Naɣum 2:5 - JAM DE NHIALIC 2011

⁵ Ku bäny ke Ninebe aye ke kuaath tɔŋ, ku ayek kɔ̈th të le kek tɔŋ. Kɔc bïï tɔŋ acïk ɣëët ke ke bɛ̈k kal ë wut, ku loikï gëlgël ril.

Naɣum 2:5 Iomraidhean Croise

Yith 21:5

Në nyuuth yic këcamdït ë kiëët, biök bïï ë kamaan nyuc acï keek thieth. Aciëmkï ku adëkkï. Go jam caal ë thiäu an, “Bäny ke rem de tɔŋ! Kiëëtkï köötkun!”

Yith 5:27

Acïkï ee dak ku cïkï ee kɔ̈th. Acïn raan ee nok ku cïkï ee tɔ̈c kueer. Acïn thiönh ë keyäc ee lääu ku acïn wïn ë waar ee tuɛny.

Jeremia 46:12

Juöör acïk ayärdu piŋ, dhiëndu acï piŋ ë raan ëbɛ̈n. Raan de tɔŋ ee löny ë raanë kɔ̈u, ku wïïkkï piny kedhie.

Jeremia 50:29

“Lɛ̈kkï kɔc moc dhɛ̈ŋ ë ke mɛk Babilon. Takkï kɔc ŋic muny ë dhaŋ ëbɛ̈n lɔ biic. Gɛɛukï pänydït cil ku duökï de raan takkï bän. Takkï col ka cï looi ëbɛ̈n, ku luɔikï cït man cï yen kɔc kɔ̈k luööi, në biäk yen käŋ looi në lɛc lëc en rɔt Yɛn, Yɛn Nhialic Ɣeric de Yithriɛl.

Naɣum 2:6

Ku athïïn ke kiir acï ke yal thook wut, ku jɔ kɔc tɔ̈u ɣön ë bɛ̈ny lath.

Naɣum 3:18

Yïn meliŋdïït mac wuöt ke Athiriya, bänyku acïk thou, bänyku acïk niin aɣet athɛɛr. Kɔcku acïk riëër në kur nïïm ku cïn raan mɛ̈ɛ̈t keyiic.

Naɣum 3:3

Kɔc ke jöŋgöör alek tɔŋ, në abätɛ̈ɛ̈u ariauriau, ku tɔɔŋ lɔ bilbil. Ku näk kɔc juëc, ka kɔc cï thou acïk kenïïm dɔ̈ɔ̈r në akuut juëc arëët, ku acïï ke duëërë lëu në kuɛ̈n, ago kɔc ë bïï tɔŋ aa kɔ̈th në keek!

Ɣabakuk 1:8

“Jöŋgöörken aŋickï riŋ awärkï kuëc. Ku ayek ŋɛny wär aŋuööth nɛ̈k cɔk. Ku remdɛn de tɔŋ cath ë jöŋgöör kɔ̈ɔ̈th, ayek bɛ̈n tëmec. Abïk ciët cuɔɔr nyuc ë lɛ̈n ŋueet kɔ̈u.