Math 9:6 - JAM DE NHIALIC 2011

⁶ Ku nɔɔnë, luɔi bä wek e ŋic nɔn ciɛthë Wën ë Raan ke riɛl ë piny nɔm riɛl bï en karɛc pɔ̈l, ago raan cï duany yɔ̈ɔ̈k an, “Jɔt rɔt, jɔt agendu, lɔ baaidu.”

Math 9:6 Iomraidhean Croise

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Math 8:20

Go Yecu yɔ̈ɔ̈k an, “Awɛn adekï ɣöötkɛn cï wec piny, ku diɛt nhial adekï ɣööt, ku Wën ë Raan acïn të kɛn en enɔm.”

Math 9:2

Na wën, ke ke bïï raan të nu yen, raan cï duany, adhɔt piny ë agen nɔm, go Yecu gämden tïŋ, ku yöök raan cï duany an, “Pälë yïpiɔ̈u piny, mɛnhdï, karɛcku acï ke päl yïn.”

Math 9:5

Ee kënou piɔl ë keek, të luɛɛl ɛn en, an, Karɛcku acï ke päl yïn, ku të luɛɛl ɛn en, an, Jɔt rɔt, cathë?

Math 9:7

Go rɔt jɔt, ku jël le ɣönde.

Mak 2:10

Ku ënɔɔnë, luɔi bä wek e ŋic nɔn ciɛthë Wën ë Raan ke riɛl ë piny nɔm riɛl bï en karɛc pɔ̈l (ke yöök raan cï duany an,)

Mak 2:7

“Eeŋö jiɛɛmë raanë aya? Ë Nhialic lat, eeŋa duëër päl ë karɛc lëu, cie Nhialic Etök?”

Luk 5:21

Go kɔc ee löŋ gɔ̈ɔ̈r ku Parithai gokï teer gɔl, ku thiëckï an, “Eeŋa yen raanë raan lat Nhialic! Eeŋa duëër kërac pɔ̈l, cie Nhialic Etök!”

Jɔn 10:28

aguɔ ke miɔɔc në pïïr athɛɛr, ku acïkï bï määr athɛɛr, ku acïn raan bï kek gɔ̈p bei ë yaciin.

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

Jɔn 5:27

Ago Wëde gäm bɛ̈ɛ̈ny bï en löŋ de kɔc aa guiir, luɔi ee yen Wën ë Raan.

Jɔn 5:8

Go Yecu yɔ̈ɔ̈k an, “Jɔt rɔt, jɔt biöŋdu, cathë.”

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

Luɔi 9:34

Go Petero yɔ̈ɔ̈k an, “Ayina, Yecu Kërtho atɔ yïn dem: jɔt rɔt, loi agendu.” Go rɔt jɔt ënɔnthiinë.

2 Kor 2:10

Ku raan bäk päl këdäŋ, ka cä pɔ̈l aya, ku të cän këdäŋ päl raan, ka ye biäkdun week, en aa päl ɛn en ë Kërtho nɔm,

2 Kor 5:20

Ku ënɔɔnë wok ee tuuc ke Kërtho, acït man lɛ̈ŋ ë Nhialic kɔc në wothook: wek läŋku në biäk de Kërtho an, bɛkï määth në Nhialic.

Epethiei 4:32

ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Kolothai 3:13

Yak rëër apiɛth ëtök, yak röt pɔ̈l wapäc, të de en raan de nɔm gööny kekë raan däŋ, acït man cï Kërtho we pɔ̈l, ke we ye röt pɔ̈l aya.