Nyöŋ 12:5 - JAM DE NHIALIC 2011

⁵ Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 12:5 Iomraidhean Croise

1 Mel 12:27

të lee kɔc aa lɔ Jeruthalem lek Bɛ̈nydït gäm miɔ̈c ë Luaŋdïtic. Kɔc abïk piɔ̈ɔ̈th bɛ lɔ dɛ melik Reɣobowam, melik de Juda, ka bïk ɛn nɔ̈k ku pukkï röt Reɣobowam melik de Juda.”

1 Mel 14:21

Reɣobowam wën ë Tholomon aaye run thiërŋuan ku rou, ɣɔn dɔm en bääny ke ye melik de Juda, ku muk bääny ë run kathiëër ku dhorou ë Jeruthalem, pänydït cï Bɛ̈nydït lɔc në dhiëën ke Yithriɛl yiic ëbɛ̈n, bï aa të bïï ë yen aa lam. Man Reɣobowam acɔl Naama nyan wun ë Ammon.

1 Mel 8:16

‘Në kaam ɣɔn bɛ̈ɛ̈i Yɛn kɔckï bei ë Rip, acïn pänydït cä lɔc në dhiëën ke Yithriɛl yiic ke ee të bïï kɔc Ya aa lɔ dhuëëŋ rin thïn. Ku ënɔɔnë Yɛn ë Debid lɔc bï aa melik në kɔckï nïïm.’”

1 Mel 8:20

Ku ënɔɔnë Bɛ̈nydït ë thönde döt, ka yɛn cï nyuc në thööny nɔm në nyin ë wääric ku yɛn ë Luaŋdït yïk bïï Bɛ̈nydït Nhialic de Yithriɛl aa lɔ̈ŋ thïn.

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

1 Mel 8:29

Liep Yïnyin ku ye Luaŋë woi wakɔ̈u ku aköl, yen të ɣɔn cï lueel an, bï rinku tɔ̈u ëtɛ̈ɛ̈n, luɔi duëër Yïn lɔ̈ŋ aa piŋ, lɔ̈ŋ bï raanduön ee Yï luööi aa lɔ̈ŋ ee tënë.

2 Mel 18:22

Na lak lueel an, “Wok kɛn röt në Bɛ̈nydït Nhialicda, cie kur ke Bɛ̈nydït kekë yïk kek ka wään riɔ̈ɔ̈k ë Ɣedhekia keek? Ɣɔn yöök en kɔc ke Juda ku Jeruthalem an yïïŋ tök ye tök yen bï kek aa lam në Jeruthalem.

1 Lëk 22:1

Ago ë Debid lueel an, “Tënë yen abï Luaŋdïït de Bɛ̈nydït Nhialic yïk thïn. Tënë yen aye yïïŋ bï kɔc ke Yithriɛl miɔ̈c ye nyop ëbɛ̈n gam thïn.”

2 Lëk 7:12

Go Bɛ̈nydït tuöl tëde yen wakɔ̈u. Go lëk en an, “Yɛn cï lɔ̈ŋdu piŋ, ku gam Luaŋdït bïï aa kë bïï ë Yɛn aa gäm miɔ̈c thïn.

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Edhr 6:12

Ku Nhialic, Raan ee tɔ rinke tiëc ëtɛ̈ɛ̈n, abï Melik ëbɛ̈n aa nyaai, Melik ku nɔn yen kɔc kɔɔr bïk löŋë dhɔ̈ŋic ku riäkkï ɣön ë Nhialic nu në Jeruthalem. Ee yɛn Dariouth raan ë tɛ̈ɛ̈u ee löŋë piny ku abï dhil looi apiɛth.”

Edhr 7:17

“Ku ee wëukë, abä ke ɣaac apiɛth në miöör ku nyök amɛ̈l dït ku kakor, ëtök në miɔ̈c ë rap ku kadek, ku lɔ gamë keek në yïk nɔm, yïïŋ de ɣön ë Nhialicduön tɔ̈u në Jeruthalem.

Neɣe 1:9

ku na dɔ̈kkï röt Ɛn, ku luɔikï lööŋ cä lɛ̈k week, të ciɛk ë we thiäi të lee piny thar guut, ke wek bä bɛ bɛ̈ɛ̈i të wään cä lɔc bä wek Ɛn aa lɔ̈ŋ thïn.’

Diɛt 78:68

Go dhiën de Juda lɔc, ku kuur de Dhiɔn ee yen nhiɛɛr aläl.

Bɛ̈n 15:2

Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bɛ̈n 25:22

Yïn bä lɔ yök ëtɛ̈ɛ̈n, ku la yï gäm lööŋkï kedhie në biäk de kɔc ke Yithriɛl ke yï nu në akum de athänduŋ de mät nɔm në kɛm ke cerubiim.

Jeremia 26:2

Go ë Bɛ̈nydït lɛ̈k ɛn an, “Lɔ kääcë ë Luaŋdïtic cil ku luel ka cä lɛ̈k yïn ëbɛ̈n, ka bä lɛ̈k kɔc ke Juda cï bɛ̈n ë wuötiic bïk bɛ̈n lam ëtɛ̈ɛ̈n. Cïn kë nyääŋë piny.

