Nyöŋ 1:17 - JAM DE NHIALIC 2011

¹⁷ Ku të guiɛɛr wek löŋ, yak kɔc kiëët nïïm kedhie, ku duökï kɔc ee pɔ̈ɔ̈c yiic, cakaa raan yïndï ë cïn raan ya wek riɔ̈ɔ̈c ë yen në biäk ee guiëër ë löŋdun bɛ̈n tëde Nhialic. Ku bɛ̈ɛ̈ikï gööny rilic tëde yɛn ku abä keek bɛ̈n guiir.’

Nyöŋ 1:17 Iomraidhean Croise

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

2 Tham 14:14

Wok bï thou wodhie, wok cït pïïu cï lɔ wei, pïïu cïï duëërë bɛ määt yiic. Ayï Nhialic acïï kɔc cï thou ee bɛ tɔ pïïr, ku melik aduëër kueer bïï yen raan cï kat tɔ puk yenɔm wut.

2 Lëk 19:5

Go bäny ke luk kuany në pɛ̈ɛ̈nydït ke Juda cï gël yiic kedhie

2 Lëk 19:6

ku jiëëm keek an, “Bïk löŋ ŋiëc guiir, wek cïï lui në riɛl de kɔc tei, wek lui ë riɛl de Bɛ̈nydït, ku atɔ̈u ke week të tɛɛm wek löŋ.

Jop 31:34

në biäk cän riɔ̈ɔ̈c në kë bïï kɔc lueel, ku nɔn bï kɔc ke wunda ya geet guöp, aguɔ mim ku rɛ̈ɛ̈r baai ke ya cïï lɔ biic.

Diɛt 82:2

“Wek bï kuöc guiëër de löŋ dhil pɔ̈l, ku duökï kɔc rac ee bɛ kony!

Bɛ̈n 18:18

Yïn bï rɔt bääp ku bääpë kɔc aya. Acïï rɔ̈ŋ bä luɔiyë aa looi yïtök.

Bɛ̈n 18:22

Ku ye ke tɔ guiir luŋ ë kɔc ë cieŋ, ye keek tɔ guiir jiɛɛm piɔliic kedhie kapäc. Na de jam rilic ke bïk aa yiɛ̈n yïn. Ku ëtɛ̈ɛ̈n, abï ŋuɛ̈ɛ̈n ë määth, abïk yïn aa kuɔny në luɔiduön dïïtë.

Bɛ̈n 18:26

Gokï kɔc aa kuum në kueer yic, ku yek jiɛɛm riliic yiɛ̈n Mothe, ku guiirkï jiɛɛm piɔliic kapäc.

Kɛ̈ŋ 18:5

Kuny de raan ee karɛc looi ku pɛ̈n ye raan cïn kë cï wööc pɛ̈n yinyde arac.

Kɛ̈ŋ 24:23

Käkë ayadäŋ ayek jiɛɛm ke kɔc pel nïïm. Riëëu de guöp të guiirë löŋ acïï piɛth.

Kɛ̈ŋ 28:21

Kuëëny de kɔc yiic acïï piath, ku kɔ̈k ayek lɔ në awäcic në ariöp de ŋuëny töŋ de kuïn.

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Jeremia 1:17

Guiir rɔt, Jeremia, lɔ lɛ̈k ë keek këriëëc cä lɛ̈k yïn ëbɛ̈n an, bä lɔ lɛ̈k keek. Du riɔ̈c në keek ënɔɔnë, ku nɔn bä yïn tɔ riɔ̈c ë keek arëët, të le yïn lɔ tɔ̈u në keyiic.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Malakai 2:9

Yen acän week tɔ biɔɔn ë kɔc gup kedhie, ku ta keek dhäl wegup. Në biäk kɛ̈n wek kuɛɛrkï kuany yiic ëgɔk, ku në luɔi ya wek lööŋkï kuɛ̈ɛ̈ny yiic në wëëtdun yic.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Mak 12:14

Na wën, ë ke bɔ̈, bïk ku luelkï an, “Bɛ̈ny ë wëët, yïn ŋicku nɔn ee yïn yic lueel, ku acïn raan bï yïn riɔ̈ɔ̈c ë ye, yïn cïï kɔc ë woi gup biic tei, yïn ee kɔc wɛ̈ɛ̈t ë kueer ë Nhialic në yic. Cï päl wook nɔn bï wok Kaithar aa kuöt athölbö, ku cie ye?”

Luk 20:21

Gokï thiëëc an, “Bɛ̈ny ee wëët, yïn ŋicku nɔn ee yïn käŋ lueel apiɛth ku wɛ̈ɛ̈të kɔc apiɛth, ku cïï kɔc ee kuany yiic, ku ye kɔc wɛ̈ɛ̈t ë kueer ë Nhialic në yic.

Romai 2:11

Kuëny ee kɔc kuany yiic aliu tëde Nhialic.

Epethiei 6:9

Ku wek bäny de nïïm lïïm, yak luui wäklë ayadäŋ tëde lïïmkun, yak wɛ̈i pɔ̈l wɛ̈i aa wek ke waai: në ŋïny ŋiɛc wek cöökë an, Bɛ̈nydun week ayadäŋ anu paannhial, ku acïn kuëny ee yen kɔc kuany yiic.

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Nyöŋ 24:17

“Duökï yic de alɛi ku yic de mïth abɛɛr ee nööm, ku duökï lupɔ de tiiŋ abaar ee nööm mɛcë ë löny de kë cï dheen nɔm.

Nyöŋ 25:1

Na wën ke lueel Mothe an, “Na cï kɔc kaarou ke Yithriɛl lɔ gööny yic, bï jamden lɔ guiir, ku raan tök acï yök ke cïn kë cï wööc, ku raan däŋë ade guöp awäc.

Kolothai 3:25

Ku raan ë kërac looi abï këde yök në kërɛɛc cï looi, ku kuëny bï kɔc aa kuany yiic aliu.

1 Theth 2:4

Ku acït man cï Nhialic wo tɔ piɛth an, bï wëlpiɛth tääu ë wocin, yen aye wok jam, acie kɔc ke yok tɔ mit piɔ̈ɔ̈th, ee Nhialic Raan ee wo them piɔ̈ɔ̈th.

Jakop 2:9

Ku na yak kɔc kuany yiic, ke we ye kërac looi, ago we jɔ̈ɔ̈ny ë löŋ an, cäk löŋ wööcic.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”

1 Tham 2:25

Na cï raan awäc luöi raandäŋ, aduëër ë Nhialic kony wëi, ku raan cï awäc luöi Bɛ̈nydït eeŋa duëër en lëu ë kuny?” Ku akënkï bɛ̈n piŋ yen kë lëk ë wun keek, në biäk cï Bɛ̈nydït Yen tak nɔn bï En keek nɔ̈k.