Neɣe 3:3 - JAM DE NHIALIC 2011

³ Ku yïk dhiën de Ɣathenath Thoŋ de Rɛ̈c, ku tɛ̈ɛ̈ukï awïkde ku athïïnke tëden ku rïurïu ke.

Neɣe 3:3 Iomraidhean Croise

2 Lëk 33:14

Na wën ee kake cök, go Manatha kal de pänydït de Debid të le aköl athɛ̈i ŋuak nɔm nhial ago bɛ̈ɛ̈r, ë tuŋ biäk nu ë wak thiääk ke nyin de Giɣon të lɔ rut biäk lɔ të lɔ kal Thoŋ de Rɛ̈c, në pänydït biäk cɔl Opɛl. Ku acï bɛ̈ny ë rem de tɔŋ tääu në rem de tɔŋ juëc nɔm, në pɛ̈ɛ̈nydït ke Juda cï gël yiic kedhie.

Neɣe 12:39

ku ëtɛ̈ɛ̈n ke wo jɔ lɔ tëëk në Thoŋ de Eparaim, yen ee Thoŋ de Jecana, ku Thoŋ Thɛɛr, ku Thoŋ de Rɛ̈c ku Alooc bäär de Ɣananel ku Alooc bäär de Bɔt të lɔ Thoŋ de Amɛ̈l. Go cäthda jɔ thök të thiääk ke Thoŋ lɔ të lɔ Luaŋdït.

Neɣe 2:8

ku gɔ̈ɔ̈r awerek däŋ bï yiɛ̈n Athap raan ee roor de Melik tiit, ago a lɔ miɔɔc ë tiim bä ke lɔ looi ke ke ye këërkëër ke athïïn ke të wën ye Luaŋdït tiit thok, ku yïkë ke kal ë pänydït ku ɣön bï yɛn tɔ̈u thïn. Go Melik ya gäm ka cä thiëëc kedhie në luɔi nu athiɛɛi de Nhialic ke yɛn.

Neɣe 3:4

Ku Meremoth wën de Yuria, ku ee wën ë wën ë Ɣakoth acï biäkdäŋë yïk. Ku Meculam, wën de Berekia ku ee wën ë wën ë Mecedhabel acï biäkdäŋë yïk. Ku yïk Dhadok wën ë Baana biäkdäŋë.

Neɣe 3:6

Ku Joyada wën ë Pathia ku Meculam wën ë Bethodei acïk Thoŋ de Jecana nyɔk në yïk. Acïk awïkde ku athïïnke tääu tëden ku rïurïu ke.

Neɣe 6:1

Na wën aa lɔ Thanbalat, ku Tobia, ku Gecem raan de Arab, ku kɔc kɔ̈k ke aterda ye piŋ nɔn cïï wok kal thöl në yïk, ku cïn ɣään ɣɔ̈r kɔ̈k cï döŋ, cakaa ɣɔn ŋoot wok ke wo kën thook ke kal tääu, në ke thook.

Neɣe 7:1

Ku ënɔɔnë kal acï nyɔk në yïk, thook ke kal acï ke tääu tëden kedhie, ku kɔc ee Luaŋdït tiit acï ke kuany, ku kɔc ee ket, ayï kɔc kɔ̈k ke Lebai acï ke gäm luɔiden.

Diɛt 147:13

Ee kɛ̈lku tiit thook aril, Ee kɔckun thieei.

Dhep 1:10

Go Bɛ̈nydït lueel an, “Wek bï kiɛɛu piŋ, ku lɔ röl ë kɔc dhiau në kal thoŋ cɔl Rɛ̈c ë Jeruthalem, ku piɛŋkï arɔ̈ɔ̈l ku gök de röl dïït cï määr ë kuriic wut biäk ë piɛc yïk.