Neɣe 1:10 - JAM DE NHIALIC 2011

¹⁰ “Bɛ̈nydït kakë ayek lïïmku, kɔc ke nɔmdu, ɣɔn luäk në riɛldïïtdu.

Neɣe 1:10 Iomraidhean Croise

Diɛt 136:12

në ciin ril ku köŋ ril aläl, nhiëërdɛn agɔk atɔ̈u athɛɛr.

Diɛt 74:2

Tak akutnɔmduön wään bä keek lɔ̈c rɔt ɣɔn thɛɛr, kɔckuön awään bä keek bɛ̈ɛ̈i bei ë yaaŋic bïk aa wundu. Tak Yïnɔm në kuur de Dhiɔn wään cï Yïn kɔn ceŋ thïn.

Diɛt 89:14

Piathëpiɔ̈u ku yic kek aye këërkëër de thöönydu, nhiëër agɔk ku piɔ̈n adöt ayek röt nyuɔɔth në ka ye looi yiic kedhie.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:16

Kënë abï we jɔ aa täk nïïm, cït man ë kë cï duööt ë wecin, ku cït kë cï tääu në wenyïïn tueŋ. Abï we aa täk nïïm në bïï cïï Bɛ̈nydït wo bɛ̈ɛ̈i bei piny ë Rip në riɛl dïïtde.’ ”

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Bɛ̈n 32:11

Go Mothe Bɛ̈nydït Nhialicde lɔ̈ŋ lueel an, “Bɛ̈nydït, duɛ̈ɛ̈rë piɔ̈u riääk adï wekë kɔckuön wään luäkë bei Rip në gök ë dhuëëŋ ku riɛl?

Bɛ̈n 6:1

Go Bɛ̈nydït lɛ̈k Mothe an, “Kë bä luöi melik, abä jɔ tïŋ ënɔɔnë. Abä tɔ päl kɔckï ajäl në riɛl. Abä tɔ kuëëth kɔckï bei pinyde në riɛl.”

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Yith 64:9

ka yïn du piɔ̈u go diu aläl we wook, ku du awɛ̈ɛ̈ckuɔ muk ë yïpiɔ̈u aɣet athɛɛr. Wok ee kɔcku, kokëpiɔ̈u we wook.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 9:29

Ku aŋic, nɔn ye kek kɔckuön cï lɔc bï aa kɔcku, cï ke bɛ̈ɛ̈i bei ë Rip në riɛlduön dït.’