Math 9:36 - JAM DE NHIALIC 2011

³⁶ Na wën, acï kuut ke kɔc tïŋ, ke jɔ piɔ̈u kok kekë keek, luɔi cï kek dak, ku luɔi cï kek thiäi cït man ë thök cïn raan ee ke tiit.

Math 9:36 Iomraidhean Croise

1 Mel 22:17

Go Mikaya bɛ̈ɛ̈r an, “Yɛn woi rem de tɔŋ de Yithriɛl ë thiëi ë kur nïïm cï thök cïn raan tit keek. Go Bɛ̈nydït lueel an, ‘Kɔckë acïnkï nïïm bɛ̈ny wat ke, në raan ëbɛ̈n ë lɔ baaide në mät.”’

2 Lëk 18:16

Go Mikaya pɔ̈k nɔm en an, “Yɛn woi rem de tɔŋ de Yithriɛl ke cï wɛɛr ë kur yiic cït man ë thök cïn nïïm raan tit keek. Go ë Bɛ̈nydït lueel an, ‘Kɔckë acïnkï nïïm raan wat keek, tɔ ke puk kenïïm wutic ë mät.”’

Yith 13:14

“Alɛi rɛ̈ɛ̈r ë Babilon abïk kat ke ke bɛ̈k wuötken, abïk wɛɛr cït ŋeer kɔt ë yiëëp, ku cïtkï thök cïn nïïm tïït.

Jeremia 50:6

“Kɔckï acïk ciët amɛ̈l cïn tïn ee keek tiit, aye ke tɔ mär në kur yiic. Ayek jɔ tai cï thök, ayek jäl në kuurë nɔm ku lekkï ë kuurë nɔm, ku acïk nïïm määr në të tɔ̈u ë baaiden.

Dhek 10:2

Kɔc aye yiëth ke math, ku törë tït keek lueth. Ayek nyuöth ë lueth, ku bïïkï kɔc piɔ̈ɔ̈th në ɣäär yiic. Ka kɔc acïk yiëëm cï thök cï määr. Ayɔŋ keek në biäk cïn kek nïïm bɛ̈ny.

Dhek 11:16

Tiëŋkï ënɔɔnë yɛn bïï tïn cïn këde yic thïn kekë thök cï määr, tïn cïï thök tök ee gël, ku cïï thök nu ee nyuääth. Ee thök cuai kek ye cuet, ku ɣɛ̈ɛ̈r kärken yiic.

Kuɛ̈n 27:17

Raan bï keek aa wat tɔŋ, ku wɛt keek ciëën tɔŋ. Ke akutnɔm de kɔckun ë cï bï cït thök cïn nïïm tïït.

Math 10:6

dhiɛlkï lɔ të nu amɛ̈l cï määr, amɛ̈l ke baai de Yithriɛl.

Math 14:14

Go Yecu lɔ biic, ku tïŋ kut dïït ë kɔc, ago piɔ̈u kok ke keek, ku tɔ kɔc dem kɔc tök ë keyiic.

Math 15:24

Go bɛ̈ɛ̈r an, “Yɛn aa cïï tucë kɔc kɔ̈k, yɛn a tucë amɛ̈l cï määr amɛ̈l ke baai de Yithriɛl tei, keek kapäc.”

Math 15:32

Go Yecu kɔckɛn ë piööcë cɔɔl, ku lueel an, “Yɛn ë piɔ̈u kok wokë kut ë kɔc, ë luɔi cï kek tɔ̈u në yɛn ënɔɔnë ë nïn kadiäk, ku acïn kë cïk cam, ku luɔi bän keek tɔ jël ë cɔk aliu ë yapiɔ̈u, ke ke cïï cɔk bï tiaam kueer.”

Mak 6:34

Na wën, aacï Yecu bɛ̈n bei ë abëlic, ke tïŋ kut dïït ë kɔc, go piɔ̈u kok ke keek, nɔn tɔ̈u kek cït man ë thök cïn nïïm raan ee ke tiit. Go ke jɔ wɛ̈ɛ̈t ë kajuëc.

Mak 8:2

“Yɛn ë piɔ̈u kok wo kut ë kɔc, luɔi cï kek tɔ̈u në yɛn, nïn acïk aa diäk ënɔɔnë ku acïnkï këcam:

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!

Ɣeberuu 5:2

Në biäk kɔ̈c en, yen aye yen piɔ̈u liɛɛr kekë kɔc kuc käŋ ku yek käŋ wööc.