Naɣum 3:11 - JAM DE NHIALIC 2011

¹¹ Ayï yïn, yïn Ninebe ayadäŋ, yïn bï nɔm mum cït raan cïï mɔ̈u wit. Ka yïn bï të thiɛɛn yïn aa kɔɔr në biäk de kɔc ke ater.

Naɣum 3:11 Iomraidhean Croise

Diɛt 75:8

Bɛ̈nydït amuk cup në Yeciin, acï thiäŋ kekë mɔ̈n ril de agönhde. Aye wäl wei, ku dek ë kɔc ee karɛc looi kedhie, ayek dek ëbɛ̈n abïk liil yic.

Yith 2:10

Abïk thiaan në pɔ̈liic piny ku lɔ kɔ̈k thiaan në kuriic, themkï bïk röt kual në agönh ë Bɛ̈nydït ku riɛldïïtde ku dhuëëŋ!

Yith 2:19

Kɔc abïk mol në pɔ̈liic piny, ku lɔ kɔ̈k thiaan në kɔ̈k ke kuriic, themkï bïk röt kual në agönh ë Bɛ̈nydït, ku riɛldïïtde ku dhuëëŋ, të le Yen Bɛ̈n bïï piny bɛ̈n lath.

Yith 29:9

Mɔ̈mkï nïïm ku gäikï! Caarkï ke we cïï bï bɛ daai! Wiɛɛtkï ke cïn mɔ̈n cäk dek! Yak tuëk ke we kën mɔ̈u tuc dek!

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 63:6

Në agönhdï yɛn juöör dum yiic ëbɛ̈n ku wɛɛr ke piny. Ku wäl riɛmdɛn de pïïrden piny.”

Jeremia 4:5

Kuɔthkï kɛŋ në baai yic ëbɛ̈n! Wuɔukï në röldït lɔ gɔk! Lɛ̈kkï kɔc ke Juda kekë Jeruthalem bïk kat ke ke lɔ në pɛ̈ɛ̈nydït cï gël yiic.

Jeremia 51:57

Yɛn bï bänyken ku röörkɛn pelnïïm tɔ wiɛɛt, ku bäny ke baai, ku rem ë tɔŋ. Abïk lɔ niin ku cïkkï be pääc taitai. Acä lueel Yɛn melik, Ee Yɛn Bɛ̈nydït de rɛm.

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Ɣodh 10:8

Ku ɣään thöny ke Aben, ye kɔc ke Yithriɛl yiëth lam thïn, abïï keek riɔ̈ɔ̈k. Ee läm de yiëth yen aye awänydïït de Yithriɛl. Ka abï keek riɔ̈ɔ̈k, ku kuɔɔth, ayï thil abïk lɔ̈ɔ̈k cil në yïïkken nïïm. Ku kɔc abïk kur aa yɔ̈ɔ̈k an wïïkkï në kenïïm, ku lëkkï kur kor an, “Kuömkï wo piny!

Amoth 9:3

Na cakkï lɔ thiaan në kuur ë Karmel nɔm, ke abä ke kɔɔr ku abä ke dɔm gup ku jat keek. Na cakkï röt thiaan në Yɛn në wɛ̈ɛ̈r thar piny, Yɛn bï ŋuäldït yɔ̈ɔ̈k bï keek kääc.

Maika 7:17

Abïk aa ɣöc piny cït karɛc, ku molkï piny cït käm. Juöör abïk bɛ̈n bei në ɣäänkɛn ke thiaan yiic ke ke lɛthë. Ku pukkï kenïïm Bɛ̈nydït Nhialicda ke ke cï riɔ̈ɔ̈c në Yen.

Naɣum 1:10

Na wek cak röt duut cït rɔŋ de kou, ku ciëtkï kɔc ye mɔ̈u wit, ka bï we nyuɔp piny cït ayän cï riɛl!

Naɣum 2:1

Yïn mookë piny Ninebe. Gël ɣäänkuön ril ke tɔŋ apiɛth. Tiɛtkï kuɛɛriic ëgɔk! Määtkï tɔŋdun yic ëbɛ̈n! Ke ke bï röt coc!

Luk 23:30

Ë aköölkë abï kɔc kurdït yɔ̈ɔ̈k an, ‘Wiëëkkï ë wonïïm!’ Ku yöökkï kur kor an, “Kuömkï wo piny!’

1 Tham 13:6

Na wën ke ke mɛk kɔc ke Yithriɛl, agokï keek tɔ mum nïïm. Go kɔc kɔ̈k ke Yithriɛl lɔ thiaan ë kur thäär, ku pɔ̈l yiic, ku yïth yiic,

1 Tham 14:11

Agokï röt nyuöth nëëm ke Pilithiin kedhie, go Pilithiin lueel, an, “Tiëŋkï Ɣeberuu, amulkï bei në pɔ̈liic të wën cï kek thiaan thïn.