Neɣe 7:3 - JAM DE NHIALIC 2011

³ Guɔ lɛ̈k keek an, “Duökï thook ke kal ë Jeruthalem ee guɔ liep të ŋoot akɔ̈l ke kën ɣëët nhial, ku thiökke ke akɔ̈l ë kën thëi ke kɔc ee tïït ke ke kën guɔ jäl. Ku kuany tït aya, bï kɔc ee tïït kuany në kɔc rɛ̈ɛ̈r wutic ë Jeruthalem ku kɔc kɔ̈k në keyiic abïï ke tääu në ɣään kithiic në aguuk ke kalic ku kɔc kɔ̈k bï tïït në bɛ̈i thiääk në ɣöötken kɔ̈ɔ̈th.”

Neɣe 7:3 Iomraidhean Croise

Neɣe 13:19

Guɔ kɔc yɔ̈ɔ̈k bïk thook ke pänydït aa thiöök kedhie thëën ëtɛ̈ɛ̈n në göl akööl ke Thabath ëbɛ̈n. Ku të cïï wakɔ̈u rɔt gɔl, thook acïï ke bïï aa tueer agut cï thök de kööl ë Thabath. Yɛn cï kɔckiën kɔ̈k ee ya luööi tuɔɔc në thook ke pänydïtic në biäk bän e ŋic nɔn cïn en kë cï bɛ̈ɛ̈i ë pänydïtic në kööl ë Thabath.

Neɣe 3:23

Ku gëmë Benjamin kekë Ɣacup biäk däŋ tɔ̈u në ɣöötken thook agokï yïk. Ku Adharia wën de Maathia ku wën ë wën ë Anania acïk biäk däŋë yïk, biäk de kal tɔ̈u ë ɣönde thok.

Neɣe 7:2

Yɛn cï mɛ̈ny mɛcë päny de Jeruthalem tääu në kɔc cin, wänmääth Ɣanani kekë Ɣanania bɛ̈ny ë rem de tɔŋ, në biäk ye Ɣanania raan adöt ee riɔ̈ɔ̈c ë Nhialic awär kɔc kedhie.

Neɣe 7:4

Jeruthalem aaye pänydït ku acïn kɔc juëc ërɛ̈ɛ̈r thïn, ku cïn ɣööt juëc ë cï guɔ yïk thïn.

Diɛt 127:1

Na cie Bɛ̈nydït yen ë yïk ɣöt, ke kɔc yïk luɔiden ee youyou, na cie Bɛ̈nydït yen ë tiit pänydït, ke kɔc tït luɔiden ee youyou.

Diɛt 147:13

Ee kɛ̈lku tiit thook aril, Ee kɔckun thieei.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.