Naɣum 2:13 - JAM DE NHIALIC 2011

¹³ Alueel ë Bɛ̈nydït de rɛm, an, “Tiëŋkï, Yɛn ee nɔm week. Abëëlkuön ke tɔŋ abä keek ɣɔ̈k mac, ku remduön ë tɔŋ abï keek nɔ̈k tɔŋ, ku acïn kë bä buɔ̈th week në ka wään ruömkï, ku kɔckuön wään yak tooc an bïk athölbɔ̈ bɛ̈n aa kut acïï ke bï bɛ piŋ röt.

Naɣum 2:13 Iomraidhean Croise

2 Mel 18:17

Go melik de Athiriya ke tuöc yï Tartan ku Rabathath ku Rabcaka në remdïït ë tɔŋ jäl në Lacic le të nu melik Ɣedhekia thïn ë Jeruthalem. Agokï jäl bïkkï Jeruthalem. Na wën aa cïk ɣëët, gokï bɛ̈n ku dɔmkï kueer ye kɔc ee lupɔɔ kɔɔc lui thïn, tëthiääk ke nyin ee pïïu bɛ̈ɛ̈i në wak thöny nɔm.

2 Mel 18:19

Go Rabcaka bɛ̈ny de rem de Athiriya lɛ̈k keek an, melik de Athiriya akɔɔr bïï kë ŋɛ̈ɛ̈th ë melik Ɣedhekia ŋic.

2 Mel 19:23

Yïn cï Ya tuöc raan ee yï luööi (bɛ̈nyduön ë rem de tɔŋ) bï rɔt bɛ̈n lɛ̈c Ɛn an në abëël ë jöŋgöör, yïn cï kurdït bär ke Lebanɔn tiam. Ku lec rɔt në luɔi cï yïn tiim ke thaipereth bär yep ëtɛ̈ɛ̈n ku ɣet në roor thar ciëën.

2 Mel 19:9

Jam acï ɣet Athiriya an rem de tɔŋ de Rip kuɛɛthë melik cɔl Tiriɣaka, raan ë Kuc an bïï keek bɛ̈n mak. Të wën jɔ melik de Athiriya kënë piŋ, ke jɔ awerek gäär melik Ɣedhekia

2 Lëk 32:19

Ku aa ke ye jam në biäk de Nhialic de Jeruthalem në kueer ye kek jam në këde yiëth ke kɔc kɔ̈k, yiëth ë cuëc keek ë cin.

Diɛt 46:9

Acï tɔɔŋ dɔ̈m kɔ̈ɔ̈c ë pinynɔm ëbɛ̈n, acï dhɛ̈ŋ dhoŋ kɔ̈ɔ̈th, ku riëëk tɔɔŋ, ku nyop abëël ke tɔŋ në mac.

Jeremia 21:13

Yïn Jeruthalem, yïn kääc tëthöny ë wɛ̈k nïïm, yïn cït kuur nu ë riaaŋ nɔm. Ku Yɛn bï thɔ̈ɔ̈r we yïn. Aye lueel an acïn raan bï yïn mak, ku acïn raan duëër rem de tɔŋdu reetic.

Jeremia 46:14

“Luel ë wuöt ke Rip yiic, ku në Migdol, ku Mempeth, ku Tapaneth an, ‘Kiëëtkï röt bäk röt gël, kakuön tɔ̈u tëde week ëbɛ̈n abï keek riɔ̈ɔ̈k tɔŋ!

Jeremia 50:31

“Babilonia, yïn cï thiäŋ we lɛc, ka Yɛn Bɛ̈nydït Awärjäŋ, Yɛn göth wo yïn! Akööl acïk bɛ̈n, akööl bän yïn luöi këtuc.

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Edhekiɛl 13:8

Ka aye Bɛ̈nydït Awärjäŋ lɛ̈k keek an, “Wëlkun ayek lueth, ku nyuuthkun ayek tör. Yɛn göth wo week.

Edhekiɛl 21:3

an yɛn Bɛ̈nydït aluɛɛl an: yɛn ee raan aterdun. Yɛn bï abätäudï bɛ̈ɛ̈i bei ku näk week wedhie, raan rac ke raan piɛth athöŋ.

