Naɣum 2:2 - JAM DE NHIALIC 2011

² (Ku Bɛ̈nydït abï dhuëëŋ de kɔc ke Juda pɔ̈k nɔm keek, cït man ë dhuëëŋ de kɔc ke Yithriɛl aya. Në luɔi cïï kɔc ke aterden ke rum, cït man ye apäm puɔ̈ɔ̈t bei në tim guöp.)

Naɣum 2:2 Iomraidhean Croise

Diɛt 47:4

Acï wo lɔ̈c piny rɛ̈ɛ̈r wok thïn, piny cï leec, piny de kɔckɛn nhiɛɛr.

Yith 60:15

“Yïn cïï bï bɛ päl wei ku man yïn, Pänydït cï däk piny ku cï pɔ̈l. Yïn bä tɔ dït ku tɔ yï läk, Tëde miɛt ë piɔ̈u aɣet athɛɛr.

Jeremia 25:29

Yɛn bï luɔidiën ë riääk gɔl ë pänydïïtdï. Yek tak bïk jäk ke kën luöi këtuc? Ei, abïï keek luöi këtuc, Yɛn lɔ tɔŋ tuöc kɔc ke piny nɔm kedhie. Acä lueel, Yɛn Bɛ̈nydït de rɛm.

Jeremia 48:11

Go Bɛ̈nydït lueel an, “Mowap acï ceŋ ke rëër në mätic ku akën ë kɔn peec. Mowap acï ciët mɔ̈n cï pɔ̈l ke kiët ke cïï tɔɔric ku akënë wuöl në gulic tɛ̈ɛ̈uwë ë guldäŋic. Awäude akënë kɔn riɔ̈ɔ̈k, ku amit arëët.

Jeremia 49:9

Ku të tet ë kɔc enap, ade kalik ee döŋ ë kër kɔ̈ɔ̈th, ku të bïï ë cuɛ̈ɛ̈r wakɔ̈u, ee ka kɔɔrkï, kek yek jɔt.

Edhekiɛl 37:21

Ku lɛ̈kë keek an, Yɛn Bɛ̈nydït Awärjäŋ, Yɛn bï kɔckï lɔ bɛ̈ɛ̈i bei kedhie në juöör wään cïï kek lɔ thïn, ku määt ke yiic tëtök, ku pɔ̈k kenïïm ciëën pinyden.

Edhekiɛl 37:23

Acïkï röt bï bɛ dhiöök në yiëth rackë ku cïkï röt riäk në luɔi de awɛ̈ɛ̈c. Abä ke tɔ lääu nïïm në kuɛɛrkɛn juëc ye kek awɛ̈ɛ̈c looi, ku nyiinkï Yɛn. Abä keek waak, ka abïk aa kɔckï, ku Yɛn bï aa Nhialicden.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Naɣum 2:10

Acïn kë cï döŋ Ninebe, acï ya jɔ̈ɔ̈r cïï cieŋ! Ku riɔ̈ɔ̈c alɛth kɔc gup ëbɛ̈n. Acïn riɛl be nu, acïk nyïïn lɔ lɔ̈ɔ̈lɔ̈ɔ̈r në riɔ̈ɔ̈c.

Naɣum 3:14

Wundun atookë, ka week gɛ̈mkï röt pïïu, ku kiɛmkï ɣään riilkun piny. Nuaikï tiɔp ku pamkï thop.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.