Nyöŋ 12:6 - JAM DE NHIALIC 2011

⁶ Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.

Nyöŋ 12:6 Iomraidhean Croise

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.

2 Lëk 7:12

Go Bɛ̈nydït tuöl tëde yen wakɔ̈u. Go lëk en an, “Yɛn cï lɔ̈ŋdu piŋ, ku gam Luaŋdït bïï aa kë bïï ë Yɛn aa gäm miɔ̈c thïn.

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Neɣe 10:36

Wook wodhie ŋɛk abï mɛnh moc ee kɛ̈i aa lɛɛr Luaŋdït, tëde bɛ̈ny de kake Nhialic, bï gäm Nhialic cït man ë kë kɔɔr ë löŋ. Wok bï kɛ̈i ke daaukuɔn cï dhiëth aa lɛɛr në ruöön thök ëbɛ̈n në Luaŋdïtic ke ke ye miɔ̈c de Nhialic, ku amithöök ke amɛ̈l ee kɛ̈i ayï thök bɔɔth.

Neɣe 10:39

Kɔc ke Yithriɛl ku kɔc ke Lebai abïk ajuëër ë mɔ̈u, ku miök de olip, ayï rap dhɛ̈ɛ̈th ɣön wën ye kake tëɣeric tɔ̈ɔ̈u thïn, ku thönë ke bäny ke kake Nhialic de nïïm luɔi ee köölë, ayï kɔc ee tïït, ku kɔc ke diɛt. Në biäk cïï wok e than piny nɔn cïï wok ɣön ë Nhialicda bï päl wei.

Diɛt 116:17

Yïn bä gäm miɔ̈c de thieithieei ku gäm Yïn lɔ̈ŋdï.

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Lebai 1:3

Na ye miɔ̈c ye nyop ëbɛ̈n weŋ, ke gɛm miɔɔr cïn guöp tëdak, ku abïï dhil gam në paany de mät thok tueŋ, ago Bɛ̈nydït yen jɔ gam.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Malakai 3:8

Duëër raan Nhialic kuɛ̈l? Wek ë Ya kuɛ̈l. Ku yak lop an, cuk Yïn kuɛ̈l adï? Wek ë Ya kuɛ̈l në miɔ̈c de töŋ thiëër ë käŋ, ku kuɛ̈lkï Yɛn në miɔ̈c.

Luk 11:42

“Amawoou në week, wek Parithai! We ye wal juaar, yï mint, ku rue, ku wäl ëbɛ̈n, gämkï Nhialic töŋ wën thiëër kek, ku yak guiëërëlöŋ wööc yic kekë nhiëër ë Nhialic. Kakë adï cäk ke dhil aa looi, ku cäkï kakë awën ee pɔ̈l ayadäŋ.

Luk 18:12

Yɛn ee cäm rɛɛc ë akööl kaarou ë akööl kadhorou yiic, ku yïn aa miɔɔc në kakï kedhie në töŋ wën thiëër kek!’

Nyöŋ 12:17

Këriëëc gämkï Bɛ̈nydït, acäkï ke bï aa cam në wuöt rɛ̈ɛ̈r wek thïn, a cakaa töŋ de thiëër de rɛɛpkun, ku mɔ̈ndun, ku miökduön de olip, ku nɔn ë kɛ̈i de weŋdun ku thökkun, ayï miɔ̈c cï thön Bɛ̈nydït, ayï miɔ̈cduön de miɛtëpiɔ̈u kekë miɔ̈cduön däŋ.

Nyöŋ 26:2

raan ëbɛ̈n ë we yiic, abï biäk ë tëm tueŋ në rɛɛpke yiic ëbɛ̈n aa tääu në diöny yic, ku abäk dhil jɔt në week ëtök, lɛɛrkï të töŋ de läm.

Jocua 22:27

Ee yïïŋ bï ya cäätɔ në kaamda në week, ku mïth bï lɔ̈ɔ̈k tɔ̈u në wocök, nɔn ye wok Bɛ̈nydït lam në miɔ̈c ye nyop ëbɛ̈n, ku miɔ̈c ë rɛɛp cï geet, ku miɔ̈c de mät. Aa yïkku ke cïï mïthkun bï lɛ̈k mïthkuɔ wadäŋ an, “Wek cie kɔc ke Bɛ̈nydït.’

1 Tham 1:21

Na ɣɔn aacï akööl guɔ bɛ̈n akööl ye Elekana lɔ Cilo kekë baaide, lek Bɛ̈nydït gäm miɔ̈c de ruöön thok, ku miɔ̈c ɣɔn cï yen kuëëŋ.

1 Tham 1:24

Na ɣɔn aa le meth nyueth, ke leer meth Cilo ke ŋoot ke ye mɛnh thiin akäŋ, ku kuɛɛth miɔɔr ee run diäk, ku nööm apen de aɣaar ku tööny ë mɔ̈u athiäŋ, ku jɔt Thamwɛl ke ee meth cït ë mandɛnë, ku lee Luaŋdït në Cilo.