Jeremia 7:12

Lakkï Cilo, të wään bäk kɔn lɔc tueŋ bï ë Yɛn aa lam thïn, ku tiëŋkï kë cä luöi yen në biäk de karɛc ke kɔckï Yithriɛl.

Jeremia 7:14

Ku kë cä luöi Cilo, abä luöi ɣöndiën ë Bɛ̈nydït, ɣön yak ŋɔ̈ɔ̈th. Yen të wään bä gäm kuarkun ku gäm week, Yɛn bï kë wääc cä luöi Cilo looi.

Kuɛ̈n 7:89

Na wën, alɔ Mothe në paany de mätic, le jam kekë Bɛ̈nydït, ke piŋ röl ajam në kɛm ke cerubiim në akum de athänduŋ de mät nɔm. Go röl Mothe jääm.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:13

Wek cïï miɔ̈c ye nyop ëbɛ̈n bï aa gam tëduön cäk tak.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:4

“Duökï Bɛ̈nydït Nhialicdun ee lam në kueer ye kɔckë yiëthken lam.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 14:24

Ku na cï tëde läm mɛc kekë paan rëër wek thïn, në biäk bä wek käŋ ɣääc, ka cï luɔk, cï Bɛ̈nydït we thieei, luɔikï kënë:

Nyöŋ 15:20

Në ruöön thok ëbɛ̈n, abäk keek aa lɔ cuet në bɛ̈ikun ëtök, të töŋ de läm ë Bɛ̈nydït lɔ̈ɔ̈m.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 16:15

Riëëukï Bɛ̈nydït Nhialicdun në luɔi bä wek dhuëëŋë looi në nïn kadhorouwiic të töŋ de läm. Yak piɔ̈ɔ̈th miɛt, në biäk cïï Bɛ̈nydït tëmdun kekë luɔidun thieei.

Nyöŋ 16:2

Lakï të töŋ de läm ku näkkï thɔ̈ɔ̈kdun ku nɔn ee weŋ ëtɛ̈ɛ̈n, ke ee këcam de Winythok bä wek Bɛ̈nydït Nhialicdun riëëu.

Nyöŋ 16:7

Thalkï rïïŋ ku cuɛtkï të töŋ de läm, na miäk adurduur në kööl däŋë ke we puk röt baai.

Nyöŋ 17:8

“Ku akööl kɔ̈k, wël kɔ̈k abïk yiic riɛl në baŋ bï raan ë löŋ guiir ë wuötkuniic ye lëu në guiɛɛr, cït man de lööŋ kɔ̈k ke kake kɔc, ku nɔn ë bɔ̈t, ku lööŋ ke pɛ̈ɛ̈k de raan ë näk ku raan ë kur. Të cï ee kënë rɔt looi, lakï të töŋ de läm, të cïï Bɛ̈nydït Nhialicdun lɔc,

Nyöŋ 18:6

“Ku na de raan de Lebai ceŋ wundäŋ në wuöt ke Yithriɛliic, ku ade piɔ̈u bɛ̈n të töŋ de läm cïï Bɛ̈nydït lɔc, aduëër bɛ̈n të kɔɔr en en.

Nyöŋ 26:2

raan ëbɛ̈n ë we yiic, abï biäk ë tëm tueŋ në rɛɛpke yiic ëbɛ̈n aa tääu në diöny yic, ku abäk dhil jɔt në week ëtök, lɛɛrkï të töŋ de läm.

Nyöŋ 31:11

Të ye kɔc ke Yithriɛl kedhie bɛ̈n në Bɛ̈nydït Nhialicdun nɔm, tëdɛn bï lɔc, yɛn bï ee löŋë kueen në kenïïm kekë piŋ.

Kolothai 2:9

Yen aye raan rëërë kuɛth ë Nhialic ëbɛ̈n ë yeguöp.

Ɣeberuu 12:22

Ënɔɔnë we cï bɛ̈n paannhial në kuur ë Dhiɔn nɔm, Jeruthalem pänydït de Nhialic pïïr, kekë aguum ke tuucnhial loi miɛtëpiɔ̈u.

Jocua 18:1

Na wään, aacï akutnɔm de kɔc ke Yithriɛl piny peec ëbɛ̈n, ke ke mɛt Cilo kedhie, ku piëëtkï paany de mät ëtɛ̈ɛ̈n.

Jocua 22:11

Ago dhiën kɔ̈k ke Yithriɛl cï döŋ Cilo ye piŋ nɔn cïï dhiënkë kadiäk yïk yïk në Geliloth aken de piny ë Kanaan nɔm.

Jocua 9:27

Ku tɔ keek ee lïïm ee tiim yep, ku dhëthkï akutnɔm ë Yithriɛl pïïu, ku lɔ yïïŋ de Bɛ̈nydït. Yen luɔi ŋoot ke yek looi ka agut cï ye köölë.

Nyuuth 14:1

Na wën, ke ya jɔt anyin, ku jɔ Nyɔŋamääl tuöl ke kääc ë kuurdït Dhiɔn nɔm, ku kääc kɔc në yen ëtök agum kabɔt ku thiërŋuan ku ŋuan, ke ke cath në rinke, ku rin ke Wun, ke ke cï gɔ̈ɔ̈r ë kenyïïn tueŋ.