Naɣum 1:12 - JAM DE NHIALIC 2011

¹² Kë ye Bɛ̈nydït lueel kï an, “Na cakaa nɔn juëc ë kɔc ke Athiriya, ku rilkï, abä ke riɔ̈ɔ̈r nyïïn ka bïk liu. Na cakaa nɔn cän week luöi këtuc wek kɔckï, wek cä keek bï bɛ nyɔk ë luöi Ɛn week këtuc.

Naɣum 1:12 Iomraidhean Croise

2 Mel 19:35

Në ee wɛ̈ɛ̈rë yic go tunynhial ë Bɛ̈nydït lɔ wun cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ, na ɣɔn amiäk aa lɔ kɔc pääc, ke kɔc cï döŋ apïr ke ke tïŋ kɔc cï thou adhɔt piny.

2 Mel 19:37

Na ɣɔn ë kööl tök, të lɛ̈m en luaŋ ë yanhdɛn Nithrokic, go wɛ̈ɛ̈tke kaarou yï Adramelek ku Caredher nɔ̈k në abätɛ̈ɛ̈u. Gokï bɛ̈n kat ke ke lɔ piny de Ararat, ago Etharɣadon wënde lɔ në nyinde yic ke ye melik.

Bɛ̈n 12:12

“Ee Yɛn Bɛ̈nydït, paan ë Rip abä caathic ëbɛ̈n në ee wɛ̈ɛ̈rë yic, ke ya näk mɛwä kɛ̈ɛ̈i ëbɛ̈n, kɛ̈i ë raan, ku kɛ̈i ë läi. Ku kuööm yiëth ke Rip kedhie në kuöm tuc. Ee Yɛn Bɛ̈nydït.

Yith 10:16

Abïï Bɛ̈nydït de rɛm keek luöi këtuc ku tuc keek jɔŋ bï rem de tɔŋ cï ŋiëc muk dɔm ëbɛ̈n. Abïï ke dɛ̈ɛ̈p gup në mac ku be ke dɛ̈ɛ̈p gup.

Yith 17:14

Thëën ayek riɔ̈ɔ̈c tɔ loi rɔt, ku miäk rial acïk jäl. Kënë ee yen ee täu ë raan ëbɛ̈n, raan yak pinyda.

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Yith 31:8

Athiriya Abï riɔ̈ɔ̈k tɔŋ, ku acie riɛl mɛnh ë raan. Kɔc ke Athiriya abïk kat në tɔŋ, ku dhuökken abïï ke tɔ ee lïïm.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Yith 51:22

Bɛ̈nydït Awärjäŋ ee we kony ku lueel an, “Yɛn bï abïïny nyaai abïïny wään cä gäm week në agönhdï. Wek cïï bï bɛ dek ë mɔ̈n ee week tɔ tuëk.

Yith 7:20

“Në aköölkë Bɛ̈nydït abï rem de tɔŋ de melik de Athiriya nu ë wɛ̈ɛ̈r ë Yuparat lɔŋ tui riɔp, ku abï we muut nïïm, ku muut nhïm nu ë we nɔ̈k ku nhïm nu ë we gup.

Yith 8:8

Abïk dap lɔ Juda ke cït amooldït ë pïïu ee ɣet ë kɔc yiëth, ku abï pinydun thiɔ̈ɔ̈ŋic ëbɛ̈n. Emanwɛl! Nhialic atɔ̈u ke wook. Abï ye wuök peer ku gël piny.”

Danyel 11:10

“Ku wɛ̈ɛ̈t ke melik de Athiriya abïk remdïït ë tɔŋ guiir, bï kek lɔ thɔ̈ɔ̈r. Tök në keyiic abï ban aläl cït amool, ku abï ɣään cï gël de kɔc ke aterden luöi tɔŋ.

Jowɛl 2:19

Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Nyuuth 7:16

Acïï cɔk ke bï bɛ nɔ̈k ananden, ku cïkï bï bɛ yal ananden, ayï akɔ̈l acïï keek bï aa nɔ̈k, acakaa atuöc ŋö, acïï ke bï aa nɔ̈k.