Nyöŋ 12:2 - JAM DE NHIALIC 2011

² Wek bï ɣään ye juöör bä keek lɔ cop lam thïn riɔ̈ɔ̈k ëbɛ̈n, ɣään tɔ̈u në kuur nïïm, ku ɣään tɔ̈u të thöny, ku tiim tɔ̈c thäär ëbɛ̈n.

Nyöŋ 12:2 Iomraidhean Croise

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

1 Mel 3:2

Kɔc ke Yithriɛl aake ye Nhialic näk në ɣään thöny nïïm në kë cïn en Luaŋdït ë cï yïk në rin ke Bɛ̈nydït.

2 Mel 11:18

Ku ëtɛ̈ɛ̈n kɔc ke wut acïk lɔ luaŋ de Baal, ku reetkï yic piny, ku jiëpkï yïk piny, ayï yiëthke ku näkkï Matan, bɛ̈ny de kake Baal në yïk kɔ̈u. Jeɣoyada ë kɔc kuany bïk Luaŋdït lɔ tiit.

2 Mel 16:4

Ku Aɣadh aaye miɔ̈c gam, ku ye wal ŋïr nyop në ɣään thöny nïïm, ku kur nïïm, ku në tiim tɔ̈c thäär ëbɛ̈n.

2 Mel 23:13

Ku melik ë ɣään thöny ɣɔn nu ë Jeruthalem biäk të lɔ aköl amiäk tɔ nhiany, ku ka nu ë kuur de Olip biäk të lɔ wöuwic, ɣɔn cïï melik Tholomon yiëk Acetoreth yanh de Thidon rɛɛc mɛɛn Bɛ̈nydït, ku yïk Cemoc yanh ë Mowap rɛɛc mɛɛn Bɛ̈nydït, ku yïk Molek yanh ë Amon rɛɛc mɛɛn Bɛ̈nydït.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Yith 36:7

Na lak lueel an, “Wok kɛn röt në Bɛ̈nydït Nhialicda? Ee yïk ku ɣään cï thieei ke Bɛ̈nydït kek ë riëëk ë Ɣedhekia keek në Juda ku Jeruthalem, ku yöök kɔc an bïk aa lam në yïïŋ tök nɔm.

Jeremia 17:2

Kɔckun ayek lam në yïk kɔ̈ɔ̈th, ku në kït cï luöi yanh tiiŋ cɔl Acera, ku në tiim tɔ̈c thäär ëbɛ̈n, ku kur nïïm,

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 3:2

Tïŋ kur nïïm nhial. De të kën yïn tɔ̈c thïn we röör cï tiiŋ akɔɔrröör? Yïn ee röörkuön nhiaar tiit në kuɛɛr këc. Cït man ye cuɛ̈ɛ̈r kɔc bïï rum tiit në jɔ̈ɔ̈ric. Yïn cï piny dhiöök në kɔ̈ɔ̈rduön ë röör.

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Ɣodh 4:13

Ayek yiëth miɔɔc në kur nïïm nhial ya, ku nyopkï miɔ̈c ye nyop ëbɛ̈n në kur kor nïïm, ku në tim de ɣok thar. Ku në atïïp ke tiim cï lɔ niëpniëp, në luɔi liir atïïpken. “Yen kë ye duetkun tɔ ya akɔɔrröör ka. Ku yen aye diäär ke wɛ̈ɛ̈tkun röt tɔ nöm.

Kuɛ̈n 22:41

Na ɣɔn amiäk, ke Balak ë leer Balaam nhial në Bamoth Baal, le tɔ tïŋ të rëër ë kɔc ke Yithriɛl.

Nyöŋ 7:5

Ka ënɔɔnë, jakï yïkken thuöör piny, ku dhuɔŋkï waike kur yaath kɔ̈ɔ̈th, ku yiɛpkï yanh tik Acera piny, ku nyuɔpkï yiëthken.

Bäny 2:2

Duökï löŋ mac në juöör ceŋ ee pinyë. Wek bï yïïkken dhil thuöör piny, ku wek kën kë cä lɛ̈k week looi. Wek cï jamdï rɛɛc piŋ.