Neɣe 13:3 - JAM DE NHIALIC 2011

³ Na ɣɔn aa lɔ kɔc ke Yithriɛl ë löŋë piŋ ke kuen, gokï juöör lei pɔ̈c bei në amatnɔmdenic.

Neɣe 13:3 Iomraidhean Croise

Edhr 10:11

Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Edhr 9:2

Röör kɔ̈k ke Yithriɛl acïk wɛ̈ɛ̈tken thiëk duet ke juöör cie Judai, ago kɔc ke Nhialic cï tɔ ɣeriic jɔ liääp në juöör cieŋ ee pinyë, ku bäny, ku bäny lɔ në kecök kek aa wat kɔc ë ciën adöt.

Neɣe 10:28

Wok kɔc ke Yithriɛl, bäny ke kake Nhialic ku kɔc ke Lebai, ku kɔc ee thook ke Luaŋdït tiit, ku kɔc ke diɛt në Luaŋdïtic, ku kɔc ke luɔi në Luaŋdïtic, ku kɔc kedhie kɔc ee lööŋ ke Nhialic riëëu, wok cï röt wɛ̈l bei në juööriic, juöör rɛ̈ɛ̈r pinyda, wook wodhie në diäärkuɔ, ku mïthkuɔ kedhie, wok cï dït, ka wok ee käŋ yökiic,

Neɣe 9:2

Keek acïk röt pɔ̈c bei pei në juöör lei yiic. Aceŋkï anuɛɛr ku ayek kenïïm wäl abuui, nyooth kek dhiën ë piɔ̈ɔ̈thken, ku ëtɛ̈ɛ̈n acïk bɛ̈n kɔ̈ɔ̈c läŋkï bïk ke päl awɛ̈ɛ̈cken ku awɛ̈ɛ̈cë cïï kuarken looi.

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 119:9

Duëër dhuök pïïrden tɔ lɔ wai adï? Ee në riëëu bï kek lööŋku aa riëëu.

Bɛ̈n 12:38

Go kut dïït ë kɔc lɔ ke keek, ku lɔ thök ku ɣɔ̈k.

Kɛ̈ŋ 6:23

Löŋ acït manyëalath, ku wëët acït ɣɛɛr riau, ku jiëëm ku nɛɛn ayek kueer de pïïr.

Kuɛ̈n 11:4

Ku aa de alɛi rac ë nu ë keyiic, kɔc nhiaar cuën ë rïŋ, acïï mïnh ë kacaam kɔ̈k keek bɛ̈n guɔ dɔm. Arëk abï kɔc ke Yithriɛl bɛ tɔ dok aya luelkï an, “Ka jɔku rïïŋ cuetku yök ënou!

Romai 3:20

Acïn raan töŋ bï tɔ piɛthpiɔ̈u ë yenɔm në luɔi de löŋ, ee löŋ yen ë bïï ŋïny de kërac.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.