Nyöŋ 1:10 - JAM DE NHIALIC 2011

¹⁰ Në luɔɔi cïï Bɛ̈nydït Nhialicdun week tɔ juëc, ku wek cï juëc ka wek cï ciët kuɛl nu nhial.

Nyöŋ 1:10 Iomraidhean Croise

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

1 Lëk 27:23

Melik Debid akën kɔc gɔ̈ɔ̈r, kɔc ŋoot ë runken ke ke kën run kathiërrou cuööp, në biäk cïï Bɛ̈nydït gutguut lueel, an bïï kɔc ke Yithriɛl tɔ juëc, abïk ciët kuɛl nhial.

Neɣe 9:23

Acï ke gäm mïth juëc cït kuɛl nhial ku tɔ ke pec piny ku rëërkï thïn, në thön ɣɔn cïï Yïn e thɔ̈n kuarken nɔn bï Yïn ke gäm piny.

Diɛt 107:38

Bɛ̈nydït ë kɔcke gäm athiɛɛi, agokï dɛ mïth juëc, acï lunydɛn ë ɣɔ̈k tɔ lɔ ke ŋuak yenyin.

Bɛ̈n 12:37

Na wën, ke kɔc ke Yithriɛl ë ke jël në kecök Ramethith lekï Thukoth. Ku röör aake ye bot kadhetem ka aguum të cïn diäär, ku mïth.

Bɛ̈n 32:13

Tak lïïmku, yï Abraɣam kekë Yithaak, ku Jakop. Tak kuëëŋ wään thɔ̈në keek nɔn bï Yïn ke gäm mïth juëc cït kuɛl nhial, ku gämë ke piny wään cï than ëbɛ̈n nɔn bï yen aa këden ananden.”

Yith 51:2

Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Edhekiɛl 16:7

Guɔ yïn tɔ dït cï wɛ̈ɛ̈l cïn guöp kɔ̈m. Go jɔ dït ke yï ril ku lɔɔr ke yï bäär abä jɔ aa tiiŋ koor. Thinku acï ke cak apiɛth, ku nhimku acïk dït apiɛth, ku yïn aa cïn kɔ̈u lupɔ.

Kuɛ̈n 10:36

Na lë acï athänduk kɔ̈ɔ̈c, ke lueel ë Mothe an, “Bɛ̈nydït, Puɔ̈kë rɔt aguum kathiëër ke aguum ke kɔc ke Yithriɛl.

Nyöŋ 1:11

Ku yɛn läŋ Bɛ̈nydït de kuarkun, bïï week tɔ ye kɔc juëc raan agum, ku thieei week wedhie, cït man ë kë cï thɔ̈n week.

Nyöŋ 10:22

Wään lee ë kuarkun Rip, aake ye kɔc kathiërdhorou tei. Ku ënɔɔnë Bɛ̈nydït Nhialicdun acï week tɔ juëc cït man ë kuɛl nu nhial.

Nyöŋ 26:5

Ku ë Bɛ̈nydït nɔm ëtɛ̈ɛ̈n yïn bï ee wëlkë jɔ lɛ̈k Bɛ̈nydït an: ‘Akuaar aaye raan de Aramiin ee cath tei, raan ë leer baaide Rip ke bï lɔ ceŋ ëtɛ̈ɛ̈n. Kuënden aa lik ɣɔn lee kek ëtɛ̈ɛ̈n, ku acïk bɛ̈n juëc ku yek jur ril.

Nyöŋ 28:62

Cak aa wek ë cï juëc abäk ciët kuɛl nu nhial, ee kɔc liaakäŋ tei kek abï pïïr ë weyiic, në biäk kën wek Bɛ̈nydït Nhialicdun riëëu.

Nyöŋ 7:7

“Bɛ̈nydït aa cï we lɔc në baŋ cä wek kɔc kɔ̈k wöör në juëc, wek aaye jur koor arëët ë piny nɔm,