Naɣum 3:16 - JAM DE NHIALIC 2011

¹⁶ Yïn cï rɔt thiɔ̈ɔ̈ŋ në kɔc ee ɣɔɔc, ka wärkï kuɛl nhial! Ku ënɔɔnë abïk päär cït man ë kɔyɔm.

Naɣum 3:16 Iomraidhean Croise

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Neɣe 9:23

Acï ke gäm mïth juëc cït kuɛl nhial ku tɔ ke pec piny ku rëërkï thïn, në thön ɣɔn cïï Yïn e thɔ̈n kuarken nɔn bï Yïn ke gäm piny.

Diɛt 105:34

Ee jam, ago kɔyɔm bɛ̈n, aguum juëc ke kɔyɔm cie lëu në kuɛ̈n,

Yith 23:8

Eeŋa ë kïït luɔi bïï ee kënë lööny ë Tayer kɔ̈u, yen pänydïït ee käŋ ɣaac, ku bänyke dhuëëŋ gup ë piny nɔm?

Jeremia 33:22

Yɛn bï kuën de käu de awundï Debid ŋuak nyïïn ku ŋuak kuën de bäny de kakë Nhialic ke dhiën ë Lebi, ago yic riɛl në kuën bï ë keek kueen, cït man cïï ë raan kuɛl nhial duëër kueen, ku nɔn ee rap ku liɛɛt nu ë wɛ̈ɛ̈r yɔu.”

Jowɛl 1:4

An kë cïï luny de kɔyɔm tueŋë both, acïï luny de kɔyɔm bɔ̈ në yecök cam. Ku kë cïï kɔyɔm ye kek rou both, acïï kɔyɔm ye kek diäk cam. Ku kë cïï luny de kɔyɔm ye kek diäk both, acïï luny ye kek ŋuan cam.