Nyöŋ 15:7 - JAM DE NHIALIC 2011

⁷ “Na de raanduön de Yithriɛl, raan cïn nɔm käŋ nu wutic, në wuöt nu piny bï Bɛ̈nydït gäm week, ke we duökï röt tɔ ya acɔɔk, ku jaikï në kuny kuɔny wek en.

Nyöŋ 15:7 Iomraidhean Croise

Neɣe 5:1

Na ɣɔn acï kaam tëëk ke kɔc juëc ke Judai, diäär ku röör ë ke go dok në kɔckɛn ke Judai.

Ethta 9:19

Yen ee kënë, yen aye kɔc ke Judai tɔ̈u ë bɛ̈i yiic ku wuötiic lɔ̈ŋ ë ruöön thok ëbɛ̈n, të cï pɛɛi de Adar thok thiëër ku ŋuan, ayek nööm ke ye kööl de miɛtëpiɔ̈u ku dhuëëŋ, ye kek biɔl de miɛtëpiɔ̈u näk röt.

Ethta 9:22

Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Bɛ̈n 22:25

“Të de yen raan kuany nyin cï kony në wëu në kɔckï yiic, wëu bï ke pɔ̈k nïïm raan de keek. Ke raanë ë cï rɔt tɔ cït kɔc ee wëu dhɛɛn, ku cïï wëu ee tɔ col në wëu wär ke.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 21:13

Raan ee yeyïc kum të piŋ en kiɛɛu de raan kuanynyin, yïth acïkï bï piŋ në kööl ë kiɛɛude.

Yith 58:10

na lak këcam gäm raan nɛ̈k cɔk ku takï raan cïn käŋ kueth, ke mɔ̈ɔ̈th tɔ̈u në welɔ̈m abï rɔt puk ke ye ɣɛɛr de akɔ̈l.

Lebai 25:35

Na cï raan tök nyin kuany në kɔc wundun yiic, ku acïn luɔi lëu en rɔt në weyiic, kuɔnykï cït man duëër wek raan lei kony ku nɔn ee kaman, aŋoot ke rɛ̈ɛ̈r në weyiic. Duökï kajuëc nöm tëde yen, yak riɔ̈ɔ̈c ë Nhialicdun, ago raan wundun ŋoot ke rɛ̈ɛ̈r ë weyiic.

Math 18:30

Go cuö gam, go lɔ ku tɛ̈ɛ̈u ë aloocic, aɣët të bï yen käny cool.

Math 5:42

Miɔc raan lip yïn, ku raan de piɔ̈u dhɛ̈n tëde yïn, ke yï du yïnɔm wel wei ë yen.

Nyöŋ 15:11

Abï dɛ kɔc ke Yithriɛl bï tɔ̈u ë we yiic ë ceŋ, kɔc kuany nyïïn ku cïnkï nïïm käŋ, ka wek yɔ̈ɔ̈k, bäk keek aa miɔɔc në dhuëëŋ.

Nyöŋ 15:9

Duökï pën dheen në biäk cïï ruöön de päl ë käŋ thiɔ̈k. Duökï täŋ rɛɛc cït ee kënë tɔ lɔ në wenïïm. Na lɔ lɔ jaai ke cïï gëm dheen, abï piɔ̈u dhiau kekë yïn në Bɛ̈nydït nɔm, ku yïn bï guöp dɛ gääk.

Nyöŋ 24:14

“Duökï kɔc kuanynyïïn cïn nïïm käŋ ee luui në week ee wëŋ, kɔckuön ë Yithriɛl ayï kɔc lei rɛ̈ɛ̈r wun tök në wuötkuniic.