Nyöŋ 10:12 - JAM DE NHIALIC 2011

¹² “Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 10:12 Iomraidhean Croise

1 Mel 3:3

Go Tholomon Bɛ̈nydït nhiaar, ku ye cath në wël ke Debid wuniic, ku aaye miɔ̈c näk ku wal ŋïr gam në ɣään ke läm yiic ayadäŋ.

2 Mel 10:31

Ku Jeɣu aa kën löŋ de Bɛ̈nydït, Nhialic de Yithriɛl döt apiɛth në yepiɔ̈u ëbɛ̈n, akën rɔt mɛc wei në awäny de Jerobowam yic, raan ɣɔn tɔ kɔc ke Yithriɛl wäc.

2 Mel 18:3

Acï këpiɛth looi në Bɛ̈nydït nɔm, cït ka ɣɔn ye Debid kuɛɛrë looi.

2 Mel 18:6

Yen aaye adöt tëde Bɛ̈nydït, ku akën kɔn rɛɛc thok, ku aaye lööŋ ɣɔn cïï Bɛ̈nydït ke gäm Mothe döt apiɛth.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 15:12

Agokï kuëŋ looi nɔn bïk kek Bɛ̈nydït aa lam yetök, Nhialic de kuarken, në piɔ̈ɔ̈thken ku wëiken ëbɛ̈n.

Jop 36:11

Na yek Nhialic riëëu ku luuikï, ka bïk pïïrden thöl ëbɛ̈n në mätic ku kuɛth.

Diɛt 119:2

Thieithieei në kɔc ë lööŋke tiiŋ yic. Ku rïïukï keek në piɔ̈ɔ̈thken yiic ëbɛ̈n.

Diɛt 128:1

Thieithieei në kɔc ee Bɛ̈nydït riëëu, kɔc ee cath ë lööŋke yiic.

Diɛt 145:20

Ee raan ëbɛ̈n raan nhiaar en gël, ku abï kɔc rac riɔ̈ɔ̈k.

Diɛt 18:1

Yïn nhiaar Bɛ̈nydït, Yïn ee riɛldï.

Diɛt 34:9

Riëëukï Bɛ̈nydït guöp wek kɔcke, kɔc ee ye riëëu abïk këriëëc kɔɔrkï yök ëbɛ̈n.

Diɛt 81:13

Anhiaar aläl ë luɔi duëër ë kɔckï jamdï piŋ, ku nhiaar aya ë luɔi duëër kek a riëëu!

Diɛt 81:14

Yɛn duëër kɔckɛn ke ater dap tiaam, ku pɛɛc kɔc ke aterden kedhie.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Edhekiɛl 11:20

Ëtɛ̈ɛ̈n abïk lööŋkï muk, ku dötkï ka cä gäm keek në piɔ̈n adöt. Abïk aa kɔckï, ku yɛn bï aa Nhialicden.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Dhep 3:9

“Ku Yɛn bï jam de juöör puk ke ye jam lɔ wai, ku abïk Ɛn aa lam ke cie yiëth kɔ̈k, ku yek A riëëu kedhie.

Math 22:37

Go Yecu yɔ̈ɔ̈k an, “Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n, ku në nɔmdu ëbɛ̈n.

Luk 10:27

Go bɛ̈ɛ̈r an, “ ‘Yïn bï Bɛ̈nydït Nhialicdu nhiaar ë piɔ̈ndu ëbɛ̈n, ku wëiku ëbɛ̈n, ku riɛldu ëbɛ̈n, ku nɔmdu ëbɛ̈n,’ ku ‘nhiaar raan rɛ̈ɛ̈r ke yïn cït man nhiɛɛr yïn rɔt.’ ”

Luk 11:42

“Amawoou në week, wek Parithai! We ye wal juaar, yï mint, ku rue, ku wäl ëbɛ̈n, gämkï Nhialic töŋ wën thiëër kek, ku yak guiëërëlöŋ wööc yic kekë nhiëër ë Nhialic. Kakë adï cäk ke dhil aa looi, ku cäkï kakë awën ee pɔ̈l ayadäŋ.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

Nyöŋ 10:11

Ëtɛ̈ɛ̈n ë ya yɔ̈ɔ̈k bä week lɔ wat, aguɔkï piny lɔ nööm, piny ɣɔn cï lɛ̈k kuarkun.

