Nyöŋ 12:11 - JAM DE NHIALIC 2011

¹¹ Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:11 Iomraidhean Croise

1 Mel 12:27

të lee kɔc aa lɔ Jeruthalem lek Bɛ̈nydït gäm miɔ̈c ë Luaŋdïtic. Kɔc abïk piɔ̈ɔ̈th bɛ lɔ dɛ melik Reɣobowam, melik de Juda, ka bïk ɛn nɔ̈k ku pukkï röt Reɣobowam melik de Juda.”

1 Mel 8:13

Ënɔɔnë Yïn cä luöi Luaŋdïït dik arëët, të bï Yïn rëër thïn aɣët athɛɛr.

1 Mel 8:16

‘Në kaam ɣɔn bɛ̈ɛ̈i Yɛn kɔckï bei ë Rip, acïn pänydït cä lɔc në dhiëën ke Yithriɛl yiic ke ee të bïï kɔc Ya aa lɔ dhuëëŋ rin thïn. Ku ënɔɔnë Yɛn ë Debid lɔc bï aa melik në kɔckï nïïm.’”

1 Mel 8:29

Liep Yïnyin ku ye Luaŋë woi wakɔ̈u ku aköl, yen të ɣɔn cï lueel an, bï rinku tɔ̈u ëtɛ̈ɛ̈n, luɔi duëër Yïn lɔ̈ŋ aa piŋ, lɔ̈ŋ bï raanduön ee Yï luööi aa lɔ̈ŋ ee tënë.

2 Mel 18:22

Na lak lueel an, “Wok kɛn röt në Bɛ̈nydït Nhialicda, cie kur ke Bɛ̈nydït kekë yïk kek ka wään riɔ̈ɔ̈k ë Ɣedhekia keek? Ɣɔn yöök en kɔc ke Juda ku Jeruthalem an yïïŋ tök ye tök yen bï kek aa lam në Jeruthalem.

1 Lëk 22:1

Ago ë Debid lueel an, “Tënë yen abï Luaŋdïït de Bɛ̈nydït Nhialic yïk thïn. Tënë yen aye yïïŋ bï kɔc ke Yithriɛl miɔ̈c ye nyop ëbɛ̈n gam thïn.”

2 Lëk 6:20

Woi ee ɣön ë Bɛ̈nydïïtë aköl ku wakɔ̈u. Yïn cï gutguut lueel nɔn yen të bï ë yïn aa lam thïn, ka piŋ lɔ̈ŋdï të wɛl ɛn yanɔm ee ɣön ë Bɛ̈nydïïtë ke ya läŋ.

2 Lëk 7:12

Go Bɛ̈nydït tuöl tëde yen wakɔ̈u. Go lëk en an, “Yɛn cï lɔ̈ŋdu piŋ, ku gam Luaŋdït bïï aa kë bïï ë Yɛn aa gäm miɔ̈c thïn.

Edhr 6:12

Ku Nhialic, Raan ee tɔ rinke tiëc ëtɛ̈ɛ̈n, abï Melik ëbɛ̈n aa nyaai, Melik ku nɔn yen kɔc kɔɔr bïk löŋë dhɔ̈ŋic ku riäkkï ɣön ë Nhialic nu në Jeruthalem. Ee yɛn Dariouth raan ë tɛ̈ɛ̈u ee löŋë piny ku abï dhil looi apiɛth.”

Diɛt 100:2

Lamkï Bɛ̈nydït në miɛtëpiɔ̈u. Bäkkï të tɔ̈u Yen në diɛt ke miɛtëpiɔ̈u!

Diɛt 116:17

Yïn bä gäm miɔ̈c de thieithieei ku gäm Yïn lɔ̈ŋdï.

Diɛt 66:13

Yɛn bï miɔ̈c ye nyop ëbɛ̈n bɛ̈ɛ̈i ɣöndu Yïn bä gäm kë cän gutguut lueel.

Diɛt 78:68

Go dhiën de Juda lɔc, ku kuur de Dhiɔn ee yen nhiɛɛr aläl.

Bɛ̈n 25:8

Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic.

Bɛ̈n 29:45

Ku Yɛn bï ya Nhialic de kɔc ke Yithriɛl, ku Yɛn bï rëër në keyiic.

Jeremia 7:12

Lakkï Cilo, të wään bäk kɔn lɔc tueŋ bï ë Yɛn aa lam thïn, ku tiëŋkï kë cä luöi yen në biäk de karɛc ke kɔckï Yithriɛl.

Nyöŋ 12:13

Wek cïï miɔ̈c ye nyop ëbɛ̈n bï aa gam tëduön cäk tak.

Nyöŋ 12:14

Abä keek dhil gäm të töŋ bï Bɛ̈nydït lɔc, në wun töŋ de wuöt ke dhiëënkun yiic. Yen ee të töŋë yetök, yen abä wek miɔ̈cduön ye nyop ëbɛ̈n aa gam, ku bä wek ka cä thön week kedhie aa looi.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:21

Na cï të töŋ de läm mɛc aläl, të kaar wek bäk näk, wek duëër näk në ɣɔ̈kiic ku thökiic, ka cïï Bɛ̈nydït gäm week, ku wek duëër rïïŋ cuet ë wuötkuniic cït man cän e lɛ̈k week.

