Nyöŋ 12:7 - JAM DE NHIALIC 2011

⁷ Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 12:7 Iomraidhean Croise

1 Lëk 29:22

Ee köölë acïk piɔ̈ɔ̈th bɛ̈n miɛt, të wën jɔ kek cuet ku dëkkï në Bɛ̈nydït nɔm. Ago Tholomon bɛ caal ke ee melik në këde rou. Në rin ke Bɛ̈nydït acïk tɔc ke ye bɛ̈nyden ku Dhadok ke ye bɛ̈ny de kake Nhialic.

Neɣe 8:9

Na wën ale kɔc e piŋ yen kë kɔɔr ë löŋ, goke gut piɔ̈ɔ̈th arëët abïk duɛ̈ɛ̈r an dhiaukï. Go Neɣemia bɛ̈ny de baai ku Edhera bɛ̈ny de kake Nhialic, ku ee bɛ̈ny ee lööŋ wɛ̈ɛ̈t ku kɔc ke Lebai wën ee löŋ wɛ̈ɛ̈ric kɔc ëbɛ̈n, acïk lueel an, “Köölë ee kööl ɣeric tëde Bɛ̈nydït Nhialicdun ka wek cïï piɔ̈ɔ̈th bï jiɛth thïn, ku nɔn dhiaukï.

Wɛ̈ɛ̈t 3:12

Aŋiɛc nɔn cïn en këpiɛth duëër ë raan looi, të cï en piɔ̈u miɛt ku looi këpiɛth të pïïr en.

Wɛ̈ɛ̈t 3:13

Wook wodhie wok duëër cam ku dëkku ku mitku piɔ̈ɔ̈th në karil cuk looi. Ee miɔ̈c de Nhialic.

Wɛ̈ɛ̈t 5:18

Tiëŋkï, kë cä yök kë rɔ̈ŋ ee luɔɔi bïï ë raan cam ku dëk, ku bï kuɛth yök në luɔɔide yic në akööl lïk ke pïïr ë piny nɔm, akööl cïï Nhialic gäm en ke ye biäkde.

Yith 23:18

Wëu le yök në ɣööc yic, abï ke gäm Bɛ̈nydït. Acïï ke bï tɔ̈ɔ̈u tëmec, ku kɔc ee Bɛ̈nydït lam abïk wëuke nööm ɣɔɔc kek ke këcam ku lupɔɔ kɔɔrkï.

Yith 62:9

Ku yïn raan ee anyol com ku puur ke yïn bï cam në kuïn cï pam ku lec Bɛ̈nydït. Yïn raan ee enap tiit, yïn abï ke määt yiic, yïn bï mɔ̈u dek në kal de tëdiën ɣeric yic.”

Edhekiɛl 44:3

Wën melik mac baai, aduëër tëëk ke lɔ cam në kuïn ɣeric të täu ɛn thïn. Abï aa lɔ thïn ku jiël ke lɔ biic në ɣöt thok biäk thïn.”

Jowɛl 1:16

Rap ariɔ̈k keek në wo nyïïn ke cïn kony. Acïn miɛtëpiɔ̈u nu Luaŋdïït de Nhialicda.

Jowɛl 2:26

Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Lebai 23:40

Në kööl tueŋ wek bï mïth ke tiim piath nööm, ku nämkï yïth ke akööt ku yïth ke tiim dït, ku jakï piɔ̈ɔ̈th miɛt ë Bɛ̈nydït Nhialicdun nɔm në nin kadhorou.

Malakai 2:13

Ku däŋ yak looi kï: wek ee yïïŋ ë Bɛ̈nydït mool nɔm në pïïu ke wenyïïn. Ku wek ee röt näk piny në dhiëëu ku kiɛɛu, në baŋ cïï Bɛ̈nydït miɔ̈cdun ee bɛ gam në miɛtëpiɔ̈u, ku cïnic këde thïn kekë miɔ̈cduön yak gam.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:8

“Wek cïï bï aa luui në luɔi lui wek ee tënë ee köölë, raan ëbɛ̈n ee kë ye tïŋ ke piɛth ë yepiɔ̈u looi,

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 14:26

Ɣaackï wëu në kakuön kaarkï keek, weŋ, ku nyɔɔŋ amääl, ku mɔ̈u, ku nɔn ee mɔ̈n tuc, ku në Bɛ̈nydït Nhialicdun lɔ̈ɔ̈m ëtɛ̈ɛ̈n, wek bï jɔ cam ku jakï piɔ̈ɔ̈th miɛt.

Nyöŋ 15:20

Në ruöön thok ëbɛ̈n, abäk keek aa lɔ cuet në bɛ̈ikun ëtök, të töŋ de läm ë Bɛ̈nydït lɔ̈ɔ̈m.

Nyöŋ 26:11

Ye piɔ̈u miɛt wekë ka cï Bɛ̈nydït Nhialicdun gäm yïn wekë baaidu, ku yak Lebai ku kɔc lei rɛ̈ɛ̈r ë we yiic, tɔ mät në week ë dhuëëŋic.

Nyöŋ 27:7

ku we bï aa näk ëtɛ̈ɛ̈n, ku camkï miɔ̈cduön de mät, ku jakï piɔ̈ɔ̈th miɛt ë Bɛ̈nydït Nhialicdun lɔ̈ɔ̈m.

Nyöŋ 28:47

Bɛ̈nydït acï week thieei në käŋiic ëbɛ̈n, ku akënkï luööi në miɛtëpiɔ̈u ku në piɔ̈ɔ̈th mit.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!