Nyöŋ 10:13

ku riëëukï lööŋ kedhie. Agäm keek week ee köölë në baŋ bä wek piɛth.

Nyöŋ 11:1

Go lueel an, “Nhiaarkï Bɛ̈nydït Nhialicdun ku yak lööŋke riëëu kedhie ë ceŋ.

Nyöŋ 11:13

Ka week, jakï lööŋ cä gäm week ee köölë riëëu Nhialic Bɛ̈nydït Nhialicdun ku yak luööi në piɔ̈ndun ëbɛ̈n.

Nyöŋ 26:16

“Köölë Bɛ̈nydït Nhialicdun acï we yöök bäk lööŋkë riëëu kedhie, ka riëëukï keek kedhie në piɔ̈n adöt, në piɔ̈ɔ̈thkun ëbɛ̈n.

Nyöŋ 27:10

Abäk riëëu ku bäk lööŋkɛn gäm ke week ee köölë döt.”

Nyöŋ 30:16

Ku wek yɔ̈ɔ̈k keek ëköölë, bäk Bɛ̈nydït Nhialicdun aa nhiaar, ku bäk cath në yecök, ku bäk lööŋke döt, ku wëlke ku jiɛɛmke, ku ëtɛ̈ɛ̈n wek bï jɔ pïïr ku ŋuakkï wenyïïn, ku Bɛ̈nydït Nhialicdun abï week thieei në pinyduön lak nööm bï aa këdun ë yic.

Nyöŋ 30:20

Nhiaarkï Bɛ̈nydït Nhialicdun. Yak riëëu ku yak röt tɔ ë adööt ku ëtɛ̈ɛ̈n week në mïthkun wek bï cieŋ apiɛth ee pinyë, piny cï thɔ̈n kuarkun yï Abraɣam ku Yithaak ku Jakop.

Nyöŋ 4:29

Ku ëtɛ̈ɛ̈n, wek bï Bɛ̈nydït Nhialicdun kɔɔr, ku na lak lɔ kɔɔr në piɔ̈ɔ̈thkun ëbɛ̈n abäk yök.

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Nyöŋ 5:33

Riëëukï keek kedhie, ago piath ke week, ku aguɔkï lɔ rëër ë run juëc piny bä lɔ gäm week.

Nyöŋ 6:13

Yak riɔ̈ɔ̈c në Bɛ̈nydït Nhialicdun, ku yen yak lam yetök, ku yak kuëëŋ në rinke yetök.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

Nyöŋ 6:24

Go Bɛ̈nydït Nhialicda wo yɔ̈ɔ̈k, an, buk lööŋke riëëu kedhie, ku buk aa riɔ̈ɔ̈c në yen. Na lok looi, ke abï paanda aa tiit akööl nyïïn, ku abï wook tɔ kueth.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Jocua 22:5

Lak cök ë dɔ̈t wek lööŋ ɣɔn gëm ë Mothe awun de Bɛ̈nydït week ë gɔk. Lööŋ ɣɔn lëk week an, ‘Yak Bɛ̈nydït Nhialicdun nhiaar, ku yak lööŋke döt, ku yak luööi në wepiɔ̈ɔ̈th ëbɛ̈n ë cieŋ.’

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

1 Jɔn 2:15

Duökï piny nɔm nhiaar, ayï ka nu thïn duökï ke nhiaar. Na de raan nhiaar piny nɔm, ke nhiëër ë Nhialic acïï cath ke ye.

1 Jɔn 5:5

Ku eeŋa raan ë piny tiaam? Cie yen raan cï Yecu gam, an, ee Wën ë Nhialic?

1 Tham 12:20

Go Thamwɛl lueel an, “Duökï riɔ̈c, cakaa nɔn cä wek kërac looi, duökï kueer ë Bɛ̈nydït päl, ku luööikï ë piɔ̈ndun ëbɛ̈n