Nyöŋ 1:44 - JAM DE NHIALIC 2011

⁴⁴ Go kɔc ke Amor wään ceŋ piny ë kuur, gokï tɔŋ yiɛ̈n week, ku copkï week cït man ë kiëc, ku nɛ̈kkï wek piny gɔl në Edom leer ë kueer de Ɣorma.

Nyöŋ 1:44 Iomraidhean Croise

Diɛt 118:12

Acïk a tuɔɔk cil cït man ë kiëc, ku acïk dap nyop piny cït man ë many de kuɔɔth, ku në riɛl de Bɛ̈nydït acä keek riɔ̈ɔ̈k kedhie.

Yith 7:18

“Të le ee köölë bɛ̈n, Bɛ̈nydït abï lou ke ye kïn bï rem de tɔŋ de Rip cït luaŋ tɔ bɔ̈ në nyïïn mec ke Kiir kɔ̈ɔ̈th, ku në luɔi bï ë rem de tɔŋ de Athiriya tɔ bɔ̈ pinyden cï kiëc.

Kuɛ̈n 14:45

Ago kɔc ke Amalek mat në kɔc ke Kanaan rɛ̈ɛ̈r ëtɛ̈ɛ̈n piny ë kuur, gokï ke tiaam ku copkï keek abïk ɣet të cɔl Ɣorma.

Kuɛ̈n 21:3

Go Bɛ̈nydït ke piŋ thook, ku tɔ keek tiam kɔc ke Kanaan. Gokï keek riɔ̈ɔ̈r nyïïn taitai, ku riäkkï pɛ̈ɛ̈nydïtken. Go tɛ̈ɛ̈n cäk an Ɣorma.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Jocua 7:5

Go kɔc ke Ai ke cop në kal ë wut thok, abïk keek ɣɛɛt Cebraim ku näkkï kɔc kathiërdiäk ku dhetem në keyiic në wak de kuriic. Go kɔc ke Yithriɛl riɔ̈ɔ̈c ku pɛ̈lkï röt wei.