Nyöŋ 15:6 - JAM DE NHIALIC 2011

⁶ Bɛ̈nydït abï week thieei cït man cï Yen ye thön week, wek bï wëu aa dhën juöör kɔ̈k, ku wek cï bï aa dhëën tëde kɔc, wek bï juöör juëc ceŋ, ku acïn jur bï we ceŋ.

Nyöŋ 15:6 Iomraidhean Croise

1 Mel 4:21

Melik Tholomon aa mac ciɛɛŋ ëbɛ̈n, gɔl në wɛ̈ɛ̈r ë Yuparat lee piny de Pilithiin, ku ɣeet aken de Rip. Ku kɔc mɛc ëtɛ̈ɛ̈n ëbɛ̈n aake ye athölböden yiɛ̈n Tholomon ku yek luööi në akööl ɣɔn pïïr en ëbɛ̈n.

1 Mel 4:24

Tholomon aa mac piny ëbɛ̈n, gɔl në aköl athɛ̈i de wɛ̈ɛ̈r ë Yuparat në Tipatha ɣeet Gadha, ku meliik ë mac ëtɛ̈ɛ̈n kedhie aake ye yen luööi ku piŋkï thok, ku aa de mät ke wuöt thiääk në yen ëbɛ̈n.

1 Lëk 17:27

Yïn bä thiëc bä kuatdï thieei, në biäk bïï kek ŋoot ke ke yök piathdu. Acï keek thieei Bɛ̈nydït, ku athiɛɛidu abï tɔ̈u ke keek aɣet athɛɛr.”

2 Lëk 9:26

Tholomon aaye melik dït aläl në meliik nïïm, gɔl në piny nu ë wɛ̈ɛ̈r ë Yuparat kekë Pilithiin leer në aken de Rip.

Edhr 4:20

Ku Jeruthalem aa mɛc Meliik ril, kɔc ɣɔn mac piny tɔ̈u ë wɛ̈ɛ̈r ë Yuparat lɔŋ tui, ku yek athölbö kut ëbɛ̈n.

Neɣe 9:27

Ëtɛ̈ɛ̈n acï keek tɔ pec ëkɔc ke aterden, ku cieŋkï keek, na lek tɔ̈u në nuanic ke ke cɔl kuɔɔny tëde Yïn, ku bɛ̈ɛ̈rë këden paannhial, në kokdepiɔ̈nduön dït acï keek tuöc bäny, bïk keek bɛ̈n kony në kɔc ke aterden.

Diɛt 112:5

Thieithieei në raan ee miööc në piɔ̈n ɣer, ku tɔ luɔide cath ke cïn ruëëny.

Diɛt 37:21

Raan rac ee dhëën ku acie col, ku raan piɛthpiɔ̈u ee amiööc ee käŋ gam baaŋ.

Diɛt 37:26

Ee kɔc miɔɔc baaŋ ku ee kɔc dhɛ̈ɛ̈n, ku mïthke ayek aa athiɛɛi.

Kɛ̈ŋ 22:7

Kɔc ee dhëën ayek lïïm ke kɔc ee ke dhɛ̈ɛ̈n, cït man cieŋ ë kɔc kueth kɔc kuanynyïïn.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Nyöŋ 15:5

Na lak lɔ riëëu, ku kuanykï lööŋke yiic apiɛth, lööŋ cä lɛ̈k week ee köölë.

Nyöŋ 28:44

Alɛi abïk nïïm dɛ wëu dhënkï week, ku we bï nïïm ciën kë dhɛ̈nkï keek. Ku në käŋ cök ëbɛ̈n abïk aa bänykun, ku abäk keek aa kuany cök.