈n 22:17

Ku na cï wun duet jaai taitai an cïï ee raanë bï gäm nyande, ke raanë ë tɛ̈ɛ̈u wëu piny, wëu kït në thiëëk në biäk cï yen e dhoŋ.

Bɛ̈n 22:18

“Yak tik nɔ̈k ëbɛ̈n tiiŋ cï rɔt tɔ ye tiët.

Yith 47:13

Yïn cï ciën riɛl cakaa nɔn ye kɔc yïn jääm. Tɔ kɔckuön ee kanhial ŋic bɔ̈ tueŋ, bïk yïn bɛ̈n kony, kɔc ee kuɛl nhial ŋic, ku kɔc ee ɣään nhial luöi akɛɛth, ku lëkkï yïn në pɛ̈i thook ëbɛ̈n kë bï rɔt dhil looi tëde yïn.

Jeremia 27:10

Ee lueth yen lɛ̈kkï week, ku abïk week tɔ leerë piny mec në pinydun. Ku wek bä cuöp bei, ku wek bïï riɔ̈ɔ̈k.

Jeremia 27:9

Ka duökï tïtkun piŋ thook, ku duökï kë lueel raan ee jam an duëër kë bï rɔt looi wadäŋ caar ee piŋ, kɔc ee nyuöth, ku kɔc ee kɔc cï cɔ̈ɔ̈l bei, ku kɔc ee cɔ̈ɔ̈r ë yiëth. Ku abïk we yɔ̈ɔ̈k an, duökï melik de Babilon ee luööi.

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Lebai 19:26

Du rïïŋ ee cam ke ŋoot ke de yic riɛm, du tïït ee looi, ku du yiëth ee lam.

Lebai 19:31

Du täŋ piɛth ye lɔ kɔɔr në kɔc ee cɔ̈ɔ̈r nïïm, ayï kɔc ee jam në kɔc cï thou nïïm, në luɔi bï kek yïn riɔ̈ɔ̈k. Ee Yɛn Bɛ̈nydït Nhialicdun.

Lebai 20:6

Na de raan lɔ cɔ̈ɔ̈r ë kɔc ee cɔ̈ɔ̈r nïïm ku kɔc de gup jɔɔk rac, ku riäkkï röt në läm lɛm kek yiëth, abä keek tëëm bei në kɔckï yiic.

Maika 5:12

Yɛn bï tïïtduön ë yiëth riɔ̈ɔ̈k, ka cïn kɔc bï käŋ bɛ aa caar.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Luɔi 19:19

Go kɔc juëc kɔc ee thuëth gokï awereekken bɛ̈ɛ̈i tëtök, ku jɔkï ke nyop ë kɔc nïïm kedhie. Gokï ɣööc de awereek kueen, ku yökkï agum kadhïny de ateek.

Luɔi 8:9

Ku ade raan cɔl Thimon, raan wään ë kɔc thuëëth ë pänydïïtë guöp, ee kɔc de Thamaria tɔ gäi arëët, ku ye rɔt tɔ ye gök dïït ë raan,

Galatai 5:20

läm de yiëth, athuɛ̈ɛ̈th, män mɛɛnë kɔc röt, ateer, tiɛɛl, agööth, ateer ke dït, tëŋ ee kɔc keyiic tek, döm de wëët rac,

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

1 Tham 15:23

Në luɔi cït ë ciën gäm kërɛɛc de cäär, ku cït riɛl ë nɔm kërɛɛc de läm ë yiëth. Në biäk cïï yïn jam de Bɛ̈nydït rɛɛc ënɔɔnë acï yïn rɛɛc aya luɔi bï yïn aa melik.”

1 Tham 28:3

Ku ëtɛ̈ɛ̈n Thamwɛl aacï thou, go ë kɔc ke Yithriɛl dhiëëu arëët, ago lɔ tɔ̈ɔ̈u baaiden ë Rama. Ku Thaulo aacï kɔc ee käŋ caar ku kɔc ee thuëth tɔ cop piny ë Yithriɛl.

1 Tham 28:7

Ago Thaulo bänyke cɔɔl, an, “Kɔ̈ɔ̈rkï ya tiiŋ tiët, ke bä lɔ luɔp.” “Gokï pɔ̈k nɔm en, an, “Tök atɔ̈u në Endor.”

1 Tham 28:8

Go Thaulo rɔt kɔ̈c, ku tɛ̈ɛ̈u lupɔɔ kɔ̈k ë yekɔ̈u, na wën aa lɔ piny cuɔl ke jël kekë kɔcke kaarou lek tiiŋë thiëëc. Ago lɛ̈k tik an, “Cɔ̈lë yɛn wëi ke raan bä cɔɔl rin.”.

1 Tham 28:9

Go tik puk nɔm, an, “Yïn aŋic apiɛth yen kë cï melik Thaulo looi, në biäk cï yen kɔc ee cɔ̈ɔ̈r ku kɔc ee thuëth cuɔp wëi paan ë Yithriɛl. Eeŋö du we yɛn, kɔɔr bä yɛn deep ago ya nɔ̈k?”