Nyöŋ 17:8 - JAM DE NHIALIC 2011

⁸ “Ku akööl kɔ̈k, wël kɔ̈k abïk yiic riɛl në baŋ bï raan ë löŋ guiir ë wuötkuniic ye lëu në guiɛɛr, cït man de lööŋ kɔ̈k ke kake kɔc, ku nɔn ë bɔ̈t, ku lööŋ ke pɛ̈ɛ̈k de raan ë näk ku raan ë kur. Të cï ee kënë rɔt looi, lakï të töŋ de läm, të cïï Bɛ̈nydït Nhialicdun lɔc,

Nyöŋ 17:8 Iomraidhean Croise

2 Tham 15:2

Ku Abthalom aa ye dap pääc miäk rial ku lee kɔ̈ɔ̈c të thiääk ke kal ë wut thok. Na de raan de kë dhal en, ku ee kë kɔɔr melik bïï guiir, aye Abthalom caal ë yelɔ̈ɔ̈m, ku thiëëc raan në wun ë bïï yen thïn. Ku të cïï raan e lɛ̈k dhiën ë bïï yen thïn.

1 Lëk 26:29

Kuat de Yidhar, Kenania kekë wɛ̈ɛ̈tke, acï keek gäm muŋ de luɔi, ku gäär de käŋ, ku yek luök guiir ë kɛm ke kɔc ke Yithriɛl.

Bɛ̈n 18:15

Go Mothe puk nɔm an, “Ee luɔi ye kɔc këde Nhialic piɔ̈u bɛ̈n luɔp në yɛn.

Bɛ̈n 18:26

Gokï kɔc aa kuum në kueer yic, ku yek jiɛɛm riliic yiɛ̈n Mothe, ku guiirkï jiɛɛm piɔliic kapäc.

Bɛ̈n 21:20

“Ku na dui raan lïmde në thieec abï thou, lïm moc ku nɔn ee yen lïm tik, ke raanë ë kum.

Bɛ̈n 21:22

“Na piɔ̈t kɔc, ku lek tiiŋ liac wääth abï tik wääc. Ku piɛth tik ke cïn guöp tëtök dït, ke raan ë yup en ë puk meth cït man ë kë kɔɔr ë mony de tik, kë cïï luk gam.

Bɛ̈n 21:28

“Na cï thɔn ë weŋ raan gut nɛ̈k, moc ku nɔn ee yen tik, ke thɔnë ë biöökë abï thou. Ku rïïŋde ë cuɛtë wei ke cïï cuet. Ku raan de thɔn abï nɔm ciën gääk.

Bɛ̈n 22:2

Na cï cuɛ̈ɛ̈r dɔm ke kuël, ku cï yup abï thou, ke raan ë yup en acïn guöp gääk. Ku acïn riɛm nu në yeyeth.

Bɛ̈n 22:8

Na kënë cuɛ̈ɛ̈r yök, ke raan ë muk käŋ ë bïï yë në ë Nhialic nɔm, bïï bɛ̈n luɔp na ee yen ë kual ke.

Edhekiɛl 44:24

Na de löŋ wɛ̈ɛ̈c kɔc cï tuöl, ke bäny ke kake Nhialic abïk jam teem cït man ë kë cï ë lööŋ lueel. Abïk akööl ke dhuëëŋ cï mac aa riëëu cït man de lööŋkï ku wëëtdï, ku abïk akööl ke Thabath aa muk ke ke ɣer yiic.

Ɣagai 2:11

Bɛ̈nydït de rɛm lueel an, “Thiëc bäny ke kake Nhialic në ee loopkë në biäk de löŋ

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Kuɛ̈n 35:11

wek bï pɛ̈ɛ̈nydït ke thiaan lɔc bï raan rɔt aa kual thïn të cï yen raan nɔ̈k ëthiäu ke wɛ̈ɛ̈th

Kuɛ̈n 35:16

Ku na näk raan në kë moth thok, ee wëëth ku nɔn ee tim, ke yen aduëër guöp dɛk awäny cï yen raan luc, ke yen abï nɔ̈k.

Nyöŋ 1:17

Ku të guiɛɛr wek löŋ, yak kɔc kiëët nïïm kedhie, ku duökï kɔc ee pɔ̈ɔ̈c yiic, cakaa raan yïndï ë cïn raan ya wek riɔ̈ɔ̈c ë yen në biäk ee guiëër ë löŋdun bɛ̈n tëde Nhialic. Ku bɛ̈ɛ̈ikï gööny rilic tëde yɛn ku abä keek bɛ̈n guiir.’

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:14

Abä keek dhil gäm të töŋ bï Bɛ̈nydït lɔc, në wun töŋ de wuöt ke dhiëënkun yiic. Yen ee të töŋë yetök, yen abä wek miɔ̈cduön ye nyop ëbɛ̈n aa gam, ku bä wek ka cä thön week kedhie aa looi.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 19:17

keek kaarou abïk dhil lɔ të töŋ de läm, ku jɔ löŋden lɔ guiir në bäny de kake Nhialic ku bäny ee lööŋ guiir, kɔc bï tɔ̈u ë luɔi yic.

Nyöŋ 19:4

Na cï raan raan wääth ke cie raan de ater ke yen, aduëër kat ke lɔ wun tök në ee wuötkë yiic ku abï kony.

Nyöŋ 21:5

Ku bäny ke kake Nhialic de Lebai abïk lɔ ëtɛ̈ɛ̈n ayadäŋ, në biäk bïï kek löŋ teem, löŋ de yic tɔŋ. Acïï Bɛ̈nydït Nhialicdun keek lɔc, bïk Yen luöi ku bïk athiɛɛi aa lueel në rinke.

Nyöŋ 25:1

Na wën ke lueel Mothe an, “Na cï kɔc kaarou ke Yithriɛl lɔ gööny yic, bï jamden lɔ guiir, ku raan tök acï yök ke cïn kë cï wööc, ku raan däŋë ade guöp awäc.