Edhekiɛl 26:3

“Ënɔɔnë, kë luɛɛl kï yɛn Bɛ̈nydït Awärjäŋ, aluɛɛl an: Ee Yɛn ee raan de ater wo pänydït de Tayer. Yɛn bï juöör juëc bɛ̈ɛ̈i bïk yïn bɛ̈n mak, ku abïk bɛ̈n cï apiöŋ de wɛ̈ɛ̈r.

Edhekiɛl 28:22

lɛ̈kë kɔc tɔ̈u ëtɛ̈ɛ̈n, kë luɛɛl në biäkden yɛn Bɛ̈nydït Awärjäŋ: yɛn ee raan de aterdun, Thidon, kɔc abïk yɛn piɔɔny në biäk de kë luöi week. Abïk ŋic nɔn ee yɛn Bɛ̈nydït, të la yɛn luɔi ɣɛɛr yɛn yic nyuɔɔth, ë luɔi bän kɔc nu në yïyic luöi këtuc.

Edhekiɛl 29:10

Yɛn ee raan de aterdu ku dɛ ater wokë Kiirdu. Yɛn bï Rip ëbɛ̈n tɔ ee piny cïn yic kɔc, gɔl në pänydït de Midgol në biäk të lɔ rut lee në pänydïït de Athuan në biäk të lɔ wöuwic, lee në aken de kɔc ke Ethiopia.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Edhekiɛl 35:3

lɛ̈kë kɔc kë luɛɛl Yɛn Bɛ̈nydït Awärjäŋ: Yɛn ee raan de aterdun wek kur ke Edom! Wek bä tɔ ee të cï pɔ̈l.

Edhekiɛl 38:3

ku lɛ̈kë yen an, Yɛn Bɛ̈nydït Awärjäŋ, Yɛn ee raan de aterde.

Edhekiɛl 39:1

Acïï Bɛ̈nydït Awärjäŋ lueel an, “Mɛnh ë raan, rɛɛcë Gok, bɛ̈ny tueŋ cieŋ juöör ke Mecek ku Tubal, ku lɛ̈kë yen nɔn yɛn raan de aterde.

Edhekiɛl 5:8

Ka wek yɔ̈ɔ̈k keek Yɛn Bɛ̈nydït Awärjäŋ nɔn aa wek kɔc ke aterdï. Yɛn bï luŋdun teem të bïï ë juöör week woi kedhie.

Naɣum 2:12

Ku ee mïthke näk cït kë kɔɔr, ku ee läi dhuöŋ yiëth ŋunde kekë mïthke, ku jɔ duŋden yic thiäŋ ke rïŋ.

Naɣum 3:1

Amawoou në pänydït de riɛm, wun cï thiäŋ ke lueth, athiäŋ ke kajuëc duëërë rum, ku ka yak keek!

Naɣum 3:12

Ku ɣään riilku kedhie, acïtkï tim de ŋaap cïï mïthke ee lëu në gël të cï kek bɔ̈ny. Të cïï ye nieeŋ, ayek guɔ lööny në raan cam keek thok.

Naɣum 3:15

Ëtɛ̈ɛ̈n yïn bïï mac nyop, ku dhoc abätäu week, abï we cam cït man ye kɔyɔm rap cam. Wek cï röt dhiëëth cït man ë kɔyɔm!

Naɣum 3:5

Kë cïï Bɛ̈nydït de rɛm lueel kï an, “Yɛn ee nɔm yïn. Yɛn bï biɔŋku yaany nhial, ku ta yï woi ë juöör thar, ku ta ke ŋic ayärdu.

Jocua 11:6

Go Bɛ̈nydït lɛ̈k Jocua, an, “Du riɔ̈c në keek. Miäk aköl wälë, abä ke gäm Yithriɛl ke ke cï thök ë nääk kedhie. Wek bï jöŋgöörken tɔ ye ŋöl miäk, ku ɣaakkï abëëlkɛn ke tɔŋ.

Jocua 11:9

Ago Jocua ke luöi kë cïï Bɛ̈nydït lɛ̈k en. Ago jöŋgöörken tɔ ye ŋöl, ku ɣɛɛk abëëlkɛn ke tɔŋ.