Math 9:18 - JAM DE NHIALIC 2011

¹⁸ Na wën, aguïïr keek ee kakë, ke bɛ̈ny tök bɔ̈, ku gut enɔm piny ë yenɔm, ku lueel an, “Nyandï acï thou ënɔnthiin wënë, ku bä tei, thanyë yïcin ë yeguöp, ku abï bɛ ɣɔ̈ɔ̈r.

Math 9:18 Iomraidhean Croise

2 Mel 5:11

Go Naaman gɔ̈th ku jiël, lueel an, “Tïŋ, aa ya tak an, bï bɛ̈n bei ku bïï tëde yɛn, ku kɛ̈ɛ̈c, ku cɔɔl rin ke Bɛ̈nydït Nhialicde, ku thɛny e ciin ë tëtök nyin, ku tɔ wɛth dem.”

Math 14:33

Go kɔc nu ë abëlic bɛ̈n bïk ku lamkï, luelkï an, “Ee yic, yïn ee Wën ë Nhialic.”

Math 15:25

Na wën, ke tik bɔ̈ ku lɛm an, “Bɛ̈nydït, kony ɛn.”

Math 17:14

Na wën, aa cïk bɛ̈n të nu kut ë kɔc, ke raan tök bɔ̈ tëde yen, bï ku tuk emiɔl ë yenɔm, lueel an,

Math 20:20

Na wën, ke man wɛ̈ɛ̈t ke Dhebedayo bɔ̈ të nu yen kekë wɛ̈ɛ̈tke, bïï ku tuk emiɔl ë yenɔm, ade kë kɔɔr tëde yen.

Math 28:17

Na wën, aa cïk e tïŋ, ke lamkï, ku ŋït kɔc kɔ̈k piɔ̈ɔ̈th.

Math 8:2

Na wën, ke raan cïï wɛth dɔm ke bɔ̈, bïï ku gut enɔm piny ë yenɔm, ku lueel an, “Bɛ̈nydït, të de yïn piɔ̈u luɔi tɔ yïn a waar, ke yïn duëër ɛn tɔ waar.”

Math 8:25

Go kɔckɛn ë piööcë bɛ̈n tëde yen, bïk ku päckï, lueelkï an, “Bɛ̈nydït, kony wook, wok thou.”

Math 9:17

Ayï mɔ̈n cï piac dhiim acie tääu ë athep thɛɛr yiic, na loi yen aya, ke atheep abïk yiic rɛɛt, ago mɔ̈u lɔ wei, ku riääk atheep, mɔ̈u cï piac dhiim aye tääu ë atheep cï piac looi yiic, agokï tɔ̈u apiɛth kedhie.”

Math 9:19

Go Yecu rɔt jɔt, ku kuɛny cök, ayï kɔckɛn ëpiööcë aya.

Math 9:24

go ke yɔ̈ɔ̈k an, “Nyaikï, nyanthiinë akën thou, anin tei.” Agokï dɔl guöp.

Luk 13:14

Go bɛ̈ny de ɣön ë Nhialic gɔ̈th, luɔi cï Yecu raan tɔ dem ëkööl ë Thabath, ku jɔ bɛ̈ɛ̈r, yöök, an, “Akööl kadhetem anukï kööl duëërë kɔc ke luui thïn: yak bɛ̈n ë aköölkë yiic bï we bɛ̈n tɔ dem, ku duökï ë bɛ̈n ëkööl ë Thabath!”

Luk 18:18

Go thiëëc ë bɛ̈ny tök an, “Bɛ̈ny piɛth bɛ̈ny ee wëët, eeŋö bä looi kë bän pïïr athɛɛr lɔ̈ɔ̈k lak?

Luk 7:2

Ku lïm tök de bɛ̈ny de nɔm alathkëër kabɔt ade guöp juäi, akɔɔr thuɔɔu, ku ye lïm nhiɛɛr bɛ̈nyde.

Jɔn 11:25

Go Yecu lueel an, “Yɛn ee jönërɔt, kekë pïïr: raan gam ɛn, na ciɛk thou, ka bï pïïr:

Jɔn 11:32

Na wën, acï Meri bɛ̈n tëde Yecu, ke tuk emiɔl e yecök, lueel an, “Bɛ̈nydït, tëë yï nu eenë, ke mɛnhkäi adï kën thou!”

Luɔi 13:15

Na wën, të cï löŋ guɔ thök ë kuɛ̈n kekë tït, ke bɛ̈ny ë luaŋ ë Nhialic ke tuc raan keek an, “We wäthii, na de jam bäk guiëër kɔc, luɛlkï këdun.”

Luɔi 28:8

Ku dhɔt wun Pubilo piny ke juäi, ku cïï thiën ë yäc dɔm aya, ago Paulo lɔ neem, le ɣön nu yen thïn, le ku lɛ̈ŋ, ku jɔ ecin thany ë yeguöp, go tɔ waar.