Nyöŋ 15:5 - JAM DE NHIALIC 2011

⁵ Na lak lɔ riëëu, ku kuanykï lööŋke yiic apiɛth, lööŋ cä lɛ̈k week ee köölë.

Nyöŋ 15:5 Iomraidhean Croise

Diɛt 19:11

Ayek ɛn tɔ ŋic käŋ, yɛn awundu, yɛn ye thieei në biäk cän keek döt.

Nyöŋ 15:4

“Bɛ̈nydït Nhialicdun abï week thieei në ee piny gëm weekë yic. Acïn raan töŋ de kɔckun bï nyin kuany.

Nyöŋ 15:6

Bɛ̈nydït abï week thieei cït man cï Yen ye thön week, wek bï wëu aa dhën juöör kɔ̈k, ku wek cï bï aa dhëën tëde kɔc, wek bï juöör juëc ceŋ, ku acïn jur bï we ceŋ.

Nyöŋ 26:14

Yɛn cïn kë cä cam në keyiic wään dhiau ɛn, ku acïn kë cä bɛ̈ɛ̈i bei ɣöndï wään raac yɛn guöp në biäk de ciɛɛŋ, ku acïn kë cä gam në keyiic ke ee miɔ̈c de thuɔɔu. Yïn cä riëëu guöp, Yïn Bɛ̈nydït, yɛn cï këriëëc ëbɛ̈n looi, kë cï lueel në biäk de töŋ thiëër ë käŋ.

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Jocua 1:7

Rit yïpiɔ̈u arëët, ku tɔ rɔt ril. Ku them ëgɔk nɔn bï yïn löŋdï döt ëbɛ̈n, löŋ cïï Mothe awundï gäm yïn. Ku du päl, ke yï bï ya tiam në këriëëcic ëbɛ̈n.