Math 8:4 - JAM DE NHIALIC 2011

⁴ Go Yecu lom thok an, “Du lëk raan däŋ mäthdhiëën, jël tei, lɔ nyuöthë rɔt bɛ̈ny ë ka ke Nhialic, ku gam ke cï Mothe luel, an, bï aa gam an bï aa ŋïny bï kek e ŋic.”

Math 8:4 Iomraidhean Croise

Yith 42:21

Bɛ̈nydït aa mit piɔ̈u ke piathëpiɔ̈nde, acï löŋde ku wëëtde tääu nhial, akɔɔr bïï ë kɔcke aa riëëu guöp.

Lebai 13:49

Na de të cï riääk ë lupɔ guöp, lupɔ de dɛ̈l, ayï lupɔ ë nuat, ayï lupɔ cï kɔɔc. Na cï të tɔ̈c, ayï na cï të thith tïŋ, ka ee riääk ee dhiëi. Abïï dhil nyuöth bɛ̈ny de kake Nhialic.

Math 10:18

yeka, ku we bï bɛ̈ɛ̈i ë bäny ke luök nïïm ayï meliik nïïm në biäkdï, aguɔkï aa cäätɔkɛn ë keek tɔ jäny, ku yek juöör tɔ jäny ayadäŋ.

Math 16:20

Go kɔckɛn ë piööcë lom thook, ke cïkï bï lɛ̈k raan däŋ nɔn ee yen Kërtho.

Math 17:9

Na wën, aa bïk piny ë kuurdït nɔm, ë ke lom Yecu thook an, “Duökï de raan lɛ̈kkï kë cäk tïŋ, aɣët të bïï ë Wën ë Raan rɔt jɔt ë kɔc cï thou yiic.”

Math 3:15

Go Yecu puk nɔm an, “Päl ënɔɔnë, apiɛth alë, luɔi bï wok luɔi de piathëpiɔ̈u thöl ëbɛ̈n.” Go gam.

Math 5:17

“Duökï ë lueel ë wepiɔ̈ɔ̈th nɔn cän bɛ̈n bä löŋ bɛ̈n riɔ̈ɔ̈k ayï tït, acie luɔi bän keek bɛ̈n riɔ̈ɔ̈k, ee luɔi bän keek bɛ̈n tɔ ye yith en aa bä yɛn.

Math 6:1

“Yak röt tiit, duökï luɔiduön piɛth ë looi ë kɔc nïïm, ke bï tïŋ, na luɔikï wäklë, ke we cïn nïïm ariöpdun tëde wuöörduön nu paannhial.

Math 9:30

Go ke liep nyïïn. Na wën, ke ke lom Yecu thook arëët an, “Duökï lëk raan däŋ mäthdhiëën.”

Mak 13:9

“Ku week, yak röt tiit: we bï aa lɛɛr ë lööŋ nïïm, ku leerë week ë ɣööt ke Nhialic yiic, ku we bï aa dui, ku we bï bɛ̈ɛ̈i ë bäny ceŋ piny nïïm ayï meliik nïïm në biäkdï, abäk aa cäätɔɔkï ë kenïïm.

Mak 3:12

Go ke cök ë lom en kethook, ke cïkï bï tɔ ŋic.

Mak 5:43

Go ke cök ë lom en kethook, ke cïï bï dɛ raan bï kënë ŋic: ku lueel an, “Miackï ë këcam.”

Mak 6:11

Ku na de kɔc reec week nyuööc, ku reeckï këdun piŋ, të jäl wek ëtɛ̈ɛ̈n, ke we jɔ abuui nu ë wecök teŋ, abï aa cäätɔ de ater ke keek. Wek yɔ̈ɔ̈k ë yic an, “Këtuc bïï Thɔdom yök ayï Gomoora ëkööl ë guiëërëlöŋ acïï bï kït kekë këtuc bïï pänydïïtë yök!”

Mak 7:36

Go ke lom thook an, Ë cïn raan däŋ lɛ̈kkï yen, ku lum lom en kethook arëët, yen aye kek jam lɔ thäi piny arëët.

Mak 8:30

Go ke lom thook an, “Ë cïn raan lɛ̈kkï yen.”

Mak 9:9

Na wën, abïk piny ë kuurdït nɔm, ke ke lom Yecu thook an, “Ë cïn raan lɛ̈kkï ka cäk tïŋ, të ŋootë Wën ë Raan ke kën rɔt guɔ jɔt ë kɔc cï thou yiic.”

Luk 17:14

Na wën, acï ke tïŋ, ke yöök keek an, “Lakï, nyuöthkï röt bäny ke ka Nhialic.” Na wën, alekkï, ke ke jɔ dem kueer.

Luk 21:13

Ku abï rɔt pɔ̈k week ago aa cäätɔdun.

Luk 4:41

Ku bɔ̈ jɔɔk rac bei ë kɔc juëc gup, ke ke cöt an, “Yïn ee Kërtho wën ë Nhialic.” Go ke jɔ̈ɔ̈ny, ku cïï ke pɛ̈l jam: në ŋïny ŋic kek en nɔn ee yen Kërtho.

Luk 5:14

Go yɔ̈ɔ̈k an, “Mäthdiën, ë cïn raan lɛ̈kë yen: lɔ tei nyuöthë rɔt bɛ̈ny de ka ke Nhialic, ku yiɛ̈në këdäŋ në waar cï yïn guöp waar, cït man cï Mothe e lueel, abï aa cäätɔ ë kɔc nïïm.”

Luk 8:56

Go yï wun gäi kekë man: ku jɔ ke lom thook, ke ke cïï kë cï tïc bï lɛ̈k raan däŋ.

Luk 9:21

Go ke lom thook, ku yöök keek arëët an, ë cïn raan lɛ̈kkï ee kënë.

Jɔn 5:41

“Yɛn cïï lɛc ee gam tëde kɔc.

Jɔn 7:18

Raan ë jam ëkëde yenhde ee lɛc de yenguöp en kɔɔr: ku raan kɔɔr lɛc de raan ë toc en, yen aye raan yic, ku cïnic kërac.

Jɔn 8:50

Ku yɛn cïï lɛcdï kɔɔr: raan tök anu raan kɔɔr lɛc bï a leec, ku yen aye löŋ guiir.