Neɣe 11:3 - JAM DE NHIALIC 2011

³ Në wuöt kɔ̈kiic ku pɛ̈ɛ̈nydïtiic, kɔc ke Yithriɛl, ku bäny ke kake Nhialic, ku kɔc ke Lebai ku kɔc ee luui Luaŋdït, ku lɔ käu ke kɔc ë ye Tholomon luööi aake ŋoot ke ke rɛ̈ɛ̈r në piinykeniic në wuötkeniic. Rin ke bäny mac wuöt juëc ke Juda rɛ̈ɛ̈r ë Jeruthalem:

Neɣe 11:3 Iomraidhean Croise

Edhr 2:1

Kɔc wään cï röt puk në pɛ̈cic në kɔciic, kɔc ɣɔn cï Nebukadnedhar, melik de Babilonia keek lɛɛr Babilon. Keek acïk röt puɔ̈k Jeruthalem ku Juda, ŋɛk ee lɔ wunden,

Edhr 2:43

Dhiën kɔ̈k ke kɔc ee luui Luaŋdït ë bɛ̈n ciëën ë pɛ̈cic: Dhia, ku Ɣathupa, ku Tabawoth, Keroth, ku Thiaɣa, ku Padon, Lebana, ku Ɣagaba, ku Akub, Ɣagap, ku Camlai, ku Ɣanan, Gidel, ku Gaɣaar, ku Riiya, Redhin, ku Nekoda, ku Gadham, Yudha, ku Pathia, ku Bethai, Athana, ku Munim, ku Nepothim, Bakbuk, ku Ɣakupa, ku Ɣarɣur, Batheluth, ku Meɣida, ku Ɣarca, Barkoth, ku Thithera, ku Tema, Nedhia, ku Ɣatipa,

Edhr 2:70

Ku bäny ke kake Nhialic, ku kɔc ke Lebai, ku kɔc ee Nhialic pal në diɛt, ku kɔc ee kal ë Luaŋdït tiit thok, ku kɔc ee luui Luaŋdït kekë kɔc kɔ̈k arëërkï në wuötkeniic. Ku rɛ̈ɛ̈r kɔc ke Yithriɛl kedhie në wuötken yiic.

Neɣe 11:20

Ku kɔc kɔ̈k ke Yithriɛl ku bäny ke kake Nhialic, ku kɔc ke Lebai aake rɛ̈ɛ̈r në piinykeniic në wuöt kɔ̈k yiic ku pɛ̈ɛ̈nydït ke Juda kɔ̈k yiic.

Neɣe 11:4

Ku kɔc ke dhiën ë Juda: Athaya wën de Yudhia ku wën ë wën ë Dhekaria, ku Amaria, ku Cepatia ku Maɣalalel, käu de wën ë Juda cɔl Peredh.

Neɣe 7:39

Ku kënë ee kuɛ̈n de rin ke dhiën ke bäny ke kake Nhialic ɣɔn bɔ̈ ciëën në pɛ̈cic: Jedaya (käu de Jecua) — 973 Yimer — 1,052 Pacur — 1,247 Ɣarin — 1,017

Neɣe 7:43

Dhiën ke Lebai ɣɔn bɔ̈ ciëën në pɛ̈cic: Dhiën ke Jecua ku Kadmiel kek ee käu de Ɣobaya — 74 Kɔc ee diɛt ket ë Luaŋdïtic dhiën de Athap — 148. Kɔc ke tiët ë Luaŋdïtic dhiën ke Calum, ku Ater, ku Talmon, ku Akub, ku Ɣatita, ku wɛ̈ɛ̈t ke Cobai — 138.

Neɣe 7:46

Dhiën ke kɔc ee luui në Luaŋdïtic ëbɔ̈ ciëën ë pɛ̈cic: Dhia, ku Ɣathupa, ku Tabawoth. Keroth, ku Thia, ku Padon. Lebana, ku Ɣagapa ku Calmai, Ɣanan, ku Gidel, ku Gaɣaar, Riiya, ku Redhin, ku Nekoda, Gadham, ku Yudha, ku Pathia, Bethai, ku Munim, ku Nepucethim, Bakbuk, ku Ɣakupa, ku Ɣarɣur, Badhlith, ku Meɣida, ku Ɣarca, ku Barkoth, ku Thithera, ku Tema, Nedhia ku Ɣatipa.

Neɣe 7:6

Kɔc juëc ë cï peec acïk piny de Babilon pɔ̈l ku pukkï röt Jeruthalem ku Juda, raan ëbɛ̈n ë lɔ wunden. Bɛ̈iken aake rɛ̈ɛ̈r ë pɛ̈cic në Babilonia të ɣɔn cïï Melik Nebukadnedhar ke lɛɛr ëtɛ̈ɛ̈n ke ke ye kɔc mac.

Neɣe 7:7

Bänyken ee yï: Dherubabel, ku Jecua Neɣemia, ku Adharia, ku Raamia, ku Naɣamani, ku Modekayo, ku Bilcan, ku Mïthpereth, ku Bikbai, ku Neɣum ku Baana.

Neɣe 7:73

Bäny ke kake Nhialic ku Lebai, ku kɔc ee Luaŋdït tiit, ku kɔc ke diɛt ku lɔ kɔc juëc kɔ̈k, ku kɔc ke luɔi de Luaŋdït, mïth ke Yithriɛl kedhie aake cï piɔ̈ɔ̈t në bɛ̈i yiic ku wuöt ke Juda yiic.