Nyöŋ 14:1 - JAM DE NHIALIC 2011

¹ Go Mothe jam an, “Wek ee kɔc ke Bɛ̈nydït Nhialicdun. Ka të dhiëëu wek raan cï thou, duökï wegup ee ŋuɔt, ku nɔn mɔ̈tkï wenïïm në biäk tueŋ, cït man ye kɔc kɔ̈k ye looi.

Nyöŋ 14:1 Iomraidhean Croise

Cäk 6:2

Ku wɛ̈ɛ̈t ke Nhialic acï duet ke bɛ̈n diir, agokï röt lɔ̈c diäär në keyiic cït man ë kë kɔɔr ë piɔ̈nden.

Cäk 6:4

Ku në aköölkë yiic agut cï kecök ciëën, jööt aake nu në piny nɔm. Ɣɔn cï wɛ̈ɛ̈t ke Nhialic lɔ në diäär, ku dhiëthkï mïth në keek. Ku ee kek aaye kɔc ril ɣɔn thɛɛr, ku aake tiëc rin aläl në kɔciic.

1 Mel 18:28

Agokï lɔ̈ŋ në röldït, ku temkï kegup në leem ku abätɛ̈ɛ̈u cït man ye kek e looi ëcaŋawën, agut të bïï riɛm wat.

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Jeremia 16:6

Kɔc kueth ku kɔc kuanynyïïn abïk thou ee pinyë, ku acïn raan bï ke tɔ̈ɔ̈u ku cïn raan bï ke dhiëëu. Acïn raan bï rɔt ŋuɛ̈ɛ̈t ku cïn raan mut yenɔm bïï yen ke dhiëndepiɔ̈u nyuɔɔth.

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Jeremia 41:5

go röör kathiërbɛ̈t bɛ̈n në Cekem, ku Cilo, ku Thamaria. Acïk nhïm de kethook muut, ku retkï lupɔɔken yiic, ku ŋuëëtkï kegup. Aake bïï rap ku wal ŋïr bïk bɛ̈n gam ë Luaŋdït yic.

Jeremia 47:5

Jiɛthëpiɔ̈u dït acï bɛ̈n në kɔc ke Gadha gup, ku kɔc ke Acekelon alek lik. Agut cï nɛn yen bïï kɔc kɔ̈k ke Pilithtiya jɔ dhiau?

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Lebai 21:5

Bäny ke kake Nhialic, acïkï kenïïm bï aa muut, ku cïkï nhïm de kek nɔ̈k piny muut, ku acïkï kegup bï aa ŋuɔt.

Jɔn 1:12

Ku kɔc cï gam, kek aa miɔc ë riɛl bïk aa mïth ke Nhialic, kek kɔc gam rinke:

Jɔn 11:52

ku acie nyin ë jurëyic etök, ee luɔi bïï en mïth ke Nhialic të mat keyiic ëtök ayadäŋ, mïth cï thiäi.

Romai 8:16

Wëidït gup kek aye jam në piɔ̈ɔ̈thkuɔ ëtök, alëkkï wook nɔn ee wok mïth ke Nhialic.

Romai 9:26

Ku tëman wään cï ke yɔ̈ɔ̈k thïn an, ‘We cie kɔckï,’ Yen ee tëmanë guöp yen abïï ke cɔɔl thïn an, Wek ee wɛ̈ɛ̈t ke Nhialic pïïr.”

Romai 9:4

Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac, ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken,

Romai 9:8

Tharde kï an, mïth ke guöp acie keek ee mïth ke Nhialic, ee mïth ke ka cï kɔn lueel, keek aye ke tɔ ye käu.

2 Kor 6:18

Ku yɛn bï aa Wuöördun, ku we bï aa wɛ̈ɛ̈tkï ku nyïïrkï, kë lueel Nhialic Awärjäŋ ka.”

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Nyöŋ 13:18

të cä wek lööŋkɛn cä gäm week ee köölë kedhie riëëu, ku luɔikï kë kɔɔr.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.

1 Theth 4:13

Ku wok cïn piɔ̈ɔ̈th luɔi bä wek e kuc, wek mïthëkɔckuɔ, në këde kɔc cï niin, ke we cïï piɔ̈ɔ̈th bï jiɛth aläl, cït man ë kɔc kɔ̈k, kɔc cïn kë ŋäthkï.

Ɣeberuu 2:10

Acïï Nhialic tiiŋ nɔm, Raan ë cak këriëëc ëbɛ̈n ku dötke, abï Yecu tɔ dikëdik në guöm, ago kɔc juëc lɛɛr të bï kek dhuëëŋde rɔm. Në luɔi Yen Yecu yen ee kɔc wat tëde kunydewëi.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 5:2

Të nhiɛɛr wok Nhialic, ku dötku lööŋke, yen aŋicku yen nɔn nhiɛɛr wok mïth ke Nhialic.