Nyöŋ 15:10 - JAM DE NHIALIC 2011

¹⁰ Miɔc në piɔ̈n mit, ke cïn yic cɔɔk, ku Bɛ̈nydït abï we thieei në këriëëc yak looi yic ëbɛ̈n.

Nyöŋ 15:10 Iomraidhean Croise

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Wɛ̈ɛ̈t 11:1

Ye yïciin pɔ̈l, këduön cï dɛɛny tueŋ aye lɔ yök kɔ̈u në kööl liu.

Yith 32:8

Ku raan piɛth ee luui apiɛth ku kɔ̈ɔ̈c aril në yicic.

Yith 58:10

na lak këcam gäm raan nɛ̈k cɔk ku takï raan cïn käŋ kueth, ke mɔ̈ɔ̈th tɔ̈u në welɔ̈m abï rɔt puk ke ye ɣɛɛr de akɔ̈l.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

Romai 12:8

ku raan ë kɔc guiëër wël, ë ye kɔc guiëër apiɛth, raan ë miööc, ë ye miööc ë piɔ̈n tök, raan nu ë kɔc nïïm, ë ye këde looi ke lëth guöp, raan ë piɔ̈u kok, ë ye luui ë piɔ̈n mit.

Nyöŋ 14:19

“Käm de wuök kedhie acïkï piɛth, duökï keek ee cuet.

Nyöŋ 14:29

Kek ee kacaamkë ayek kakë Lebai, në biäk cïn kek nïïm kake naamden, ku ayek kake kɔc lei, ku mïth abɛɛr, ku tiiŋ abaar rɛ̈ɛ̈r në wuötkuniic. Abïk dhil bɛ̈n ku nömkï kë kɔɔrkï ëbɛ̈n. Luɔikï ee kënë, ku Bɛ̈nydït Nhialicdun abï week thieei në këriëëc yak looi yic ëbɛ̈n.

Nyöŋ 15:18

Du piɔ̈u ee diu të gëm yïn lïmdu nɔm lääu, ku aŋic ëgɔk, nɔn cïï lïm yïn luööi në run kadhetem yiic, në kuën de biäk tök de raan ee luui. Loi ee kënë, ku Bɛ̈nydït Nhialicdun abï we thieei në ka yak looi yic ëbɛ̈n.

Nyöŋ 15:4

“Bɛ̈nydït Nhialicdun abï week thieei në ee piny gëm weekë yic. Acïn raan töŋ de kɔckun bï nyin kuany.

Nyöŋ 23:20

Wek duëër aŋuëk aa kɔɔr të cä wek käŋ dhën alɛi, ku acie ka cäk keek dhën kɔckuön ke Yithriɛl. Riëëukï ee löŋë, ku Bɛ̈nydït Nhialicdun abï këriëëcdun ëbɛ̈n, kë lak looi thieei yic piny lak nöömë.

Nyöŋ 24:19

“Të määt wek rɛɛpkun ë duumiic, rɛɛp cäk keek tem, na de rɛɛp kɔ̈k cï döŋ piny domic, ë rɛɛp cä ke temiic, duökï keek be lɔ bɛ̈ɛ̈i, abï keek nyäŋ alɛi, ku mïth abɛɛr, ku diëër abɛɛr, ago Bɛ̈nydït Nhialicdun week thieei në këriëëcduön yak looi yic ëbɛ̈n.

Nyöŋ 28:8

“Bɛ̈nydït Nhialicdun abï luɔidun thieei, abï adhɛnkun thiɔ̈ɔ̈ŋ në rap. Abï week thieei piny lee gäm weekë.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.