Nyöŋ 13:4 - JAM DE NHIALIC 2011

⁴ Kuanykï Bɛ̈nydït cök ku riëëukï, yak riëëu guöp, ku mɔ̈kkï lööŋke, ku lamkï, ku takï röt adööt tëde Yen.

Nyöŋ 13:4 Iomraidhean Croise

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

1 Kor 6:17

Ku raan cï mat kekë Bɛ̈nydït kek aye wëi tök.

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 11:1

Go lueel an, “Nhiaarkï Bɛ̈nydït Nhialicdun ku yak lööŋke riëëu kedhie ë ceŋ.

Nyöŋ 30:20

Nhiaarkï Bɛ̈nydït Nhialicdun. Yak riëëu ku yak röt tɔ ë adööt ku ëtɛ̈ɛ̈n week në mïthkun wek bï cieŋ apiɛth ee pinyë, piny cï thɔ̈n kuarkun yï Abraɣam ku Yithaak ku Jakop.

Nyöŋ 6:13

Yak riɔ̈ɔ̈c në Bɛ̈nydït Nhialicdun, ku yen yak lam yetök, ku yak kuëëŋ në rinke yetök.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

2 Jɔn 1:6

Ku cäth ee wok cath ë lööŋke cök, yen aye nhiëër. Löŋ kï, cït man cä wek e piŋ të ɣɔn gɔlë jam, an, bäk aa cath thïn.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”