Naɣum 1:5 - JAM DE NHIALIC 2011

⁵ Kur ayek röt nieeŋ në Yenɔm, ku lɛ̈ɛ̈ŋ kur kor. Piny aye lath të tɔ̈u En thïn, ayï kɔc cieŋ pinynɔm kedhie aye keek lath aya.

Naɣum 1:5 Iomraidhean Croise

2 Tham 22:8

Go piny lath ku nieeŋ rɔt, ku dhoŋ këërkëër ke tënhial ku kuemkï, në biäk cïï Nhialic göth.

Jop 26:11

Të cï Yen mën ke tënhial jɔ̈ɔ̈ny aye ke lath në riɔ̈ɔ̈c.

Jop 9:5

Ee kur tuök thäär nhial në agönhde, ku nyɛɛi ke tëden ke cïn kë ŋickï.

Diɛt 104:32

Ee pinynɔm woi, go piny rɔt nieeŋ, ee kur jak, agokï tol ŋɔ̈k bei.

Diɛt 114:4

Kur ayek kɛɛc nhial cï bɔɔth, ku kur kor ayek kac cï amithöök ke amɛ̈l.

Diɛt 114:6

Wek kur eeŋö tɔ we kɛɛc nhial cï bɔɔth? Wek kur kor eeŋö aa wek kac ke we wil piny cï amithöök ke amɛ̈l?

Diɛt 18:7

Ago piny rɔt nieeŋ ku lɛthë, ku lɛthë këërkëër ke kur ku kuemkï röt, në luɔi cï Bɛ̈nydït piɔ̈u diu.

Diɛt 18:8

Ago tol lɔ nhial në yewum, ku atiam de many dɛ̈p ë yethok ku bɔ̈ many ee biɔ̈l bei në yeguöp.

Diɛt 46:6

Juöör ayek riɔ̈ɔ̈c ku lɛthë ciɛɛŋ Nhialic ee määr cï deŋ, go piny lëëŋ.

Diɛt 68:8

Piny aye lath, ku të nhial ee deŋ luööŋ piny, në biäk de bɛ̈n ë Nhialic de Thinai. Go kuur ë Thinai lath në Nhialic nɔm, Nhialic de Yithriɛl.

Diɛt 98:7

Jɔ röl wɛ̈ɛ̈r, we këriëëc nu ë yïyic ëbɛ̈n, kɛ̈të pinynɔm, we këriëëc nu ë yïyic ëbɛ̈n!

Bɛ̈n 19:18

Go tol kuur ë Thinai paat piny, në luɔi ë cïï Bɛ̈nydït bɛ̈n piny në kuur nɔm në macic. Go tol cït tol ë purun rɔt cɔ̈k nhial. Ago kɔc riääc arëët kedhie, ku lɛthë keek.

Yith 24:1

Bɛ̈nydït abï piny riɔ̈ɔ̈k ku nyiëëŋ piny ke cï riääk. Abï niɛŋ nɔm ku thiɛ̈i kɔc nu thïn.

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 4:24

Ku tiëŋ kur ke ke lɛthë, ku kur kor ayek röt jäp ciëën ku tueŋ.

Edhekiɛl 38:20

Rɛ̈c ku dit ëbɛ̈n, ayï läi dït ku läi kor, ayï mɛnh ë raan tɔ̈u në pinynɔm abï lath në riɔ̈ɔ̈c riɔ̈ɔ̈c en në yɛn. Kur abïk löny, ayï kur nïïm abïk röt kuem, ku wiëëk pɛ̈ɛ̈ny ëbɛ̈n.

Jowɛl 2:10

Piny ee rɔt nieeŋ në kenïïm tueŋ, ku lɛthë tënhial. Akɔ̈l kekë pɛɛi acïk cuɔl, ku kuɛl acïkï be riau.

Amoth 9:5

Bɛ̈nydït Nhialic de rɛm Raan ee piny jak, abï lɛ̈ɛ̈ŋ ëbɛ̈n, ku dhiau kɔc cieŋ piny kedhie ëbɛ̈n. Ee pinynɔm ëbɛ̈n miaakic nhial cït apiöŋ de Kiir, ku tɔ piny riŋ cït Kiir de Rip,

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Ɣabakuk 3:10

Të cïï kur Yïn tïŋ aye ke lath, Yïn ë pïïu wäl piny nhial. Piääu dït riŋ piny ayek roor, ku moc apiöŋ ë wɛ̈ɛ̈r rɔ nhial ya.

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 27:51

Ku ja lupɔ dïït nu Luaŋdït rɛɛt ërou, gɔl nhial ɣeet piny, go piny rɔt niɛŋ, go kuurdït yiic pak,

Math 28:2

Na wën, ke piny nieŋ rɔt arëët, ku bɔ̈ tunynhial ë Bɛ̈nydït piny paannhial, bï ku lɔɔr kuur wei ë raŋ thok, ku jɔ rëër ë yenɔm.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 6:14

Go tënhial nyaai cït man ë awerek cï dolic, ku nyiɛɛiyë kurdït kedhie tëden ayï tuöör.

Bäny 5:5

Ku nieŋ kur röt në Bɛ̈nydït de Thinai nɔm, në Bɛ̈nydït nɔm Nhialic de Yithriɛl.