Naɣum 2:8 - JAM DE NHIALIC 2011

⁸ Ninebe ee ciët awuöl cïï pïïuke wɛt wei, ka bänyke ayek cööt an, “Kääckï! Kääckï!” Ku acïn raan bɔ̈ ciëën.

Naɣum 2:8 Iomraidhean Croise

Cäk 10:11

Ku ëtɛ̈ɛ̈n, ë bɛ̈n lɔ Athiriya, ku lee Ninebe yïk kekë Riɣoboth Yir, ku Kala.

Yith 13:14

“Alɛi rɛ̈ɛ̈r ë Babilon abïk kat ke ke bɛ̈k wuötken, abïk wɛɛr cït ŋeer kɔt ë yiëëp, ku cïtkï thök cïn nïïm tïït.

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Yith 47:13

Yïn cï ciën riɛl cakaa nɔn ye kɔc yïn jääm. Tɔ kɔckuön ee kanhial ŋic bɔ̈ tueŋ, bïk yïn bɛ̈n kony, kɔc ee kuɛl nhial ŋic, ku kɔc ee ɣään nhial luöi akɛɛth, ku lëkkï yïn në pɛ̈i thook ëbɛ̈n kë bï rɔt dhil looi tëde yïn.

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 59:11

Wok cï riɔ̈ɔ̈c ku diɛɛrku arëët. Wok kɔɔr Nhialic bïï wo kony në yaaŋic ku awɛ̈ɛ̈cë, ku acïn kë loi rɔt.

Jeremia 46:5

Go Bɛ̈nydït thiëc an, “Ku eeŋö wɔi? Apukï röt ciëën ë riɔ̈ɔ̈cdït. Remdɛn de tɔŋ acï ke cuɔp ciëën acïï riɔ̈ɔ̈c ke thööŋ, ariŋkï aläldïïtë, ku acïkï kekɔ̈ɔ̈th ee lieec.

Jeremia 47:3

Abïk cök ke jöŋgöör riŋ pïŋ, ku awuɔɔu de abëël ke tɔŋ, ku atuktuk de cök ke abëël. Wärken ke mïth ku märken ke mïth acïkï röt bï pɔ̈k mïthken, abïk cin nuɛt në kegup ë lik.

Jeremia 50:16

Duökï kɔ̈th be tɔ com në ee pinyë, ku në cïn kë bïï bɛ tem ë menyjel ëtɛ̈ɛ̈n. Alɛi cëŋ ë tɛ̈ɛ̈n kedhie abïk riɔ̈ɔ̈c ë rem ë mɛk pänydït, ka bï rɔt pɔ̈k baai.”

Jeremia 51:13

Yen ee paanë ade yic kiɛɛr juëc, ku wëu ke kuɛth, ku köölde ë guɔ bɛ̈n, ku alanhdɛn ë pïïr ë teem kɔ̈u.

Jeremia 51:30

Rem de tɔŋ ë Babilonia acïk thɔ̈ɔ̈r pɔ̈l, ku acïk nyuc ë kɛ̈lkɛn cï gël yiic. Ŋeenyden acï jäl ka acïk ciët diäär. Kɛ̈l ke pänydït acï keek dhuɔŋ piny, ku ɣɛɛk ë ɣööt në mac.

Naɣum 1:1

Jam kï, jam ë bɔ̈ në biäk de wun cɔl Ninebe. Jam ë tïŋ ë Naɣum, raan wun Elekoc ke ye nyuuth.

Naɣum 3:17

Bänyku aye ke kɔɔr ke ke liu cït luny de kɔyɔm, ee nyuc në päny kɔ̈ɔ̈th në liɛɛr ë piny, ku na cï akɔ̈l ruɛl, ke ke pär abï ciën raan ŋic të cï kek lɔ thïn.

Nyuuth 17:1

Na wën, ke tunynhial bɔ̈, tunynhial töŋ de tuuc kadhorou wën cath në guöl kadhorou, bï ku jiɛɛm ke yɛn, lueel, an, “Bä eenë, bä yï nyuöth guiëër cï löŋ de akɔɔrröör guiir atuc, akɔɔrröör rɛ̈ɛ̈r ë piëëu juëc nïïm,

Nyuuth 17:15

Go lɛ̈k ɛn, an, “Piëëu wën cï tïŋ, të rëërë akɔɔrröör, ayek kɔc, ku kuut ke kɔc, ku juöör, ku liëp.