Nyöŋ 12:26

Yak miɔ̈cduön ɣeric ku miɔ̈cduön cäk thön Bɛ̈nydït lɛɛr të töŋ ye Bɛ̈nydït lam thïn.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 15:19

“Yak Bɛ̈nydït Nhialicdun täu kɛ̈i de weŋ ë ɣɔ̈kkun yiic ëbɛ̈n kekë kɛ̈i de thök ë thökkun yiic ëbɛ̈n, duökï ɣɔ̈kkë ee tɔ luui week, ku duökï thökë ee tɔ tem gup.

Nyöŋ 15:20

Në ruöön thok ëbɛ̈n, abäk keek aa lɔ cuet në bɛ̈ikun ëtök, të töŋ de läm ë Bɛ̈nydït lɔ̈ɔ̈m.

Nyöŋ 17:8

“Ku akööl kɔ̈k, wël kɔ̈k abïk yiic riɛl në baŋ bï raan ë löŋ guiir ë wuötkuniic ye lëu në guiɛɛr, cït man de lööŋ kɔ̈k ke kake kɔc, ku nɔn ë bɔ̈t, ku lööŋ ke pɛ̈ɛ̈k de raan ë näk ku raan ë kur. Të cï ee kënë rɔt looi, lakï të töŋ de läm, të cïï Bɛ̈nydït Nhialicdun lɔc,

Nyöŋ 18:6

“Ku na de raan de Lebai ceŋ wundäŋ në wuöt ke Yithriɛliic, ku ade piɔ̈u bɛ̈n të töŋ de läm cïï Bɛ̈nydït lɔc, aduëër bɛ̈n të kɔɔr en en.

Nyöŋ 23:16

Aduëërkï ke tɔ rɛ̈ɛ̈r wun tök në wuötkuniic, wun cïk lɔc, ku acäkkï keek bï luööi arac.

Nyöŋ 26:2

raan ëbɛ̈n ë we yiic, abï biäk ë tëm tueŋ në rɛɛpke yiic ëbɛ̈n aa tääu në diöny yic, ku abäk dhil jɔt në week ëtök, lɛɛrkï të töŋ de läm.

Nyöŋ 31:11

Të ye kɔc ke Yithriɛl kedhie bɛ̈n në Bɛ̈nydït Nhialicdun nɔm, tëdɛn bï lɔc, yɛn bï ee löŋë kueen në kenïïm kekë piŋ.

Jocua 18:1

Na wään, aacï akutnɔm de kɔc ke Yithriɛl piny peec ëbɛ̈n, ke ke mɛt Cilo kedhie, ku piëëtkï paany de mät ëtɛ̈ɛ̈n.

Jocua 22:11

Ago dhiën kɔ̈k ke Yithriɛl cï döŋ Cilo ye piŋ nɔn cïï dhiënkë kadiäk yïk yïk në Geliloth aken de piny ë Kanaan nɔm.

Jocua 22:16

“Akutnɔm de Bɛ̈nydït ëbɛ̈n ee week luɔp an, Eeŋö ja wek Nhialic de Yithriɛl guɔ lɔ wööc piɔ̈u, ku yiɛ̈kkï röt yïk? Eeŋö tɔ we yïk yïk ku aŋiɛckï luɔi rɛɛc en tëde Nhialic?

Jocua 22:23

Yïïŋë acuku yïk bï wok miɔ̈c ye nyop ëbɛ̈n aa gam në yenɔm, ku nɔn yen miɔ̈c de rɛɛp cï geet, ku nɔn yen miɔ̈c de mät. Na cuk löŋ de Bɛ̈nydït dhoŋ kɔ̈u, ke Bɛ̈nydït yiɛnhde ë lui wook këtuc.

Jocua 22:27

Ee yïïŋ bï ya cäätɔ në kaamda në week, ku mïth bï lɔ̈ɔ̈k tɔ̈u në wocök, nɔn ye wok Bɛ̈nydït lam në miɔ̈c ye nyop ëbɛ̈n, ku miɔ̈c ë rɛɛp cï geet, ku miɔ̈c de mät. Aa yïkku ke cïï mïthkun bï lɛ̈k mïthkuɔ wadäŋ an, “Wek cie kɔc ke Bɛ̈nydït.’

Jocua 22:29

Wok cïï löŋ de Bɛ̈nydït duëër kɔn dhoŋ kɔ̈u, ku acuku duëër kɔn puɔ̈l cök ku yïkku röt yïïŋ de miɔ̈c cï nyop, ku nɔn yen miɔ̈c de rɛɛp cï geet, ku nɔn yen miaac. Acïn yïïŋ däŋ pei duëërku yiëk röt, tën cïn yïïŋ töŋ de Bɛ̈nydït Nhialicda nu në paany de Bɛ̈nydït thok tueŋ.

Jocua 9:27

Ku tɔ keek ee lïïm ee tiim yep, ku dhëthkï akutnɔm ë Yithriɛl pïïu, ku lɔ yïïŋ de Bɛ̈nydït. Yen luɔi ŋoot ke yek looi ka agut cï ye köölë.

1 Tham 1:21

Na ɣɔn aacï akööl guɔ bɛ̈n akööl ye Elekana lɔ Cilo kekë baaide, lek Bɛ̈nydït gäm miɔ̈c de ruöön thok, ku miɔ̈c ɣɔn cï yen kuëëŋ.