Math 9:35 - JAM DE NHIALIC 2011

³⁵ Go Yecu pɛ̈ɛ̈nydït lɔ caath yiic kedhie ayï bɛ̈i kedhie, aye kɔc wɛ̈ɛ̈t ë ɣöötkɛn ke Nhialic yiic, ku ye wëlpiɛth ke ciɛɛŋ guiir, ku ye juäi tɔ dem ë kɔc yiic ëbɛ̈n, ayï jɔɔk nu ë kɔc gup ëbɛ̈n.

Math 9:35 Iomraidhean Croise

Math 10:1

Na wën, aacï kɔckɛn ë piööcë cɔɔl, kɔc kathiëër ku rou, ke ke gëm riɛl bï kek jɔɔk rac cieŋ, bïk ke ciëëc bei, ku gëm keek riɛl bï kek juäi tɔ dem ëbɛ̈n ayï jɔɔk nu ë kɔc gup.

Math 11:1

Na wën, acï Yecu kɔckɛn ë piööcë kathiëër ku rou thöl ë wëët, ke jël ëtɛ̈ɛ̈n le kɔc wɛ̈ɛ̈t ku guïïr keek wël ë pɛ̈ɛ̈nykɛndït yiic.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Mak 1:14

Na ɣɔn, aacï Jɔn mac, ke Yecu bɔ̈ Galili, ke ye Wëlpiɛth ke Nhialic guiir,

Mak 6:56

Ku bɛ̈i ee yen ë ke lɔ thïn ëbɛ̈n, nɔn ee kek wuöt, ku nɔn ee kek pɛ̈ɛ̈nydït, ku nɔn ee kek bɛ̈i nu rɛɛr, ke jɔkï kɔc tök aa tääu piny ë thuk yiic, gokï lɔ̈ŋ luɔi bï kek lupɔde jak, acakaa lupɔ thok tei: go kɔc kedhie kɔc wën cï ë jak gokï waar.

Mak 6:6

Go gäi në reecdɛn reec kek gäm. Go bɛ̈i kuany yiic ke wëët kɔc.

Luk 13:22

Go wuöt caath yiic ayï bɛ̈i yiic, ke jɔ cath ke wëët kɔc, ke lɔ Jeruthalem.

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 2:22

“Wek röör ke Yithriɛl, piɛŋkï wëlkë: Yecu de Nadhareth, raan cï nyuöth week nɔn ë bïï yen tëde Nhialic në luɔi dït ku kake gäi ku göök cï Nhialic ke looi në yen ë weyiic, acït man ŋiɛc wek en ayadäŋ,